تجربتي herbalife لتخفيف الوزن

[بصراوي مشاغب]

تجربتي بتخفيف الوزن herbalife

هذا الموضوع نناقش بيه ايجابيات وسلبيات مناقشة herbalife

موقع الشركة هو http://www.herbalife.com/

شركة امريكية معروفة عالميا حتى اللعب الدولي كرسيتنو رونلدو يستخدمه

قصتي مع البرودك

انا جسمي سليم وماعندي اي سمن يعني فقط في منطقة البطن بعد ماتعرفة على الشركة من مديري في العمل قلت اجربه لانه هو كان حقا سمين وخفض وزنه يعني تفاجاءة بيه والله

قلت اجرب اشتريت منهم بقيمة 90 دولار

هي المواد التالية

الشاي ثلاث مرات او اربعة يومية وهذه العلبة

(http://www.asoudaliraq.net/)http://2.bp.blogspot.com/_PqMaWcg30dw/TH14D_UrMfI/AAAAAAAAAkM/vRLQIsUUxBM/s1600/Herbal_Tea_Concentrate.jpg (http://www.asoudaliraq.net/)
ثم الوجبة الرئيسية مرتين يوميا اي يجب اكل واجبة واحدة من الطعام اختياري الافطار او الغذاء او العشاء وهذه صورته بعدت نكهات


(http://www.asoudaliraq.net/)http://herbalifedistributorchennai.webs.com/Herbalife_Nutrition.107131841_std.jpg (http://www.asoudaliraq.net/)

كما يضع مع الشاي ملعقيتن صغيرة من اولو

(http://www.asoudaliraq.net/)http://wellness-to-wealth.com/wp-content/uploads/2013/06/Herbalife-Herbal-Aloe-Drink-700x450.jpg (http://www.asoudaliraq.net/)

هذا الي استخدمه جربته من عشرة ايام ونزلت وزن 10 باون اي اقل من خمسة كيلو لكن هناك شروط هو بعد الوصول للوزن المرغوب به

اكل وجبتين رئيسية يومية والاستمرار على الشيك مرة واحدة فقط يومية وترك الحلويات والرز والخبز واشوفه معي تمام الى الان

هذا الموضوع فتحته من تجربه للنقاش بيه من سلبيات واجابيات

[رؤيا الحب]

بالعافية عليك خسارة الوزن
ابحث اكثر بالموضوع وراح اجربة على ابو علي لان هو مو سمين لكن عندة كرش:sted_red:
شكرا لك علاء والله يعطيك الصحة والعافية

[بصراوي مشاغب]

حياج الله ام علي وام ملاك تقول مابيه فايدة بس التجربه الواحد ماخسر شي ههههههههههه الى الان انا سعيد بيه

[رؤيا الحب]

دوم السعادة بحياتك وقلبك علاء

[شيطونه بس عسوله]

امممممممم شكله سليم والله بالعافيه عليك و عقبال تخسر الوزن اللي تبيه و خوش عندك اراده والله


اكو منه يزيد الوزن لو لا ههههههههههه اسئلي علاء :)



موضوع حلو عاشو اياديك

[بصراوي مشاغب]

اشكرك ام علاوي والله يسعدك يارب

شيطونه اشكرك ياطيبه ولله الحمد والشكر املك اراده ومجرب نفسي والشكر لله كنت ادخن 15 سنة ويوم من الايام قبل خمس سنوات صحيت الصبح وقلت ماكو تدخين من الان ولله الحمد خلصت منها

بالنسبه اذا اكو يزيد الوزن الي قريته عندهم اي اكو وهو اخذ الشيك ملعقيتين مع ملعقه بروتين ثلاث مرات لزيادة الوزن وهذا يكون بعد الاكلة الطبيعة يعني تفطرين تشربين شيك وتتغدين بعده شيك وكذلك العشاء

وان شاءالله ابحثلك عنه

[مـلاك الـرحمـه]

اخي علاء بالعافيه عليكم طبعا اني ماكلت مابيه فايده يمكن صار عندك مس اندرستود
اني كلت انه من تتركه ولازم تتركه بعدين لانه اكيد مراح تبقى طوووول عمرك تستخدمه وانه بمجرد ما تتركه راح يرجع الوزن هذا في حالة انه متمارس الرياضه بعده يعني اني استخدمته بالفعل لقيت عليه انخفاض سريع اول 5 ايام باونين ونصف!!!!! المدربه بالجم كالتلي يمعوده على كيفج موهيج كلتها اني شعليه انتوا كلتولي امشي على هذا النظام مع الشاي مع حبوب الفايبر ووجبه وحده باليل طعام
اول ماوجهي صوووفر واغماء راد يصير عندي بس بعدين مشى الحال بس جيب محمد انثقب مسكين ههههههههههههه
اني اكولك هذا يفيد الي يروح للجم باستمرار ومتمكن ماديا ً لانه حقيقة غالي لشخص مثلي مايشتغل بس بالبيت وللجم
من ثم اني اكتشفت كثير من الشيكس الصحيه اكثر والله شكثر قريت عن هاذي الشركات الي تغتصب اموال العالم بهاي الطريقه الساذجه
اخي علاء هسه انت مادام مرتاح عليه ماريد اخربط نظامكم عموما ً
اني استخدمته وكان الموكا اطيب شي والستروبيري وحتى ابو ملاك استخدمه وكان يضيف اله بروتين لانه تعرف هو يرفع اثقال وصدوك صار عنده بادي ماس بس بعدين شفنه انه الى متى نستخدمه خو نتبع غذاء منظم + رياضه من دون ما تبذل مال اكثر بل نبذل جهد اكثر :p05: هو وظيفته انه ينزل وزن كوووولش بسرعه وهذا الشي ماينصح بيه اي طبيب وهذا موكلامي اقسم هذا كلام كثير من الناس الي جربوه واني من ظمنهم
المهم كود لاك انجوي يور ميل:p05:

