ابوذيات لاستشهاد امامنا العسكري عليه صلوات الله

[مـلاك الـرحمـه]

http://im.gulfup.com/2011-02-12/12974664051.jpg





بسم الله الرحمن الرحيم
اللهم صل على محمد وآل محمد وعجل فرجهم

إبوذيات في إستشهاد الحسن العسكري عليه السلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
على المسموم أهِل دمعي وسيله == حَسَنّه العسكري إلنَه وسيله
وأعزّي الغايب إبفكده وسيله == شلون اليوم يمضي إبن الزجيّه
ــــــ
يهل بيت النبي ثابت وحيكم == بعيد او راح عن بيته وحيكم
بسامره الحسن ودّع وحيكم == إحضروا إجنازته يهل الحميّه
ـــــــ
حسن إسمك بلاغه إيفيض بسماك == وَرَد من طه نص معلوم بسماك
بسامره يريت إنصير بسماك == نشاهد حضرتك ذيج الزهيّه
ــــ
على المسموم أجري دوم دم عين == زوره إو بالضريح إبعين دمعين
بسامره إلنحق وإجريه دمعين == للغُربه إو مصابه إبن الزجيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
مع تحيات شاعر اهل البيت / جابر النجفي

[بصراوي مشاغب]

احسنتم ياطيبه وعظم الله لكم الاجر والثواب

عاشت ايدج على المشاركه الرائعه