بـالـسجن جان صبره قرآنه

[عراقي وبس]

بـالـسجن جان صبره قرآنه ...ابنور الإيمان يهدي سجانه
راهـب الـعـتـره ...لـلـزمـن عبره...يهدي سجانه

مـوسـه بـن جـعـفـر خلوده صوره عن فضله تدل
تـنـطـي لـلإنـسـان حـقـه و تحمي قانون العدل
بـيـهـا لـلأجـيـال حـكـمـه و تنفع العنده عقل
و الـلـي يـنـجـح بـإمـتـحانه فكره ثابت ما يزل
بـالأفـق لاح للفخر صوره...و الظلم راح و إنتهه دوره
جـسـد بـصـبـره...لـلـزمن عبره...يهدي سجانه

لـو تـقـلـي إسـنـين عمره قضن من سجن السجن
و إنـتـهـت فـتـرة حـيـاتـه ألـم و إهموم و حزن
جـان مـا يـعـرف نـهـاره مـن فـرق لـيله اليجن
و الـلـي مـا يـدري إبـمصيره إشلون يغمض له جفن
يدعي و الكون يخشع الصوته ...عابد إشلون فرصه و إتفوته
مـوتـه يـنـتـظـره...لـلزمن عبره...يهدي سجانه

عـادة الـمـسـجـون يـفـرح مـن يـزورونـه هله
و الـهـلـه إبـعـيـديـن عنه أصحاب عنده إتواصله
بـالـسـجـن مـوسـه إبـن جعفر منعوا اليوصل إله
إمـقـيـد إبـطـامـوره ظـلـمه ليش إبن عقد الوله
و الله يـا نـاس عـذر ما عدها...بني العباس لو نناشدها
الـظـالـم إشـعـذره...لـلـزمن عبره...يهدي سجانه

قـبـلـه يـا مـسـجـون شـفنه إبنوره سجانه إهتده
صـايـم و راكـع و سـاجـد يـقضي وكته إيشاهده
و أصـبـح إبـخـدمـة إمـامـه و شـيـريد إيساعده
يـاخـذ الـشـيـعـته أخباره و عن خلاصه و موعده
إيـريد اليروح يخبر أتباعه ...إبدمع مسفوح يشرح أوضاعه
عـبـرتـه إبـصـدره...لـلـزمن عبره...يهدي سجانه

شـيـعـتـي إخـبـرهـم يـقـله إتقبل الباري الدعاء
قـلـهـم الـمـوعـد الـجـمـعه إبجسر بغداد اللقاء
عـالـيـصـيـر أطـلـب صبركم من تسمعون النداء
ويـنـه الـيـشـيـع الـجـنـازه ويـن اليقيم العزاء
سـم المصاب لو مرد جبدي...صيروا أحباب للرضه بعدي
حـكـمـتـه و أمـره...لـلزمن عبره...يهدي سجانه

شـيـعـتـه الـتـنـتـظر جيته ابلهفه و الموعد مضه
واحـد يـبـشـر الـثـانـي إبـشـوفه هنياله الحضه
عـالـجـسـر نـادي الـمـنـادي هـذا إمام الرافضه
يـا وسـافـه إبـسـجـن مـظلم عمره يا شيعه قضه
عـاش مظلوم إبحكم ظلامه ...إبجبد مسموم خلصت أيامه
زاهـد و عـمـره...لـلـزمـن عـبره...يهدي سجانه

جـد يـنـاعـي لـلـمـديـنه و إعتني القبر الرسول
قـلـه عـالـكـاظـم حـزنـه يـا مـحمد ما يزول
لـلـبـقـيـع إخـذ الـتـعازي الفاطمه الزهره البتول
قـلـهـا مـا نـنـسـه الذبيح الهشمت صدره الخيول
مـن دمـه العين تبقه سجابه ...نبجي لحسين يومه و مصابه
يـبـقـه دم نـحـره...لـلـزمن عبره...يهدي سجانه



منقول

[فيان البغدادي]

طيب الله انفاسك
اختيار جميل جدا
تحياتي

[عباس السعيد]

عاشت الايادي عراقي اختيار موفق
تحياتي لك

[مـلاك الـرحمـه]

السلام عليك يا مغيب بمطامير السجون في ظلماتها يا من بكت عليك حتى القيووووووود السلام عليمك يامولاي يابو طلبه
جزاك الله كل خير على هذه القصيده المؤلمه

[بصراوي مشاغب]

جزاكم الله الف خير اخوي العزيز

نقلة موفقه

[رؤيا الحب]

نقلة موفقة
بارك الله فيك

[دنيا]

السلام عليك ياسيدي ومولاي
سلمت الايادي