ليش ماكو مسابقات هل سنه .؟

[شيطونه بس عسوله]

السلام عليكم


تقبل الله طاعاتكم يا اسود




بالمختصر مفيد ليش ماكو مسابقات هل سنه .؟



من قبل رمضان و انا ناطره صراحه يلا يا مشرفين و يا اداريين تعالو جاوبو ههههههههه




تحياتي

[بصراوي مشاغب]

اهلا شيطونه حياج الله وتقبل الله خالص الطاعات

والله ماكو مسابقات لانن عبئ المنتدى كبير علينا انا واورده وام علاوي عندها مشاغل بالبيت واذا يكدر اي عضو يسوي المسابقه هذا شي حلو

[شيطونه بس عسوله]

اهلين علاء خلاص خويه ولايهمك نشوف واحد من الاعضاء اذا يقدر و احنا حاظرين بالمشاركه


و اللي دخلو تجسسو ع الموضوع و ماعلقو شنو موقعهم بالاعراب .؟ هههههه يلا من غير فضايح



تحياتي للجميع و اشكر ردك علاء و الله يعدي مشاغلكم ع خير لا تهتم :)

[تذكار]

امممم اذا تريدون اني حاضره اسوي مسابقه بس كلولي شتريدون واني حاضره بس انت علموني^_^
نوع المسابقه والترتيبات ومنو يسوي الجوائز
لان اني اصلا ببالي بس حرت شنو النوع اللي تحبوه وشلون تسوون ترتيبات ^_^

[عاشق الهدوء]

احلى شي المسابقات

لان تشد العضو ع الحضور والنشاط

التفاته رائعة عسل

[شيطونه بس عسوله]

تذكار حبيبتي نوع المسابقه صوبج و خادمه الزهرا عمري


عادي من غير شروط انتي بكيفج و الجوائز صوب علاء اكيد اهو الادمن ههههههههه






اشكر تواجدك اخي عاشق

[عاشق الهدوء]

ميرادلها شي

هي اساله تطرح بوقت محدد

واساله عامه سواء من العم كوكل او غيره

والاجابه حسب الاولوية يعني الاسرع خل نكول

بقت الجوائز يم المدير زياده مشاركات او اوسمة وماشاكل ذالك

انتي بلشي تذكار واني اساعدج حت اذا نتعاون اني وانتي

والكَوم التعاونت ماذلت مو

[تذكار]

اممم ماادري اخي خل اشوف الباقين شيكولون لان هم عدهم خبره بالمسابقات اكثر مني
بس اني اشوف مال الاسئله صعبه لان هم صعب يتجمعون الاعضاء بفد وكت كلهم حتى تصير مسابقه وهم مين اجيب اسئله مناسبه
اممم الاسئله يجوز اكدر ادبرها بس لازم اسوي مثل المسابقة الاخيره كان فيها الاجابه ترسل باي وقت والاسئله تطرح على شكل مراحل


وبعد انتو بكيفكم شوفوا شنو الفكره اللي تريدوها واني حااااااااااضره

[بصراوي مشاغب]

تذكار الله يوفقكم يارب توكلي على الله ولاتصعبين الامور شلون ماتريديها سويها واحنا هنا كلنا نشارك ان شاءالله

اهم شي المشاركة وجمع المعلومات

[تذكار]

اممم اخي ممصعبتها بس والله مااعرف بمسابقات الاسئله
زين رح اسوي موضوع وكل يوم "انزل كم سؤال " اسئله عامه " والاجوبه تنرسل الي حتى لو مو بنفس اليوم
واحسب نقاط وبنهاية المده اجمع النقاط واكول منو الفائز
خوش ؟؟
بس المده تريدون كل رمضان لو احدد مده مده معينه وحتى اذا تريدون بباقي ايام رمضان نسوي مسابقه غير فكره مو اسئله
كلولي رأيكم حتى اعرف

[عاشق الهدوء]

