بيان السيد مقتدى الصدر حول الاوضاع الاخيرة

[أمير العراق]

لقد وجدنا أن حماية الخط الصدري لاتكون إلا بالتزام الصمت في الوقت الحاضر مادام الاحتلال على أراضينا إن ما حدث في الديوانية وكربلاء كان الضربة التي جعلتنا نفكر كثيرا إن صح التعبير في أن المواجهة سوف تعطي مبررا للحكومة لاستغلال مخطط المحتل البغيض وبحجة فرض القانون لضرب أبناء التيار الصدري في البصرة وفي مدينة الصدر ... أقولها وكلي لوعة إن صح التعبير وللأسف الشديد أن هناك من بين الخارجين عنا والذين لم يأتمروا بأمرنا وتستروا برداء جيش الإمام المهدي ( عج ) وقد أعانوا الحكومة والمحتل على أنفسهم وقرروا التمرد على أوامرنا ... إننا ندعوا أبناء التيار الصدري إلى التزام التهدئة مع الحكومة وليس مع المحتل من خلال استثمار قرار العفو الذي أعلنته مؤخرا ... أنا اطلب منكم إلقاء السلاح والالتزام بأمر التجميد وعدم مخالفة الحوزة الناطقة...
( إن تنصروا الله ينصركم ويثبت أقدامكم )




مقتدى الصدر
في 18 ربيع الأول 1429

المصدر وكالة انباء براثا
للاطلاع على البيان
http://www.burathanews.com/news_article_38483.html

[صخـَـبُ أنـثــَى]

لا أقول سوى ...!!
الى الله المشتكى من كل الذين تسببوا بأراقـة دماء العراقيين

[عراقي راقي]

يرجى الابتعاد من التعصبات وذكر الاطراف الاخرى

بلدنا الجريح بحاجة ان نكون يدا بيد وليس ذكر الاخرين

بصراوي مشاغب

[basrah_basrah]

السلام عليكم
اقف اولا وكلي اجلال واحترام لمنتداكم الرائع ولاعضائكم الراقين
لكن علي ان اقول كلمة حق وانا في صلب الموضوع ووسط الحدث
اذا سمحتم اخواني مع احترامي لقوانين هذا القسم
واحترامي الاكبر لكل لاعضاء وميولهم واعتقادهم
لكن الخقيقة تقال وان كانت مره
وتطرح هنا عدة تسائلات كان من الواجب الالتفاف بها اولا واخيرا
وهي :
الحكومة العراقية ماضيه قدما في خطة مشروعة وهي خطة فرض القانون .. والتسائل هنا هل من الممكن او من المعقول ان يحمل التيار نفس السلاح الذي تحمله الحكومة ؟؟
ولو كان هناك فعلا انشقاقات وافراد تداخلت مع هذا التيار وعملت بغطائه فمن كان الاجدر في تصفيتها وقد اراقة المئات من دماء الابرياء وامست خرابا بابناء البصرة ؟؟
واذا كان افتراضا كما تدعون ان التيار الصدري هو اليد الضاربه ضد المحتل .. فبما تفسر فعله اليوم وهو بضرب ابناء شعبه وحكومته الشرعية التي كان التيار جزءً منها ولحد الان تمثل كتلته الثقل الاكبر في المقاعد البرلمانية ؟؟
وهل تفجير انابيب النفط هو ضرب المحتل ؟؟
ام اتخاذ منازل الضعفاء والابرياء جدارا يتستر به بعد ضربة قاذفه اخطأت الهدف ؟؟
اخي تقبل نقدي ولك جزيل احترامي وتقديري لما طرحت
لكني ابن البصرة
اعيش في اجوائها اليوم
واعرف تفاصيل مريرة يعيشها الضعفاء ان صح التعبير الذين لم ينتموا الى اي حزب او نصير غير الله
فان كان التيار الصدري لا يمثل المرض فهو عارض من اعراضه

[عراق الحق]

