جديد الاسد الطيب (( اصبر ياعراق))

[الاسد الطيب]

اصبر ياعراق

اصبر ياعراق
اصبر ياعراق الخير هاي الناس تدرينه
شيل او لاتدنــــك راس
ياعنوان غيرتنا اورمز جدنه او نبينه
ولو مجروح من الجدم للراس
انتا اتعودت تعلى على رووس الحاقدينه
ليغرك نذل لوباع دينه او داس
اوليهزك خسيس ايبيع لاجل فلوسهم دينه
لا وحق حسين وولاده واخوه البطل عباس
تبقى انتا على كل عالي اوتشيلك هاي ايدينه
اهن يومين لو ساعات والفاس
يوكع فوك راس الحاول ايغدرك ابشينه
يالحنين اتراب كاعك عطر ورده ياس
انشمه ابكل صباح اومسه يلفينه
صدك فجروا بيتك .. بس باقي الاساس
اوصدكك ذبحوا اطفالك والنساوين الحنينه
لكن شوف تاليها اونهايه هالمساس
كله انعوضه من اشوارب العالو علينه
انتا الي يخونك عيب بالمركوب ينقاس
اوكلش عيب عالباعك يجيك ايمد ادينه
انعرف شعبك شجاع او مايهاب الباس
يصعد عالجرح لو كبرت الاه الحزينه
وانه ابنك ياعراق ايدك فوك راسي اتطيب الانفاس
انتا يامرضي او طبيبي او شوك دلالي او ونينه
احبك واليحبك مايميز الكاع بيك اتراب لو ماس
انتا كلك جوهره ومعلكه ابصدر الميره شلون تنجاس
نكص جف اليمسه وتبقى جفينه رهينه
اصبر ياعراق ... اوكمل المشوار
انتا شمايمر بيك الزمان اتجدد ايامه او سنينه


تحيات اخوكم الاسد الطيب

[عازف اوتار الحب]

سلمت يمناك اخي العزيز على هذا الكلمات الجميلة بحق عرقنا الحبيب
في انتظار جديدك القادم

ارق التحايا لك

ارجو ان ينقل الى منتدى الشعر الشعبي

[اسير الاحزان]

الاسد الطيب
مشكور على الموضوع الجميل
وننتضر كل ماهو جديد من يدك السخية بلمواضيع الجميلة