عثمان علي

[رؤيا الحب]

8اسنين مرن وانته موجود

يل شلت الوطن بيدك هويه

مجبورين بيك انجذب الموت

لان ماكدرت اعليك المنيه

امس بيك اتضح اخلاص بغداد

اوتمثل بيك طيب الاعظميه

وامس من شفت اخيك خانكه الروج

تفجر بيك بركان الحميه

شلت روحك بديك اوصحت لبيك

اوكلتله انطيني اديك اوهاك اديه

خواتك .امك . ايصيحولك تان

وين اتريد ياورد المسيه

ابد مادرت بال او انته عثمان

يا اعظم درس باشرف قضيه

عابس صرت جنك يوم الطفوف

اودجله اتحولتلك غاضريه

لمحت الجسر جيش اوكاض الماي

اوخيم لحسين شفت الكاظميه

عابس ذب قميصه اوصاح جنيت

اوطب عاري الصدر لجيوش اميه

وانته اعله الجرف ماشامر اهدوم

اخي اوخاف مايلحك بخيه

(يعريس الرصافه )الزفك الموت

عليك الكرخ طشت واهليه

اذا سنت عراقك دورت قيس

ابد ماتلكه غيرك بالثنيه

لانك بالعشك من فتحت عين

شفت بالشيعه ليلى العامريه

يابزر الدلال ابيش نوفيك

وانته انطيتنه اثمن هديه

حضن امك امس من دور اعليك

لكاك اهناك باحضان الزجيه

وامس من شلت ايدك ماردت عون

جنت رايد توصينه ابوصيه

الوصيه اتكول يهل الوطن ماريد

تفرقكم دعاة الطائفيه..
https://fbcdn-sphotos-c-a.akamaihd.net/hphotos-ak-ash3/942177_539789636074359_2118729597_n.jpg

[مـلاك الـرحمـه]

اخي اوخاف مايلحك بخيه
ياااااااااااااعلي بجيتيني خيتي
الف رحمه على روحه تتلقاه كفوف ابو الفضل سلام الله عليه

[عباس السعيد]

الله يرحمه برحمته الواسعة
مشكوره اختي رؤيا على المشاركة
تقبلي تحياااتي

[ابويقين]

(يعريس الرصافه )الزفك الموت
عليك الكرخ طشت واهليه

رضوان الله عليك ايها الشهيد البطل
لقد خلدت اسمك والله مع الخالدين
الف شكر لسيدتي الفاضلة
على الموضوع القيم
يقيم

[رؤيا الحب]

اخي اوخاف مايلحك بخيه
ياااااااااااااعلي بجيتيني خيتي
الف رحمه على روحه تتلقاه كفوف ابو الفضل سلام الله عليه



بكيت قبلك اختي ام ملاك
نورتي بمرورك العطر

[رؤيا الحب]

الله يرحمه برحمته الواسعة
مشكوره اختي رؤيا على المشاركة
تقبلي تحياااتي
و\مكانة الجنة ونعيمها ان شاء الله
نورت اخي عباس

[رؤيا الحب]

(يعريس الرصافه )الزفك الموت
عليك الكرخ طشت واهليه

رضوان الله عليك ايها الشهيد البطل
لقد خلدت اسمك والله مع الخالدين
الف شكر لسيدتي الفاضلة
على الموضوع القيم
يقيم



عثمان اكبر شوكة بعيون دعاة الطائفية
الف شكر على مرورك وتقيمك

[بصراوي مشاغب]

هذا هو العراقي الاصيل الشريف

رحمة الله على روحه

شكرا ام علي

[قاسم البهادلي]

رحمه الله برحمته
كان بطلا شهيدا جاد بنفسه وهو غاية الجود

[رؤيا الحب]

مثواة الجنة ان شاء الله
منورين بمروركم