السلام عليكم ورحمة الله وبركاته.الحمد لله الذي يحي ويميت الفرد الصمد.اشكر الاخ الناشر لبيان السيد مقتدى ولكن لماذا تاخر هذا البيان ولماذا قتلوا الكثير من منتسبي الشرطة والجيش والمدنيين والمسلحين وماذا نطلق على الذين قتلوا من المسلحين بالله عليكم شهداء ام ماذا انا في حيرة من امري مالتسمية الصحيحة التي نطلقها عليهم .واشكر الشكر الجزيل للاخ بصرة بصرة على رده ومعرفته بالامور .والله الموفق بحق محمد واله

[عراق الحق]

السلام عليكم ورحمة الله وبركاته الاخ امير العراق يجب ان تنشر البيان كاملا وليس بهذه الطريقة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ

[أمير العراق]

مشكورين اخواني على تواجدكم العطر بالموضوع

واحب ان اقول اني ضد اي شخص يحمل السلاح ضد ابناء شعبه مهما كان انتمائه السياسي او الديني او العرقي

وحمل السلاح بهذه الطريقة يدل على مساعدة اعداء العراق واعانتهم علينا

حبيبي عراق الحق اذا انتبهت اني مخلي رابط البيان والي يحب يطلع عليه بالكامل يدخل وماحرفت ولاحطيت شي من جيبي مجرد اقتبست جزء من البيان

شكرا مرة ثانية

تحياتي

[بنت البصرة]

تم حذفه من قبل الادارة

عذروني شباب بس ارواحنا طلعت... اخوي اتصوب ووصل للموت

وبيت اهلي اتهدم .. شجان متاني اخونا بالله ؟؟؟؟؟؟؟؟؟؟؟؟؟؟

لو جان منتظر البصرة تنمحي يلا ينطق ابو الجهاد ضد المحتل

[بنت البصرة]

صدك نسيت ... مشكور خوية ابو حمودي على الخبر ... ان شاء الله العالم تسمع واتطبق

[أمير العراق]

مية هلا بيج ام علاوي
والحمد لله على سلامة اخوج والله هذا مو خوش خبر
تحياتي

[basrah_basrah]

الف سلامه عليك وعلى اهلك اختي
وتاكدي الجرح واحد
واعتذر اذا مسيت اي شخص او جرحته في اعتقاده
بس هاي الحقيقه

[أمير العراق]

واعتذر اذا مسيت اي شخص او جرحته في اعتقاده

عزيزي بصرة كلامك عين العقل بالعكس انت مامسيت احد بس غيرتك تخليك تدافع عن شعبك
تحياتي لك

[basrah_basrah]

لف شكر على سعت صدوركم وتفهمكم للوضع
ممنون الكم

[صخـَـبُ أنـثــَى]

عذروني شباب بس ارواحنا طلعت... اخوي اتصوب ووصل للموت


وبيت اهلي اتهدم .. شجان متاني اخونا بالله ؟؟؟؟؟؟؟؟؟؟؟؟؟؟

لو جان منتظر البصرة تنمحي يلا ينطق ابو الجهاد ضد المحتل




الحمد لله على سلامةالاهل عمري ام علاوي

والله عود مردنه نحجي ونفتح مواضيع يمكن تجرح ناس
بس شنگول غير حسبي الله ونعم الوكيل عليهم
العراق صار بأيد الاحزاب الي ما ترحم وما يهمها غير مصالحها وبس .!!
وكيف تسلب بقووت الشعب

[قائد بغداد]

اخي الكريم قائد بغداد يرجى الابتعاد من التعصبات

وذكر اسماء نحن بحاجة الى تماسك يد بيد لردع

كل من يريد تفرقة الصف العراقي .

بصراوي مشاغب

[عراق الحق]

الاخ امير العراق نعم شكرا لك على توضيحك للموضوع والله يلعن الشيطان .وممننون منك .واللهم احفظ العراق واهله بجاه محمد واله

[أمير العراق]

حبيبي عراق الحق اني بالخدمة
وممنون لمتابعتك للموضوع
تحياتي

[عراقي راقي]