[بصراوي مشاغب]

اشكرك ام ملاك على المداخله الرائعه وربي يوفقكم انت وابو ملاك حقا البرودك غالي نوعا ما وخاصة على انسان مايعمل صعب يشتريه

بالنسبه لما تفضلتي بيه اكيد هو ماراح يبقى الانسان يستمر طول حياته عليه بس مثل ماقلت لك اذا وصل الشخص للوزن المناسب

يتوقف عنه وياخذ بس واجبة واحدة من الشيك بدل مرتين باليوم ومااشوف ملعقتين يومية من الشيك راح تاخذ فلوس كثيرة او الشخص اذا واصل لوزن محدد يريده

بعده يكدر يغير برامجه الغذائي مثل ماقلتي وبدل الشيك ياخذ وجبه صحيه من الخضروات فقط ويستمر عليه بدل الشيك مع مشي او تمارين بسيطه

شرفني مرورك يااصيله

[تذكار]

ان شاء الله يكون مفيد اخي بس اني اشوف لو الواحد يقلل وزنه عن طريق تقليل الاكل احسن من هاي الاشياء لان اكثرها بيها اضرار جانبيه بعدين تبين
وحتى اللي يريد يسمن خو هاي ماكو اسهل منها بس ياكل هواي ^_^
بس ان شاء الله يكون مفيد
شكرا اخي ع الموضوع

[بصراوي مشاغب]

اشكرك تذكار على مرورك المشرف هذه الشركة معروفة عالميا وصحيح الانسان يجب يعرف ماذا ياكل وماذا يشرب

لكن في وقتنا هذا وخاصة العايش بدول الغرب الاكل اغلبه وجبات سريعة ومسببه للامراض وماعنده وقت نطبخ ونرتيب الاكل المطلوب

لهذا السبب الشركة هذه ناجحة واغلب البردوكت الي عنده من المواد الطبيعية شرفني مرورك ياطيبة

[شيطونه بس عسوله]

علاء ابحث لي عنه اكثر و اشكرك مقدما


بس هذا مااعتقد اكو بالكويت اممممممم راح اسال عنه بس ابحث لي عنه عفيه هو محتاره بهل كيلو اللي نزلته اريد ارجعه هههههههههه

[بصراوي مشاغب]

ان شاءالله شيطونه استفسر لك هذه الايام

وبالخدمة ان شاءالله

[low voice]

ياحضرة المدير هذا موجود بالعراق وخاصه الجنو ب مااتصور موجود عندنه اما سلبياته فااكيد اذا عشبي ومابيه مواد كيميائيه فهو مايضر اما اذا العكس لا موزين بله لو سمحت اتاكدلي موجود بالجنوب حتى انجرب اني موسمينه هههههههه بس اختي تريد تنحف

[ظل القلم]

اعتقد هذي الوجبة تستعمل من قبل ممثلي السينما اذا كان المطلوب منه ان يكون نحيف باسرع وقت وفقا للدور ومو مهم اذا يرجع بعد فترة بالنسبة للمثل
الكرش والسمن ينبي على الجسم بمرور الوقت يعني الجسم يتعلم علي ومو بسهولة يختفي
اعتقد انه كلما زادت فترة التخلص من السمنة كلما طالت فترة رجوعه والعكس صحيح
هذا راي والله اعلم

[بصراوي مشاغب]

لو فويس حياج الله وماعندي اي معلومات والله اذا موجود في الجنوب او العراق لان انا مغترب ومااعرف والله

المواد كله متكونه من اعشاب والى لم اسمع عنه اي مضرات واذا عرفت عنها مضرات راح اكتبه هنا الكم

اخوي الغالي ظل القلم هذه الوجبة ليست للمثلين فقط وهي يستدمه اكثر من 60 مليون ومشهورة دوليا ولااعتقذ ترجع السمنة اذا استمر الشخص على وجبة صحية الهدف في هذا البردوكت هو اجبار الشخص على الاكلات الصحية وحرق الدهون الزائدة

واشكركم وشرفني مروركم