تذكار

بالنسبة للاعضاء مو ملزمه بيهم وبتجمعهم بآن واحد

انتي حددي وقت مثلا الساعة بالعشرة تبدأ الاسالة

وتنزلين كل يوم موضوع

واسلوب المسابقة كالاتي

تبدا المسابقه من الساعه العاشرة مساءا (كل يوم)


كل يوم 3 اساله تقدم من قبل صاحب المسابقة


تحسب نقطه واحده لكل سؤال،


الاجابات المتكرره لا تحسب (يعني العضو الي يكرر اجابه عضو اخر سبقه في الجواب لا تحسب نقاطه حتى لو كانت اجابتة صحيحه)


الاسأله تطرح على شكل موضوع والاجابات بالردود (يعني كل يوم موضوع فيه ثلاثة اساله)...

اعتقد جدا بسيطه ومفهومة

واكيد الاجوبة بالردود رح تعتمد على السرعة

-------


الجوائز تحددها الادارة بعد الاتفاق معها

يعني احنا مراح نخسر علاء شي

بس اوسمة وزيادة مشاركات

توكلي على الله

-----

الغايه هي المتعة والفائدة

وياحبذا تكون الاسلئة دينية

حتى تكون الفائدة اكثر

ومادام كوكل موجود كلشي يسهل علينا هههه

[رؤيا الحب]

الصراحة اني توبت عن عمل المسابقات
ليس لاني مشغولة مثلما قال علاء
بس من العام من سويت مسابقة كانو بس 3 مشاركين بيها
و1 بقى بس يومين يشارك وبطل و2 على النص وبقيت وحدي اغرد
لذالك توبت

[عاشق الهدوء]

اهااا زين هاي معلومة تفيدنا

رؤيا لأن اني ماكنت احضر المسابقات فما اعرف اذا يتواجدون او لا

فاذا هيج صارت فماكو داعي بعد ...

دمتي ~~~

[بصراوي مشاغب]

فكرة الاخ عاشق حلوة وحتى لو كانوا المتسابقين ثلاثة يعني شنو المشكلة اشوفه نتوكل على الله وناخذ فكرة اخونا عاشق

بدل الاحباط توكلوا على الله وانا معكم ان شاءالله ويرجع الراي الاول والاخير الكم

[عاشق الهدوء]

زين اني موافق على كل ارائكم وحاضر بكل شي

هسه ننتظر تذكار تشوف اخر المقترحات الي قدمناها

حتى نشوف ردها

:smartass:
...

وكل شي باذن الله

[شيطونه بس عسوله]

بعد احسن لو متسابق واحد اللي هو انا عشان افوز هههههههههه

عادي عدد الاعضاء مو مهم حبايبي توكلو ع الله ولايهمكم

بس نقطه الاخ عاشق ماعجبتني شنو اذا اجابه مكرره لا تحتسب حتى لو صحيحه .؟


الاجابات ترسل لتذكار برساله خاصه و باقي الاعضاء مايشوفون الاجوبه اصلا فلاتصعبونها علينا و حددو الساعه من فلان ساعه الى فلان ساعه و هاي هيه



تذكار حبيبتي انتي تحددين نوع الاسئله و عددها و المده براحتج رمضان كله او نصه او عشر ايام اللي يريحج انتي حبي مانتشرط احنا



اكو مثل نقوله شنو طرار (مجدي) و يتشرط ههههههههه

[علي الاعسم النجفي]

السلام عليكم أيها الاحبة ..عندي رأي او مداخلة بموضوع المسابقات ..
بغض النظر عن الالية ونوع الاسئلة وترتيبها وووو ..شنو رايكم لو نخلي فيها أشكال ذمة بالنسبة للاجوبة بعدم اللجوء (للحاج كوكل) ..
يعني أنا أشوف حاليا مافي اسهل من الجواب هنا ويمكن وضع السؤال اصعب من الاجابة ..
تحياتي لك وللجميع ... عسولة .

