أبيات من الدارمي...بقلم الشاعر الوجداني

[الشاعر محمد الوجداني]

الخوه خوة روح موباللحم بس / لوجرها لللانفاس ميريدك اتحس
****
الخوه شد احزام يالتحجي بيها / اوبس خوة العباس هيه النزيها
****
الخوه بيك اتلوك وانت امن اهلها / ويستاهل العباس من ضح هالها
*****
اوكف واظل وياك لاخر نفس زين / واليجذب أعله اللاخ خي يسطره الحسين
****
اوكف والمهه الروح واتعنه يمك / أشماطشروك الناس بجفوفي المك
****
يالجنت أزامط بيك صبح أومسيه / تاليها يبن الناس تكلب عليه
****
يالجنت أزامط بيك واحسبلك احساب / بس ماطحت عالكاع صايرلي كصاب
****
يالجنت أزامط بيك وأتحده كل حد / لن سيف المنيه أيصيح بجفوفك انحد
****
يالجنت أزامط بيك وأمأمن اهواي / ماصدكت فد يوم تتكابح اوياي
****
يالجنت ازامط بيك واحلف حلف جد / خيبت ظني ابساع من شفتك اتهد
****
يالجنت ازامط بيك راح الربه اوياك / جلد اوعظم ظليت ما اكدر انساك
****
يالجنت ازامط بيك رحت امن اديه / واتعاضد العذال وتهد عليه
****
يالجنت ازامط بيك ماغزر الزاد / اوكل سهر ذاك الليل تاليها مافاد

بقلم:الوجدانــــــــــي

[شيطونه بس عسوله]

الله الله يا حلات الخوه والله


و عاشت اياديك و طيب الله انفاسك

دمت كما تحب اخي

[الشاعر محمد الوجداني]

الله الله يا حلات الخوه والله


و عاشت اياديك و طيب الله انفاسك

دمت كما تحب اخي

شيطونه بس عسوله
الله على مروركم العطر
ولكم مني تحية حبٌ واحترام

[عراقي وبس]

بلا تعليق
اجمل فايف ستار
واجمل تقييم

[رؤيا الحب]

الله الله الله
شنو هذا الابداع
عاشت الايادي
كلمات حلوة ومعبرة جدا
الف شكر لك

[الشاعر محمد الوجداني]

بلا تعليق
اجمل فايف ستار
واجمل تقييم

عراقــــــــــــــي وبس....
شكراً لتقيمك البهـي ومرورك العطر
تحية ودٌ لجنابكم الموقر

[الشاعر محمد الوجداني]

الله الله الله
شنو هذا الابداع
عاشت الايادي
كلمات حلوة ومعبرة جدا
الف شكر لك
رؤيــــــــا الحب,,,
الله اسعدني حضوركم الشيق وكلامكم الطيب
لكم مني باقة وردٌ بعطرها العنبري