نبذ الطائفيه

[عراقي وبس]

أنه أبـن العـــراق وامـي بغــداد ♥♥♥ العـرب كـل العــرب تتنخه بيـه

دار العـز وطنـــه ودار الأمجـــاد ♥♥♥ اتسَمت بِسم حَماي الحَميـة

جريح اني نعم بس واكف اعناد ♥♥♥ وشوكة بعين كل حاقد عليــه

العراق بخير بس اشـويه ينـراد ♥♥♥ صبر ونغــربل المو صافي مَيه

هويتنه العراق العــرب واكـــراد ♥♥♥ الشرف يتشرف بهـاي الهوية

والغيرة الورثناها من الاجـــداد ♥♥♥ اجتنه ابزود طَـف الغاضــــرية

أگُود الناس كلها وعيب أنگـــاد ♥♥♥ وللطيبين أدز روحــي هَــدية

البصرة والرمـادي روح بغــــداد ♥♥♥ تفرح كـــون شافتهم ســوية

وِشكد خَططوا تربات الأوغـــاد ♥♥♥ بقينه اخوة ونبــذنه الطائفيـة


منقول

[فيان البغدادي]

جميل هو اختيارك
والعراق هو بلد لا يفرقه اي شيء
تحياتي

[ابو شمس العراقي]

دائما انت راقي في انتقائك اخي الغالي عراقي
العراق يبقا عراق الكل بكل طوائفه واديانه
واسال الله ان يزيح هذه الغمه عن هذه الامه
تقبل مروري المتواضع
ولك مني كل التقدير
تحياتي لك

[قاسم البهادلي]

شكرا لذوقك الرائع في الاختيار اخي عراقي
ويبقى العراق عراق الخير والجمال
رغم احقاد المجرمين
دمت بخير