دعوة إلى هواة الشعرالشعبي

[السيد مهدي]

دعوة إلى هواة الشعرالشعبي:

بعمل قصيدة تحية وإكبار إلى جيش العراق البطل.

وأنا من سيبدأها ببيتي شعر، ثم نكملها قصيدة جماعية.

حي جيش العراق الغارعلى الأنبار...............لحرق القاعدة وداعش بعد أشرار


حي أبطال دجلة والفرات الزود................حي أولاد حينا، وحي أهل كل جار

[بصراوي مشاغب]

اشاركك مولاي العزيز هذه القصيدة الرائعه ولو الاعضاء مختفين هاي الفترة هههههههههه


الشاعر احمد الياسري الك أرواحنا مرخوصة ياعراق
وخل أصواتنا تهز المسامع

اجينة يا وطن نمشي على الموت
وتمشي ويانة عالموت الشوارع
بكل شارع نشوف حسين مذبوح
ومصلوب المسيح بكل تقاطع
ومن شفنة القنابل تمطر عليك
حفرنا صدورنة لجلك مواضع
لأن مانرضه نركع داخت الناس
من شافت حدرنا الموت راكع
هاي التضوي ابد مو شمس يعراق
دمنا المن طلوع الشمس طالع
واذا حصدوا فرحنا وزرعوا الموت
تخضر من مناحرنا المزارع
وين ابن العراق اليرفع الراس
وين اليفضح اصحاب المطامع
قاتل وانتصر وادحر الارهاب
وبالك يابطل يمنعك مانع
الفرق بين العراقي وبين الارهاب
مثل فرق السمة والگاع شاسع
فرق بين الرضع من صدر هالگاع
وفرق بين اللي وي إبليس راضع

[عاشق الهدوء]

لايأبهوا بردا ولاحر هكذا طبعهم ~~ في النائبات وصد البلايا همهم

ذهبو ليسحقو الشر واتباعه ~~ ويسكتو كل من تلعثم وتكلم ضدهم

لم تثني عزيمتهم بقول هذا وذاك ~~ دفاعا عن تربة الخير موطنهم

ارى فيهم صولات بدرِ ~~ وفي البيداء برزت صوارمهم

سيروا يا أمل العراق وعزهـ ~~ ياراية الحق طابت مسيرتكم ~~~

~~~~~

بقلمي

حتى يكولون مايدعمون الجيش

[السيد مهدي]

لايأبهوا بردا ولاحر هكذا طبعهم ~~ في النائبات وصد البلايا همهم

ذهبو ليسحقو الشر واتباعه ~~ ويسكتو كل من تلعثم وتكلم ضدهم

لم تثني عزيمتهم بقول هذا وذاك ~~ دفاعا عن تربة الخير موطنهم

ارى فيهم صولات بدرِ ~~ وفي البيداء برزت صوارمهم

سيروا يا أمل العراق وعزهـ ~~ ياراية الحق طابت مسيرتكم ~~~

~~~~~

بقلمي

حتى يكولون مايدعمون الجيش



سلام عليكم أهلا مولاي الكريم.

وأشكرلك مساهمتك الجميلة في الموضوع.

لكن يالحبيب مشاركتك لا يمكن تصنيفها بالشعرالشعبي.

لأن يغلب عليها الكلام الفصيح.

وبعدين غيرمستوفية لشروط نظم الشعرالقريظ وخاصة الوزن العروضي، وإن جاء فيها كلام السجع.

ولاتسئ فهمي ليس هدفي التثبيط من عزيمتكم على محاولات نظم الشعر.

لكن فقط محاولة تنبيهكم مولاي، وحتى تمهرللشعربطرق أبوابه إن كان قريضا أو حسجة شعبيا.

تحياتي.