السلام عليكم

لماذا الحقيقه تحت الغطاء ولا تريدون احد يعرفها موجهه لبصراوي مشاغب

وهاذا منتدى سياسي وبيه نقاشات وئاراء ويتهم بعض ببعض
لو اني ذكرت اسم بدر ينحذف الرد مالتي هاذي الحقيقه اخويه لو اناقش لو مناقش يعني بعد مراح ادخل هاذا القسم اني واني احب هاذا القسم واني اشكرك
بس اهم شي انبين الحقيقه للاخرين

[أمير العراق]

الرجاء الالتزام بالقوانين وعدم التجريح بالاعضاء
خلي نتناقش نقاش عقلاني
والا يغلق الموضوع
بس اني عندي سؤال هذا الي دا يصير شيسموه جهاد لو شنو الي اعرفه الجهاد يريد فتوى وطبعا اله شروط
والمشكلة الطرفين مسلمين و ( شيعة )

[عراقي راقي]

اخويه يا تجريح الي تحجي عنه اشو الحجي بل قلم العريض لو واصطات
والله يا اخويه شكولك وين المراجع الكبار شنو العراق مابيه مراجع ؟
لو الي ديصير مو بل عراق ؟
والله بعد ما اكدر احجي لئن دمي صار نار للاسف هاذا التجاوز الي ديصير ورقباه ماكو من المنتدى

[صخـَـبُ أنـثــَى]

اخوي عراقي راقي

احنا دنحجي عن واقع ديعشه شعبنا هسه
المواجهات الي دتصير بين جيش المهدي والجيش العراقي
هذه شتسميها مو اراقــة دماء بدون سبب..
احنا لو نوجه أسلحتنه بوجه عدونا الاصلي مو چـان اثووب لهذه الدماء الي تراق

أخوي لا بدريين ولا صدريين ولا أي مسميات فادتنه
وفادت الشعب العراقي لحد الان كل واحد يفكر شگد يحط بالجيب
كااافي نمشي وره أشخاص أخذونه بأسم الدين
والنتيجة شنوو ...؟؟!!

كولشي ماكو
العراق للأسوء ديصير
وخلو الشيعة تقتل الشيعة
والسنة تقتل السنة
وهذا المطلوووب من عدونه الاساسي
قتال مابين الديانات الوحدة .

اللهم لا نسألك رد القضاء ولكن نسألك اللطف فيه

أعتقد ماكو تجريح بالكلام وكل شخص يعبر عن وجهة نظره
المهم بالآمر محد يتجاوز بكلام بذيئ على الاخر .

خلوونه نفكر بالعراااق بس
أتركوا عنكم التحزبية ولو للحظة وحدة

[بنت البصرة]

ما جنت اتوقع هاذا الكلام يطلع من بنت البصرة



عمو مقتدى شنو يلعب وياج هاذا سيد وجده رسول الله وابن منو ونسله من منو
كلامج مو منطقي للاسف وما اتوقعت هاذا يطلع منج
النايم اتعرفينه كولش زين ولوما التدخل جان العوائل بقت بدون زلم من ورى الاعتقالات وليش بل ذات يعتقلون للي بل تيار الصدري مو اكو غيرهم
منطقة الفضل بقة سنه ونص ابغداد هيه شارعين الحكومه ابكبرها مكدرت اتسوي شي بس جيش الامام ردها
الاعظميه كسرت ظهر بغداد ولحكومه شنو جان موقفها
لو بس التيار الصدري
تبدي الاعتقالات وتضل النساء ولطفال اتكدي بل شوارع
بنت البصرة عيب هاذا الحجي والاتزمي وبدون تجريح رجااااء


الحمد لله اني هم علوية وبنت رسول الله واكبر من مقتدى بالسن ومماذية نمله بحياتي كلها ... يمكن والله اعلم كرامتي عند رب العالمين اكبر من مقتدى

المهم اخي الولد ابن عمي بصلة النسب لرسول الله .. واتصور متجاوزت او غلطت عليه .. مجرد عتب لسفك دماء عراقية شيعية موالية

عمل لا يرضاه الله ولا عباد الله

احترامي وردة ... وشاكرة مداخلتك

[بنت البصرة]

صدك نسيت ... اخوية اللي راد ينكتل على ايد جماعته المتسمين باسمه ...هم سيد وابن رسول الله

