قصيدة / توبــــــَـه أمّن العشِك ..!((بقلم:الشاعر محمد الوجداني..!))

[الشاعر محمد الوجداني]

قصيدة / توبــــــَـه أمّن العشِك ..!

حالـــــــف ماأحـــّـــــبنً ليش حبيت .... مولساّعه جرحي أبهـــيده أضمدنه
بالـكــــــــــوه أماطل روحي كل يوم .... وأكضي الليل موونــــــه بألف ونّه
حرامات العـــــمـر من ضاع وي ذاك .... والنوبه أجاني الثاني أخـــــذ منّه
بعد مابــــيه أحبـــكم أنـــــتوا ألاثنين .... موجرحـــين صرتوا أبكلبي لجمنّه
وصعب هذا الوكت مايشفي ألاجروح .... وبعد ماطب عـــكدكم والله وأتعنّه
راح أنسه وأمـــــــووّت كلبي فدنوب .... وأسد باب العـــشك لوصار للجنه
وأذا رّد وأنفتح كـــــــــــول آنه جذاب .... وخلي أيكول واحدهم أحـــب فنّه
أمس الخاطرك كلشـــــــي آنه سويت ....وبعد حتـــــه الحلم لتصدك ايلمنه
دخيلك ياآلاهـــــــــــــــي أذنوب ماريد .... أطمع جّنتك والعـــــــــشك بطلنّه

.............................. أطمع جّنتك والعـــــــــــــشك بطلّنه

بقلم:الشاعر محمد الوجداني..!

[بصراوي مشاغب]

سلمت الايادي والله يبعد عنك جرح القلب شاعرنا الكريم

كلمات رائعه

[الشاعر محمد الوجداني]

شكراً لك اخــــــــــــــــي الفاضل..
بصراويٌ مشاغب..
وان تعليقك...يسعدني جداً..

[عراقي وبس]

الله الله
والله يعينك
عاد فد قصيده علينا
ههههههههههههه
اجمل فايف ستار للمبدعين
حقيقه تستاهل وبدون مجامله

[الشاعر محمد الوجداني]

عراقي وبس لك..ماطلبت
ولسرعة الاجابة
بومضه
فقط


أذا ماتعرف احـــــــــــــــنه امنين ماوين
ادخل منتدانا وشـــــــــــــــــوف سمعتنه
اللبوه واســــــــــــــــــدنه من العراقيين
معروف الهـــــــــــــويه أبذيج غيرتنه

((حصراً الى منتدى اسود العراق))
بقلم :الوجداني!