تسجيل الدخول

مشاهدة النسخة كاملة : مفطوم



مـلاك الـرحمـه
08-31-2007, 06:24 AM
مفطوم



مفطوم من حبهم چنت
وبعيد من يمهم صرت
بيض وسمر كلهن عفت
صخرة الگلب سويته
***
گضيت العمر حب وغزل
اعشگ صدگ ماكو دجل
وما شفت البيهه الأمل
باب العشگ سديته
***
رافگت شگرات وسمر
گصيرة وطويله وشبر
ماضل بعد حيل وصبر
حتى البحث مليته
***
سهران ما شابع نوم
حب وغزل طول اليوم
وماحصلت غير اللوم
شيب القهر حنيته
***
مفطوم بس عندي علم
يتحقق بيوم الحلم
وما اگعد ابين الزلم
لو ما يجي التانيته
***
تالي صدگ جاني الولف
مثل الگمر لو ينوصف
ودفعت كفارة حلف
بنص الگلب ضميته
***
مثل الضخر چان الگلب
أنعم من الدخنة انگلب
يتمرگص بشوية طرب
ولا چن ابد وصيته
***
من شاف محبوبه اجه
من غير عفيات ورجة
ولتگول چان مضوجه
الحب ركض رديته


اتمنى ان تحوز على اعجابكم
منقووووووول

كاسر القيد
08-31-2007, 06:37 AM
الله الله الله

والله روعه
عاشت حياتج ملوكه

كلمات تخبل والنبي

وآني بدوري راح اكتبلج قصيدة مهداة الج

تقبلي مروري

عازف اوتار الحب
08-31-2007, 10:18 AM
كلمات رائعه جدا

الف شكر اختي ملاك

نقله موفقه

تقبلي مروري اختي

مـلاك الـرحمـه
08-31-2007, 11:53 AM
شكرا جزيلا لكم