[عراقي وبس]

اختي الكريمه
تقبلين في منتداكم واحد يخلي دعايات لمنتديات اخرى؟؟
بعدين الظاهر انتو مدفوعين الثمن
والله ينتقم منكم

[low voice]

اي والله فكره حلوه شيطون وتذكار اتسوي الاسئله حبيبتي حديدينه الوقت والتاريخ حتى ندخل بالميعاد وع كيفج ويانه بالاسئله راح تصير اكثر تشويق هههههههههه اني من هسه اتحمست وحبيبتي اذا تحتاجين شي مايرج الالسانج

[حليف الاسى]

اهم شي الجوائز
يعني مسابقات بدون جوائز مثل السفر مع العجائز
عموما
انا متبرع برصيد ابو الخمسة الاف دينار للفائز الاول
و الخيّر و مدّت ايده
هههههههههههه
سوو صندوق تبرعات بس مو علاء بحجة مدير و مشاغب و يخمط القاصه :oh2::hmm::hmm::hmm:
ههههههههههه

[بصراوي مشاغب]

خويه وين اخمطه ياريت هههههههههههه صدك وانا مع علي ممنعوع واحد يسوي الاجابه من جوجل وخلي منافسه عاديه ونجاوب من عندنا يعني نختبر معلومتنا ومو عيب اذا ماعرفنا

يلا تذكار توكلي على الله وسوي النقطه الي قالت عليه شيطونه

[تذكار]

خوش خوش
كل يوم ساعه 10 بالليل بتوقيت العراق انزل 3 اسئله بموضوع ويكون الجواب عنها بنفس الوقت وتنحسب النقطه لصاحب اول اجابه وبعد مانكمل 3 اسئله انزل سؤالين او 3 يكون الجواب عنها برساله حتى اذا احد من الاعضاء ملحك على الاسئله التلاثه الاولى يكدر يدز للاسئله الثانيه وباي وقت حتى لو بعد عدة ايام المهم قبل نهاية المسابقه واني اجمع نقاط الاسئله التي اجيب عنها في الموضوع والتي ارسلت في رسائل
ونوع الاسئله رح تكون عامه بس اغلبهها دينيه
بس اخي علي الاعسم مفتهمت شنو مال اشكال ذمه ^_^ياريت لو توضحلي
اما بالنسبه للاعضاء فمااشوف اكو مشكله لان الاعضاء اللي دخلوا الموضوع كافين صح؟
واني اشوف حتى لو الاداره تشترك لان هي المسابقه مو بس جوائز انما متعه وزيادة معلومات هم
واذا احد الاداريين اخذ مراكز اولى بالنتائج رح يتنازل عنها للعضو اللي بعده خووووووووش ^_^

ان شاء الله باجر قبل ساعه 10 انزل موضوع وساعه10 انزل الاسئله

[بصراوي مشاغب]

طيب مومشكله تذكار جمعي اصحاب الجواب الصحيح وبعدين لان فرق الوقت الاعضاء من غير دول يعني نجمع كل اصحاب الجواب الصحيح

والى الاخير راح نحصل على القائزين ويقصد علي بالاشكال الذمه يعني عليه ذنب الي يستخدم جوجل بالبحث عن الجواب

[علي الاعسم النجفي]

