كتبنا على الجرف أسمائنا بعود

[مـلاك الـرحمـه]

كتبنا على الجرف أسمائنا بعود


كتبنا على الجرف أسمائنا بعود
وحفظها الروج ذمة بركبة الطين
وخلينه النوارس على الحجي شهود
ودفنه أسرارنا بفي البساتين
وغفينا الدمع بأحضان الأظنون
وحدر في بالزلف نامت سوالف
وأخذنه من الحزن كحلنه الاجفون
وكطعنه الحيف من غصن الشفايف
السهر صيدة نسر وجفوفه الأعيون
أمان ويلزم بجفوفه خايف
لاتمشي الأمل بدروب الوعود
ولا تأمن جرح بجفوف سجين
ولا يغرك سماري وسود الأخدود
دم أبيض يصب من ينزف التين
وأحرث كاع عينك وأزرع النوم
البالي الك محد يطوله
والزغر النفس وبروحك تلوم
إذا كالوا نجم كلهم ننوله
النسر بليل يحسد طيرة البوم
السهم يكتل رغم شدة نحوله
شعر راسك طويل مغطي الزنود
الرمش مابي قليل وحافظ العين
عطش صحراء قيسة وعاين الجود
عطشها شما كبر بميته يلين

منقول للامانه

[عازف اوتار الحب]

كلام جميل اختي الغاليه

نقله موفقه لك مني ارق التحايا في انتظار جديدك

[مـلاك الـرحمـه]

الف شكر لكم

[قائد بغداد]

هلا اباختي ملوكه وعاشت ايدج على الكلمات الحلوه

[مـلاك الـرحمـه]

الف شكر لك قائد

[لƒ¦فراشة بغدادلƒ¦]

كلمات جميله عاشت وسلمت الايادي خيتي الغاليه ملوكه والف هلا بيك

[مـلاك الـرحمـه]

منوره اغاتي تسلميلي فراشتنه :)

[لƒ¦ بَنّتْ بَلاِدْي لƒ¦]

الملاك الوردي .. كلمات جميله واختيار اجمل
سلمت أناملكِ غاليتي ولا حرمنا الله من جديدك الرائع..
تقبلي مروري مع أرق وأعذب تحياتي
بنت بلادي

[زهراء]

جميل نقلك غالتنا ملاك
تمنى لك السعادة

[مـلاك الـرحمـه]

تحياتي لكم شكرا

[حيدر الواسطي]

حيا الله الملاك الوردي على هذه الكلمات الجميلة
تقبلي مروري

[مـلاك الـرحمـه]

الف شكر الكم