قصيدة / حُب موطبيعي احبك..! { بقلم:الشاعرمحمد الوجداني..! }

[الشاعر محمد الوجداني]

قصيدة / حُب موطبيعي احبك..!

من كد ما احبك دوم اسولف بيك ...
وطاريك ابد مابطلّه ألساني

خيعونك يروحي اشلون ماداريك ...
ياأول حبيب ومايصح ثاني

عكس الناس ظلك ربك أمخليك ...
أبيض وأحنه اسود حكمه رباني

شنعد الصفات البيك متكفيك ...
دخيل الله الجمالك ينحسب جاني

وأنه المجني عليه أبحبك أنت أشبيك ...
بس حكم العشك خلاك سجاني

سلطان أبجمالك حكك أنسميك ...
اودعطف عاليحبك كلي شمتاني

راح انموت أذا مانكدر أنحاجيك ...
روحي وعيني صدك هم أريد أني

وكل هذا ويعمري اتنازل ومنطيك ...
وألك دكات كلبي وحته شرياني
وألك دكات كلبي وحته شرياني..!

بقلم:الشاعرمحمد الوجداني..!

[فيان البغدادي]

احساس جميل ورائع
متعت ناظري بجمال الابيات
تحياتي لك

[علي الاعسم النجفي]

وكل هذا ويعمري اتنازل ومنطيك ...
وألك دكات كلبي وحته شرياني

جميل ورائع ما سطرت اناملك ايها الوجداني دمت بألق صديقي .
كل الود لك

[بسمة الحنان]

قصيده رائعه جدا احسنت

[بصراوي مشاغب]

سلمت الايادي شاعرنا المبدع على ابداعاتك

ربي يوفقكم

[الشاعر محمد الوجداني]

احساس جميل ورائع
متعت ناظري بجمال الابيات
تحياتي لك



الشاعره
فــــــــــــــيان البغدادي...
أثلجــــــتم القلب بهذا المرور العطر

[الشاعر محمد الوجداني]

وكل هذا ويعمري اتنازل ومنطيك ...
وألك دكات كلبي وحته شرياني

جميل ورائع ما سطرت اناملك ايها الوجداني دمت بألق صديقي .
كل الود لك

الاستــــاذ الاعسمي
شكراً لعبق كلماتك المرهفــــــه
لك مني تحية ودٌ واحترام...

[الشاعر محمد الوجداني]

قصيده رائعه جدا احسنت

الاخت الفاضله
بسمـــــة الحنــــــــان...
أن لاطلالتكم الجميله أسعدتني جداً ولكم مني تحية ودٌ... واحترام

[الشاعر محمد الوجداني]

سلمت الايادي شاعرنا المبدع على ابداعاتك

ربي يوفقكم

الاستاذ العزيز والاخ الفاضل...
بصراوي مشـاغـــب
أسعدني مرورك الجـميل,,
ولك أرفع القبعـــــه اجلالً لعبق كلماتك الشيقه