مناحة أم {بقلمي}

[قاسم البهادلي]

مناحة أم تعاتب ابنها امام قبره في النجف وكانت تعاتبه بقسوة واسمه ضياء وعلى كتفيه نجمتان وكان بعمر الورد بكينا بحسرة وجلسنا قربها انا وصديقي كونها كانت وحيدة امام القبر وكنت اتذكر كلمات العتاب وكتبت رغم اني لم اعطي للأم حقها رحم الله الشهيد وزاد الام صبرا وجازاها الله بشهيدها خير جزاء علما اني طلبت منها ان اساعدها بشيء قالت لا بعد امك اريد ابات يم كبره وابجيه




اجه وكت العصر
والروح حنت ليك
وتدري المغربية
اتكَطع اوصالي
وذا حل الظلام بليلي
وحشه وموت
لأن روحك احسهه
اليل تبرالي
مو بالك تركت الكَبر
يعني انساك
لاوالله وحق الخالقك
ما فأركَت بالي
ربيتك يكَلبي
وانا اطلبك دين
ماوفيت ديني
وصرت جتالي
انا امك وردتك
بالشدايد عون
ليش اتعوفني
وشمتت عذالي
انا امك وحيدة
وجنت ازامط بيك
جاعدمن عفتني
الذلة عيالي
عَمك تدري انت
ما نصف وياي
انا وياك صرنه
بحسرة الوالي
تحملت المصايب
حسرة تتبع جوع
و ارضعتك يروحي
بماي دلالي
كْبرت اكَبال عيني
وهسه عني اتروح
لا ودعت امك
هاي من تالي
وجابولي النعش
يوليدي مافتحوه
منعوني اشوفك
خايفين الناس
اتسودن ييمه
وينشده بالي
ادري مكَطعه اوصالك
ييمه شلون
ريت اخلافك انت
مكَطعه اوصالي
ما يدرون حكهم
روحي تهوه الموت
وبغيابك ييمه
الموت يحلالي
انه دنياي ظلمه
وانت جنت النور
عمت عيني بغيابك
وانت تبرالي
طلكَت الفرح
ما أضحك بدنياي
والبسمة جفتني
بغيبة الغالي
نحلت امن الفراكَـ
ومرعداني الظيم
وبس كَبرك انيس
يسامر إخيالي
وبس كبرك انيس
يسامر إخيالي

تحياتي لكم جميعا
اخوكم ابو زهراء البهادلي

[فيان البغدادي]

طلكَت الفرح
ما أضحك بدنياي
والبسمة جفتني
بغيبة الغالي
نحلت امن الفراكَـ
ومرعداني الظيم
وبس كَبرك انيس
يسامر إخيالي

كلمات تدمي العيون والقلوب
رحمه الله واسكنه فسيح جناته
ابدعت ياطيب
مودتي لك

[قاسم البهادلي]

طلكَت الفرح
ما أضحك بدنياي
والبسمة جفتني
بغيبة الغالي
نحلت امن الفراكَـ
ومرعداني الظيم
وبس كَبرك انيس
يسامر إخيالي

كلمات تدمي العيون والقلوب
رحمه الله واسكنه فسيح جناته
ابدعت ياطيب
مودتي لك



المبدعة والرائعة فيان البغدادي
تواجدك وردك شهادة نعتز بها
دمت بخير مع ارق تحية

[وردة الأمل]

أه يايمه . يساعد گلبج
أقف عاجزة صدقا أمام هذه الكلمات الحزينة .
عيناي غرقت بالدمع والقلب تمزق ألما .
رغم حزن الكلمات .
كتبت أخينا البهادلي درر كانت رائعه كروعة شخصك الكريم .

[بصراوي مشاغب]

رحمة الله على اروح شهدائنا الابرار

واللعنة الدائمة على الارهاب والتكفيريين

سلمت الايادي اخوي قاسم

[قاسم البهادلي]

أه يايمه . يساعد گلبج
أقف عاجزة صدقا أمام هذه الكلمات الحزينة .
عيناي غرقت بالدمع والقلب تمزق ألما .
رغم حزن الكلمات .
كتبت أخينا البهادلي درر كانت رائعه كروعة شخصك الكريم .


عرفتج رايده تبجين ولهاذا ردت جيتج
ام ورايده العونه وتتناغم مع بجيج

شكرا اختي الغالية للحضور والرد

[قاسم البهادلي]

رحمة الله على اروح شهدائنا الابرار

واللعنة الدائمة على الارهاب والتكفيريين

سلمت الايادي اخوي قاسم

تحياتي لك بصراوي
وشكرا لحضورك

[محمد المقاول]

مادخلت المنتدى الا لأجل هذه القصيدة
قرأها امامي مجيد وابلغني انها من اروع
ماكتب البهادلي للأم انك دوما في القمة
تحياتي لك ايها الاستاذ الفاضل

[قاسم البهادلي]

مادخلت المنتدى الا لأجل هذه القصيدة
قرأها امامي مجيد وابلغني انها من اروع
ماكتب البهادلي للأم انك دوما في القمة
تحياتي لك ايها الاستاذ الفاضل

اهلا وسهلا بك اخي المقاول
شكرا لحضورك وتواجدك
يارائع

[رؤيا الحب]

والله ابكيتني والله
لاتعليق على ابداعك
دموعي تكفي
الف شكر

[قاسم البهادلي]

والله ابكيتني والله
لاتعليق على ابداعك
دموعي تكفي
الف شكر

اتمنى لك الافراح الدائمة اختنا ام علي
شكرا لحضورك

[رؤيا الحب]

حتى لو لم اكن بالعراق
قلبي وعقلي وروحي هناك
وما اعتقد راح انشوف الفرح

[ابو شمس العراقي]

اخي الحبيب ابو زهراء
مبدع مبدع انت دائما
لوحة فنيه جميله تضاف الى لوحاتك الرائعة
كلمات جزينه ومعبره
تسلم الايادي ويسلم قلمك الراقي
تقبل مرور المتواضع
في متصفحك الجميل
تحياتي واشواقي لك

[علي الفراتي]

دمت بود استاذنا الغالي
شاعر وزامط بيك واسمك
علم فوك الراس يا العالي
نجم وأنته من النجوم سهيل
فوك وبلسمه اتلالي

[قاسم البهادلي]

اخي الحبيب ابو زهراء
مبدع مبدع انت دائما
لوحة فنيه جميله تضاف الى لوحاتك الرائعة
كلمات جزينه ومعبره
تسلم الايادي ويسلم قلمك الراقي
تقبل مرور المتواضع
في متصفحك الجميل
تحياتي واشواقي لك





لك كل الحب والاحترام اخي ابو شمس
يمعود وين هالغيبه
اخي الغالي ماكان ردك متواضع
بل كان شهادة شاعر اعتز بها
تحياتي لك

[قاسم البهادلي]

دمت بود استاذنا الغالي
شاعر وزامط بيك واسمك
علم فوك الراس يا العالي
نجم وأنته من النجوم سهيل
فوك وبلسمه اتلالي



اهلا اهلا استاذ علي
تحياتي لك وشكرا لحضورك

[قاسم البهادلي]

حتى لو لم اكن بالعراق
قلبي وعقلي وروحي هناك
وما اعتقد راح انشوف الفرح

نتمنى للعراق ان يتعافى
ويلتم شمل المغتربين من محبيه
تحياتي لك اختي ام علي
اتمنى لك الخير كله
سلامي للجميع