اشاركك مولاي العزيز هذه القصيدة الرائعه ولو الاعضاء مختفين هاي الفترة هههههههههه


الشاعر احمد الياسري الك أرواحنا مرخوصة ياعراق
وخل أصواتنا تهز المسامع

اجينة يا وطن نمشي على الموت
وتمشي ويانة عالموت الشوارع
بكل شارع نشوف حسين مذبوح
ومصلوب المسيح بكل تقاطع
ومن شفنة القنابل تمطر عليك
حفرنا صدورنة لجلك مواضع
لأن مانرضه نركع داخت الناس
من شافت حدرنا الموت راكع
هاي التضوي ابد مو شمس يعراق
دمنا المن طلوع الشمس طالع
واذا حصدوا فرحنا وزرعوا الموت
تخضر من مناحرنا المزارع
وين ابن العراق اليرفع الراس
وين اليفضح اصحاب المطامع
قاتل وانتصر وادحر الارهاب
وبالك يابطل يمنعك مانع
الفرق بين العراقي وبين الارهاب
مثل فرق السمة والگاع شاسع
فرق بين الرضع من صدر هالگاع
وفرق بين اللي وي إبليس راضع



شكرامولاي بارك الله بكم.

نعم قصيدة جميلة، لكنها تستحق أن تنشر لوحدها.

الموضوع يالغالي يحاول تشجيع من له هواية بالشعرالشعبي أن ينظم على منوال ماطرحته من بيتين.

وياليتك تحاول مولاي، وسوف تصل بالتأكيد لتصبح شاعرا شعبيا، فكلنا إبنتدأنا مبتدأين.

[حليف الاسى]

هلي اهل العراق البينو بالطگ **** هلي البيهم سواجي الموت تشرگ


هلي ضاع و اتردى البيهم اندگ *** هلي بيهم تصيح الحرب من تطلگ


ميبرهم يخيط كل فتگ بالكون*** العاداهم يظل مشروم وامفتگ


هدل زيجه الدهر لو عاند ويا عراق*** ولحد طرف الذيال الشگ باثر شگ


عشگهم للمنايا امدونه التاريخ *** يمهر ادموم فوگ نحور من يعشگ


زلم يمشي بكترها الموت *** اجتكم على المنايا اعلومها امعلگ


زلم جتكم يداعش لا مفر هل اليوم*** الف (داعوش) كل بسطال يسحگ


"و اعتذر من السيد مهدي لانني لست شاعرا"

[عاشق الهدوء]

سيد مهدي اني حبيت اشارك لا اكثر ومتيقن راح تنقدني نقد بناء

والسبب اني ماعرف ترتيب للشعر ولا كيفية ولا صياغته

واذا تريد اطلب من المدير يحذفه ؟

[السيد مهدي]

هلي اهل العراق البينو بالطگ **** هلي البيهم سواجي الموت تشرگ


هلي ضاع و اتردى البيهم اندگ *** هلي بيهم تصيح الحرب من تطلگ


ميبرهم يخيط كل فتگ بالكون*** العاداهم يظل مشروم وامفتگ


هدل زيجه الدهر لو عاند ويا عراق*** ولحد طرف الذيال الشگ باثر شگ


عشگهم للمنايا امدونه التاريخ *** يمهر ادموم فوگ نحور من يعشگ


زلم يمشي بكترها الموت *** اجتكم على المنايا اعلومها امعلگ


زلم جتكم يداعش لا مفر هل اليوم*** الف (داعوش) كل بسطال يسحگ


"و اعتذر من السيد مهدي لانني لست شاعرا"


الله الله كل هالأبداع وتكول موشاعر.

تسلم إيديك يالحبيب وبارك الله بك.




سيد مهدي اني حبيت اشارك لا اكثر ومتيقن راح تنقدني نقد بناء

والسبب اني ماعرف ترتيب للشعر ولا كيفية ولا صياغته

واذا تريد اطلب من المدير يحذفه ؟


لا عزيزي لا كل الهلة بك.

من حقك تشارك وتكتب ماتشاء.

لكن بس حبيت أبين وأوضح لك، وأشجعك تحاول تكتب شعر شعبي على نفس الوتيرة التي كتبها لأخ الكريم قبلك.

كلنا بدأنا لانعرف شئ وبالتدريج صارعندنا ملكة الشعر، فحاول مولاي ولاتتردد من المحاولة.

[بصراوي مشاغب]

سيدنا والله مااعرف بالشعر بس احيكم وكل المشتركين على المشاركه الرائعه

ومن المتابعين ان شاءالله