احترامي

[بصراوي مشاغب]

الاخوة الكرام الرجاء الابتعاد من ذكر الاسماء والالتزام بقانون وشروط المنتدى

والموضوع هنا مفتوح هو بيان للسيد مقتدى الصدر وانا مااشوف اي خلل في هذا

البيان حتى وان كان متاخر سبق وان ذكر التيار الصدري بتجميد الجيش وعدم حمل

السلاح في الشوارع لكن ولكل يعلم ان اغلب المسلحين الذين هم في الشوارع

هم ارهابيين وبعثين مجرمين مطلوبين للشعب والقانون والتيار الصدري بريء منهم

فاارجائي يااخوان عدم ذكر الحركات والاحزاب واغلبنا اعطينا شهداء

بااسباب هذه الحماقات تعالوا نكون يدا واحدة نردع فيها اعداء الشعب العراقي

علينا ان نوعي ونثقف المغرورين بمثل هذه الحركات ونقول لهم باان العراق بحاجة

لك ولدعمك وليس بحاجة لوقوفك مع الاحزاب والحركات التي لاتريد سوى مصالحه

ودمار بلدنا الحبيب وقبل ختام موضوعي اذكركم مرة ثانية بان منتديات اسود العراق السياسية

فيها شروط وقوانيين ويجب على الجميع الالتزام بها واقول للاخ عراقي راقي انا عراقي

ولاانحاز لااي حركة كانت اسلامية او غيرها ومنتديات اسود العراق لاتنتمى لااي طائفة

بل هي عراقية بكل طوائفه ومع الدستور العراقي الذي ضحى فيه العراقي الشريف

واوقف بوجه الاعداء كي يقول نعم للدستور كلا للارهاب والطائفية ودمتم سالمين

[بنت البصرة]

عاشت ايدك خوية بصراوي ... والله عراقي اصيل

واني بدوري اعتذر للجميع اذا كان كلامي بي تجاوز للقوانين او بي تعدي على احد الاعضاء الكرام

بصراحة اخر شي ممكن افكر بي هو تخريب او ايذاء الاخوة اللي ابيناتنا بهالمنتدى الرائع ... لان بصراحة اعضاءه من خيرة الناس ومن اطيبها ..

تقبلوا مني ارق تحية عراقية اصيلة ... وربي ينصر العراق ويحمي شعب العراق بكل طوائفة واديانه

[basrah_basrah]

تحياتي للجميع ولكل الاعضاء
وعلى راسهم الاخ المدير المحترم
وصدك انته ذوق ومؤدب
مثل ما وصفك ووصف كل الاعضاء الي هنا اخوي وصديقي الي انطاني رابط المنتدى
اخوكم بصراوي بلباكيت
الله يسلمه من كل شر
ولله ما جاي اكدر اعرف اخباره
الوضع يمهم كلش خطر
اشوف تسائلاتكم عنه ويكتلني القهر لان اني هم مثلكم ما اعرف اله خبر
بس احب اكتب حقيقه بلا خوف او مساس
باي طرف او اسم او رمز
عشرات البرياء جاي يروح دمهم هدر
وماكول بالجزم ماكو مندسين بالتيار
بس هذه البيان الي قريتوه حبر على ورق
بعدهم الجيشين شاهرين السلاح
ولابرياء بنص الحدث
ولالم مراره جاي يتجرعهه كل بصراوي
وكافي سدو الموضوع احسن
موكلين امرنه لله

[عازف اوتار الحب]

بعد وكت عمو مقتدى ... وين جان نايم

عذروني شباب بس ارواحنا طلعت... اخوي اتصوب ووصل للموت

وبيت اهلي اتهدم .. شجان متاني اخونا بالله ؟؟؟؟؟؟؟؟؟؟؟؟؟؟

لو جان منتظر البصرة تنمحي يلا ينطق ابو الجهاد ضد المحتل


لا ولله عمج مجان نايم جان يفكر صح ويعرف شنو يسوي ولهذا الرجال مابيده شي يسوي غير انو يهدء الوضع فياختي

مافتهمنا عمج لو اخوج على العموم مجان امتاني غير انو يستشير المرجع الاعلى في العراق في فتوتة الاخيرة الي هيه حمل السلاح....

