المن ارد !!لا ما ارد (بقلمي)

[مجيد السيد]

خليك صابر ياكلب


خاف الك نيه وتسامح

وخاف الك نيه وترد

المن ترد ...

للجفه بجفوف العدو

وللنفسه مليانه حقد

ازرعت مرة الزرع

وسكيته من عيني الدمع

خضر شوك ماخضر ورد

زرعي الزرعته احترك

مرة جتاله العطش

ومرة جتاله البرد

ماعندي حظ وي المحب

حبيته وكلت احتييت

ماادري يكتلني عمد

ياجرح وينه الدوه

وياكلبي وينه الهوى

حتى من نارة ابتعد

همة رادوا موتتي

وهمة عافوا جنتي

وهسة يردوني ارد

المن ارد..وشلون ارد.. لاماارد

المن ارد..

كلما اخيط جرح

مية جرح ينسرد

جاتلني من العطش

وشفافي صارن خشب

وعيوني صارن رمد

ماشفنة ميت عدل

وماشفنة طول العمر

نار وثلج تتحد

يامه صارعت الحديد

هسه خلاني الزمن

باخر انفاسي اعد

المن ارد...

كلبك وكلبي عداوه

ومن يشوفك ينمرد

شلي بغرامك بعد

ضوكني طعم الظلم

وعذبني روح وجسد

المن ترد.......

ماتت بلابل شوكنه

وبلروح ماعادت تغرد

لا لا ترد...لالا ترد...لالا ترد

وبالك تجي وتطلب سماح

وبالك تجي وتكلي رد

همه رادوا موتتي

وهمه عافوا جنتي

وهسه يردوني ارد

بقلمي



مع تحياتي

مجيد السيد

[كبرياء وطن]

حروفك ساحرة استاذي
سلمت و سلم قلمك الجميل ايها المبدع
بإنتظار جديدك الرائع بشوق
تحيتي لك

[وردة الأمل]

من يبحث عن روائع الكلمات بلا شك يجدها هناا . صح لسانك أخينا السيد .
دمت سيدي ودامت لنا جواهر كلماتكم .

[مجيد السيد]

حروفك ساحرة استاذي
سلمت و سلم قلمك الجميل ايها المبدع
بإنتظار جديدك الرائع بشوق
تحيتي لك



حروفي لاقيمة لها امام حروفك الذهبية

تحياتي لمرورك ولشخصك الرائع

[مجيد السيد]

من يبحث عن روائع الكلمات بلا شك يجدها هناا . صح لسانك أخينا السيد .
دمت سيدي ودامت لنا جواهر كلماتكم .

ومن يبحث عن اجمل الردود واروع مرور ليبحث عن

اسم وردة الامل فدائما لمرورها الاثر الكبير في رقي متصفحات

الاخرين.

تحياتي اليك وشكرا للتقيم

[علي الاعسم النجفي]

كلما اخيط جرح


مية جرح ينسرد


جاتلني من العطش


وشفافي صارن خشب
الله عليك أخي مجيد ..
كلمات تحمل الكثير من الصور ..
دمت متألق بحرفك الراقي ..
تحياتي لك

[مجيد السيد]

كلما اخيط جرح



مية جرح ينسرد



جاتلني من العطش



وشفافي صارن خشب
الله عليك أخي مجيد ..
كلمات تحمل الكثير من الصور ..
دمت متألق بحرفك الراقي ..
تحياتي لك



شكرا لك اخي ولمرورك العطر

تحياتي اليك