قصيدة/أحــــــــــــلاهـــــــــــــم أنت..!:بقلم:الشاعرمحمدالوجداني..!

[الشاعر محمد الوجداني]

((قصيدة/أحــــــــــــلاهـــــــــــــم أنت..!))


أجيت أبلا فكر بس رايد ألكـــــاك ... وأحس دكات كلبي أتراكض عليك
أنته أبين أديه وخايــــــف أتروح ... بس أوداعتك كل عمـــــري أتانيك
يا أول محب ماثانــــــــي حـــبيت ... وحـــك ذني الاشوفك بيهن أشبيك
صح أهواي اشوف بعيني حلوين ... بس انت ملكــــهم مـــــــــن أخليك
جمالك موطبيعي أمفــّـصل أفصال ... لغز حــــــــط بجمالك خل أحاجيك
سووّه أرموش عينك جنهه شباج ... بالله أفتحها كلها وضــّوي عالبيك
سبحانه الجمالك هيـــــــــج سوّاك ... ورد خدك يفـــــــــــتحّ من ألالكيك
ودخيلك ياللهي أشحاطــــله عيون ... وعمت عينه اليحسدك واليلاشيك
............................. وعمت عينه اليحسدك واليلاشيك..!
بقلم:الشاعرمحمدالوجداني..!
:love::love::love::love::love::love::love:

[عراقي وبس]

الله يعينك على الوصف والحب الرائع
لك مني كل الود والاحترام
تحياتي لك اخي الفاضل
نورت

[الشاعر محمد الوجداني]

حياك الله اخي العزيز الــــــــ
عراقي وبس
منـــور

[بصراوي مشاغب]

ودخيلك ياللهي أشحاطــــله عيون ... وعمت عينه اليحسدك واليلاشيك

الله ماشاءالله على الكلمات الجميله

موفقين اخي العزيز والى الامام ياطيب

[الشاعر محمد الوجداني]

الله يحيك اخي الغالي ال بصراوي مشاغب
وتحياتي لك من صميم القلب