يابة ضوجناكم ... اتحملونا !!!

[بنت البصرة]

اخواني بالادارة .. السلام عليكم ورحمة الله وبركاته

اعرف احنا جاي نضغط عليكم بالطلبات ... بس اتحملونا شوي عفية حبابين

شوفوا اخواني .... نريد اذا متصير زحمة واذا ممكن هالشي ان يكون هناك احصائية بنهاية الصفحة الرئيسية واللي يكون بيها معروض اخر عشر مشاركات من جهة ... واكثر الاعضاء المشاركين من جهة ثانية ..

بصراحة اخوان اني جنت اول ما افوت للمنتدى انزل ليجوة واشوف اخر المواضيع اللي تم المشاركة عليها ومنها انطلق للمشاركة والتواصل مع اخواني بالمنتدى .. واحب اشوف هالشي موجود بمنتدانة ...

ما اعرف كم واحد يوافقني بالرأي وكم واحد يخالفني ... ياريت لو الكل تنطي رأيها بالموضوع .. وللادارة الكلمة الاخيرة بالتأكيد .. واللي تكولون عليه احنا وياكم وموافقين عليه

شاكرة لكم سعة الصدر .. والتعاون البناء ..

ومشكورين مقدما على كل اللي تقدمونة لاجل المنتدى ورقيه

تحياتي وارجوا ان ما اكون ازعجتكم بطلبي

[عازف اوتار الحب]

الف شكر خاله الى اقتراحك....

خاله لو اتلاحضين بدايه الصفحه من فوك اكو اخر عشر مواضيع

وانا ايضا احب ان يكون مقترحك موجود

واضيف على اقتراحك المراتب لازم نعرف منو مرتبه اولى ومنو منو؟؟

مع خالص تحياتي خاله وان شاء الله طلبك ينفذ

[دمعة حزن]

اقتراح حلووو بنوتـه .. واني دائما انزل جوا واشوف ماكو واكول شوكت يخلون هالشئ ..

بس همزين فتحتي هالموضوع والاقتراح .

واني صوتي وياكــــــم ..

[بنت البصرة]

عزوف اعرف الشريط اللي فوك بي اخر مشاركات .. بس بصراحة يطول علما يمر والمعلومات اللي بي هواي لحد ميخلص الشريط اني شايفتلي 3 اربع مواضيع .... لهذا اتمنى تكون الاحصائية جوة مختصرة وثابتة للناس اللي معدهم صبر مثلي ..

اما بالنسبة للرتب فهذا كان قصدي باكثر المشاركين .. يعني اللي عندة اعلى مشاركات الاول .. وهكذا لحد العاشر

ساندي حبيبتي ... مشكورة على التاييد .. يارب يتحقق هالشي وردة

[اسود العراق]

وعليكم السلام ورحمة الله وبركاته
تشكرك ادارة منتديات اسود العراق جزيل الشكر على مقترحاتكِ الجميله اختنه العزيزه بنت البصرة
بالعكس نحن موجودون من اجل راحتكم والتقديم الأفضل اكيد ..
وان شاء الله سوف تنظر الادارة في الامر في القريب العاجل .. وما يصير غير كل خير


ونوجه شكرنا الجزيل أيضاً للأخ عازف على اقتراحه ..
والذي سوف ينظر بشئنه ايضاً في القريب العاجل


مع خالص تحيات وتقدير ادارة المنتدى

[زين العابدين]

كلشي مفتهمت وعمري مامسوي هاي السالفة !!!!!!!!!!!!

[عازف اوتار الحب]

هههههههههههههههههههههههههههههههههههه

زيوني غلس جنك مشفت شي

[دمعة حزن]

ههههههههههه

زيوني عينااي .. قصدنا اكثر المشاركين اسمهم و المشاركات تطلع بصف اسمـه بنهايه الصفحه الرئيسيـه ..

حتى نعرف وين احنـه في اي مرحلــة ...

و حتى نعرف اخر المواضيـع و ردودهــا ..

يارب وصلت الفكرة ..

[عازف اوتار الحب]

سندوشه ماصور وصلت:rolleyes:

[بنت البصرة]

وعليكم السلام ورحمة الله وبركاته



تشكرك ادارة منتديات اسود العراق جزيل الشكر على مقترحاتكِ الجميله اختنه العزيزه بنت البصرة
بالعكس نحن موجودون من اجل راحتكم والتقديم الأفضل اكيد ..
وان شاء الله سوف تنظر الادارة في الامر في القريب العاجل .. وما يصير غير كل خير


ونوجه شكرنا الجزيل أيضاً للأخ عازف على اقتراحه ..
والذي سوف ينظر بشئنه ايضاً في القريب العاجل



مع خالص تحيات وتقدير ادارة المنتدى


بارك الله بيكم اخي الكريم ... والله يديمكم النا يارب

وان شاء الله نكون كلنا يدا بيد من جل اعلاء وتطور المنتدى

مع جزيل الشكر لكم