صدك المال بالغربة وطن؟

[هالة العراق]

يكولون المال بالغربة وطن


حقيقة اني ممجربة الغربة وبنفس الوقت ممجربة المال الكثير

بس ياريت المغتربين يجاوبوني عله هالسؤوال صحيح اذا جانو بعيدين عن وطنهم فليساتهم الهواي يعوضنهم؟ اني اكول لو اني غنية وبالخارج طبعا مالي يصيرلي وطن لان المالكيتة بوطني من راحة الكاه هناك وبذلك صار تعادل


وبالاخص اذا جانت الشوارع مبلطة مو طسات ونظيفة مو ماليتهه المستنقعات وسلاسه بالعيشة وعدالة وقلة نفاق اعيش بخير ويا وطن بس اسمك وطن

[عازف اوتار الحب]

بما انو اني ممجرب الغربه

بس ماصور المال يعوض عن الوطن

الف شكر على طرحك الموضوع

[بصراوي مشاغب]

موضوع جدا رائع اسال الله ان يعيد كل غريب لوطنه

والصراحة انا عايش الغربة منذ 16 سنة بعيد عن الوطن والاهل

ومااشوف الفلوس هي وطن وطن بالغربة بس اكول عنها هي الذراع

اليمين لكل غريب لان الغريب هو مذلول من دون وطنه ومايرتاح مهما

كثر ماله وحلاله بغير وطنه هذا انا رائي الشخصي وخبرتي بالغربة

وصدكوني حتى الحفر والدمار بالوطن اهون من الغربة والله نسال

الله ان يهون علينا غربتنا وان يستقر وطننا الجريح لنعود فيه ونقضي

فيه ماتبقى من اعمارنا تحياتي لكم والى كاتب الموضوع

[صخـَـبُ أنـثــَى]

عمره المال ما نطانه الامان
المال شيء مساعد لان تستمري بالحياة
لكن ان يكون وطن مستحيل


الغربة تحطم اكبر انسان واكبر نفوذ
والمال مراح يخليج تشعرين بانك من اهل البلد
بالعكس ياما ناس كبرو بغير دول وصاروا وتصوروا
ورغم هذا رجعو لبلدهم


الغربة موت بطيئ للبشر
رغم انك تمتلكين كل مقومات الحياة الهانئة
لكن للاسف ما تمتلكين راحة البال واستقرار النفس

[مـلاك الـرحمـه]

مال شنو فلوس شنو وكفه بشباكك ياحيدر تسوه ملاييييييييين
مشكوره

[المغترب]

بسم الله الرحمــن الرحيـــم


المال ليس كل شي بالوجود ولكن هو سلاح بيد المغترب وسيلة وليس غاية



اجمع كنوز الدنيا وهل من بديل لحنان الوطن . المال لن يعوض احتضان الوطن



اسال الله العلي القدير ان يرجع جميع المغتربين ويحفظهم من كل ســوء



اخوكم المغترب سابقا

[Swat Iraqi]

يوم واحد في العراق يعادل ملاين العالم