خوش خوش
كل يوم ساعه 10 بالليل بتوقيت العراق انزل 3 اسئله بموضوع ويكون الجواب عنها بنفس الوقت وتنحسب النقطه لصاحب اول اجابه وبعد مانكمل 3 اسئله انزل سؤالين او 3 يكون الجواب عنها برساله حتى اذا احد من الاعضاء ملحك على الاسئله التلاثه الاولى يكدر يدز للاسئله الثانيه وباي وقت حتى لو بعد عدة ايام المهم قبل نهاية المسابقه واني اجمع نقاط الاسئله التي اجيب عنها في الموضوع والتي ارسلت في رسائل
ونوع الاسئله رح تكون عامه بس اغلبهها دينيه
بس اخي علي الاعسم مفتهمت شنو مال اشكال ذمه ^_^ياريت لو توضحلي
اما بالنسبه للاعضاء فمااشوف اكو مشكله لان الاعضاء اللي دخلوا الموضوع كافين صح؟
واني اشوف حتى لو الاداره تشترك لان هي المسابقه مو بس جوائز انما متعه وزيادة معلومات هم
واذا احد الاداريين اخذ مراكز اولى بالنتائج رح يتنازل عنها للعضو اللي بعده خووووووووش ^_^

ان شاء الله باجر قبل ساعه 10 انزل موضوع وساعه10 انزل الاسئله


مساء الخير تولين سابقا وتذكار الان ههههه ورمضان كريم وصيام مقبول ان شاء الله ..
اقصد ان مثل ما يقولون اهلنا مشكولة ذمتك يا فلان اذا فعلت كذا موضوع ..او مثلا كلام شرف ان ما يستعين ب(الحاج كوكل) ..
حتى تكون المسابقة لها طعم ومثل ما قلت ان الاسئلة وضعها وترتيبها راح يكون اصعب من الاجابة عليها ..
اعتقد وصلت الفكرة ..
تحياتي أختي

[تذكار]

اي اي وصلت وفهمت هم من رد الاخ بصراوي __ خوش فكره تسلم اخي
هاي هي ان شاء الله من باجر نبدي

[عاشق الهدوء]

يا اخواني

المسابقه هي للفائدة والمتعة

واذا صارت الردود على الخاص شنو راح نستفاد

هي روح المسابقة وفائدتها بالردود حتى نستفاد

وثاني شي مو مال ذمة والجواب غير الكوكل

اني اشوف هيج راح تبرد المسابقة

خليها عامة وعلى الكوكل حتى يصير واهس للاعضاء

ومثل متعرفون رمضان والناس صيام ويدورون فد شي سهل ومتتع

[عاشق الهدوء]

وتبقى الاجوبه على الاسرع

اني اشوف هيج هواي احسن وبعدين تنحسب النقاط

لاتحصرون الماسبقة خلوها مفتوحة

[عاشق الهدوء]

بس نقطه الاخ عاشق ماعجبتني شنو اذا اجابه مكرره لا تحتسب حتى لو صحيحه .؟

------

عسوله بس افهمي قصدي

المقصود انو ميصير واحد ايجاوب بنفس الاجابة الموجودة

لعد شنو الفايده ينسخها ويحطها وياخذ نقطه مثلا

ميصير هيج اوتماتيكيا فهماني ولا لسا

[عراقي وبس]

اخواني سابقا اذا كان هنالك مسابقه
خاصه في اسئله
يكون الردود عليها في رساله خاصه
الى صاحبة المسابقه
اما اذا تصير الردود بشكل مباشر فقدت المسابقه هيبتها وحلاوتها
وانتوا بيكفكم بعد
وياريت قبل لا تنزل المسابقه يكون هنالك قوانين واضحه لشروط المسابقه
وتحياتي

[بصراوي مشاغب]

وانا مع عراقي وبس المفروض تكون برسائل خاصة كالعادة

[شيطونه بس عسوله]

اكيد برسائل خاصه و هذا كان اقتراحي بس الاخ عاشق ماعجبه

و شنو يعني مكرره اكيد اذا اجابه صح راح تكون مكرره


ناطرين تذكار تحط لنا شروط المسابقه بداية الاسئله

[low voice]

تذكار حبيبتي خليه اليوم ب11 لان الكهرباء طافيه وتشتغل ب11 بليييييييييييييييييييييييييييييييييييييييييز كده ولاه كده ماراح احلك عليكم واذا واحد عنده مشكله خلي يكول حتى نحوله ع 11 اوكي منتظرتكم