[عازف اوتار الحب]

الحمد لله اني هم علوية وبنت رسول الله واكبر من مقتدى بالسن ومماذية نمله بحياتي كلها ... يمكن والله اعلم كرامتي عند رب العالمين اكبر من مقتدى

المهم اخي الولد ابن عمي بصلة النسب لرسول الله .. واتصور متجاوزت او غلطت عليه .. مجرد عتب لسفك دماء عراقية شيعية موالية

عمل لا يرضاه الله ولا عباد الله

احترامي وردة ... وشاكرة مداخلتك



بنت البصرة اختي لاحظي التلفاز وشوفي السيد شنو جاي يسوي في سبيل يهدء الوضع وعلى شنو تعاتبين ؟
اولا السيد التجئ الى الدراسة الدينية وقال انا من الان لست بقائد لاي جيش وانما اريد اتباع اوامر ابي واكمل دراستي في الحوزة بس للاسف صارت هاي الاوضاع والرجال اضطر انو يدخل وبعدين الدماء الي سفكت في جميع المناطق وفي مدينة الصدر ليست بشيعية فقط بل من جميع الاطياف
هذا ولك اعتذاري اذا جرحتج بل كلام
ارق التحايا

[عازف اوتار الحب]

اخوي عراقي راقي




احنا دنحجي عن واقع ديعشه شعبنا هسه
المواجهات الي دتصير بين جيش المهدي والجيش العراقي
هذه شتسميها مو اراقــة دماء بدون سبب..
احنا لو نوجه أسلحتنه بوجه عدونا الاصلي مو چـان اثووب لهذه الدماء الي تراق


أخوي لا بدريين ولا صدريين ولا أي مسميات فادتنه
وفادت الشعب العراقي لحد الان كل واحد يفكر شگد يحط بالجيب
كااافي نمشي وره أشخاص أخذونه بأسم الدين
والنتيجة شنوو ...؟؟!!


كولشي ماكو
العراق للأسوء ديصير
وخلو الشيعة تقتل الشيعة
والسنة تقتل السنة
وهذا المطلوووب من عدونه الاساسي
قتال مابين الديانات الوحدة .


اللهم لا نسألك رد القضاء ولكن نسألك اللطف فيه


أعتقد ماكو تجريح بالكلام وكل شخص يعبر عن وجهة نظره
المهم بالآمر محد يتجاوز بكلام بذيئ على الاخر .


خلوونه نفكر بالعراااق بس


أتركوا عنكم التحزبية ولو للحظة وحدة



اختي العزيزة انتي ذكرتي انو الشعب الجيش العراقي او جميع رجال الامن ديقاتلون ضد اي جهة كانت ولاكن لماذا لم تذكري من اين صدرت الاوامر لرجال الامن اختي انا لحد ليلة امس كنت رجل امن ولاكن المالكي انزل قرار الي ميقاتل يتحول محاكمة عسكرية وانا وبكل صراحة الان ضد الحكومة لاني مو على مود راتب راح اهجم ابيوت العالم

تم الحذف من المدير العام وياعزف بالامس كنت تتشرف
بالحكومة العراقية والان تقول عليها المحتل؟
امرا غريب بنا نحن العراقيين

[عازف اوتار الحب]

الرجاء الالتزام بالقوانين وعدم التجريح بالاعضاء

خلي نتناقش نقاش عقلاني
والا يغلق الموضوع
بس اني عندي سؤال هذا الي دا يصير شيسموه جهاد لو شنو الي اعرفه الجهاد يريد فتوى وطبعا اله شروط
والمشكلة الطرفين مسلمين و ( شيعة )


ياخي العزيز ابو احمد
اولا الي ديصير لا يم الجهاد ولا غير شيئ وذكرة الطرفين شيعة؟
لا اخي في بغداد ايضأ مناطق سنية اعلنت قوات الحتلال الحصار عليهم من ضمنهم العامرية وحي الجامعة والسؤال مازال مستمر لماذا اعلنو الحصار عليهم ؟
اخي قوات الحتلال مازالت في العراق لنفهم جميعنأ اننا لعبة بيد امريكة هي التي تضع لنا النقاط على الاحرف فهذا ليس بجهاد وليس بحرب اهلية وانما هية خطية امريكية متفق عليها مع المالكي...

[عازف اوتار الحب]

اخويه يا تجريح الي تحجي عنه اشو الحجي بل قلم العريض لو واصطات

والله يا اخويه شكولك وين المراجع الكبار شنو العراق مابيه مراجع ؟
لو الي ديصير مو بل عراق ؟
والله بعد ما اكدر احجي لئن دمي صار نار للاسف هاذا التجاوز الي ديصير ورقباه ماكو من المنتدى




اخي اي مراجع الي تتكلم عنها انت هل تقصد اية الله علي السستاني؟
فلنفرض هذا قصدك اذا المالكي من راد يسوي هل بلبلة ليش ماخذ رئي المراجع الجواب موجود لانه قائد قوات المسلحة ولهذا السبب لا دخل للمراجع في الموضوع....

[عراقي راقي]

عاشت ايدك خوية بصراوي ... والله عراقي اصيل

واني بدوري اعتذر للجميع اذا كان كلامي بي تجاوز للقوانين او بي تعدي على احد الاعضاء الكرام

بصراحة اخر شي ممكن افكر بي هو تخريب او ايذاء الاخوة اللي ابيناتنا بهالمنتدى الرائع ... لان بصراحة اعضاءه من خيرة الناس ومن اطيبها ..

تقبلوا مني ارق تحية عراقية اصيلة ... وربي ينصر العراق ويحمي شعب العراق بكل طوائفة واديانه



اول شي انتي متعديته عليه وما عاش الي يتعده عليه

وابو نفس الضعيفه الي ايخرب مثل هاذا المنتدى الجميل
ولعراق مراح ينتصر اذا على هاذا كل واحد ايجر ابصفحه ولا راح ينحمي
مادام اكو فساد اداري ولكلمة الاوله ولثانيه من قبل امريكا
وميحتاج اكثر بل كلام يشرفني كلام اخويه (عازف اوتار الحب) يكفي وزايد بل نسبه اليه::
واكول لخويه بصراوي مشاغب اتكول انته متنحاز الى اي حركه
لاكن تابع الموضوع واحكم بل حق ؟
انا تكلمت على بدر ونحذف كلام صح ام خطـأ ؟
بعض الاعضاء تكلمو وسائوو للتيار الصدري ولسيد مقدتى الصدر الذي يشرف كل من يتكلم عنه ولكلام لم يحذف ؟
لماذا كلنا اولاد حواء وادم ولا يجود شخص افضل من شخص ؟
::تحياتي::

[صخـَـبُ أنـثــَى]

اخواني .. عطروا أفواهكم بالصلاة على محمد وآل محمد

ثانياً محد تجاوز على شخصية بحد ذاتها
الكل هنا أنتقد تصرفات أحزاب وليس أشخاص بحد ذاتهم ...
أتمنى عدم المغالطة ...!!


بالاول والأخير كلنه عراقيين
تهمنه مصلحة بلدنا قبل كل شي .

واذا كنتم عراقيين بحق
لملموا جراحكم وأجعلوا كلمتكم الوحيدة هي ..

العــراق اولاً

شكراً للجميع على تعليقاتهم
ونتأمل دائما يكون النقاش بالمستوى الذي يرتقي
الى المسؤلية وتوحيد الصفوف والتهدأة.

الله لايحرمنا من الرابط الاخوي الي يجمعنا
مع بعض , الله يوفقكم ويحميكم .


يغلق الموضوع

[بصراوي مشاغب]

اخوي عراقي راقي ارجوك لاتتكلم بكلمات حادة واذا السيد مقتدى يشرفك او يشرف غيرك فاانا اتشرف فقط باان اكون ابن العراق وليس لغيره وسبق وان قلت لك
بااننا نحذف كل كلام يسيء لاي شخص لان لانحب الفتنة اذهب واطلع على اغلب
الردود تم حذفها

ونسال الله النصر للعراق والجيش والشرطة الابطال