صباح الموت بغداد الحبيبة

[علي الاعسم النجفي]

صباح الموت بغداد الحبيبة
صباحج موت من دون الصباحات

صراع ال عالكراسي نزل عالروس
وطش فوگ الصبح كومة انفجارات

صباح الموت يا أم المساكين
يا دجلة الخوف ونهر الدمايات

يشعلونج حطب لو تبرد الخضراء
وتدفى عليج ام العصابات

لان لازم جماجم للعرش كون
ما يكعد الكرسي بلايا صرخات

امبين يا حبيبة كتالج وذاك
يا هو من ولدج يصرخ الثارات ؟

سيارات الاسعاف تفخخت واطفاء
مو كافي الكواتم مو كافي عبوات

هاي ام تلم ببنها وهذا أب
كسر ظهره دهره وابنه المات !

هاي زهور ما فتحت هاي عيون
نامت عالجمر وعالهموم تبات

رضت بالضيم تعيش بس كونها تعيش
وحرموها حتى تعيش والعمر فات

صباح الموت يا حلوة تحترگين
لان محد الج يا وسفة وحرامات

حاميج الحرامي وحارسج كتال
اشندعي مو زرفنا السما دعوات ؟

مـــــــــــــــــــــنقول

[الحقيقةالمرة]

بوجود الطيبين

سيبزغ صباح اجمل على بغداد

لتعود لها لياليها الجميله

ـــــــ
وعند الله لا يضيع حساب

فكل من يصدر الموت سيقبض الثمن يوما ما

وينصفنا الله منهم

ويعيد الى وجوه اطفالنا ضحكاتهم

شكرا ياورد

[وردة الأمل]

ألك أرادة يارب العالمين الناس هشكل صارت مثل الطليان كل يوم مئات جاي تتذبح عيد خوما العيد !!!! والله ياخويه صارت الشغله ماصخه وبليه ملح .
شكراا لكم اخينا النجفي على نقل الكلمات بحق بغداد أم المساكين .

[مـلاك الـرحمـه]

اللهم عجل اللهم عجل اللهم عجل بظهور الفرج
بحق صاحب الفرج يا مفرج الهم يااااااااااارب بحق محمد وال محمد

لافض الله فوك يا اخي الاعسم كلمات باصميم

[علي الاعسم النجفي]

الحقيقة .وردة أمل .ملاك الرحمة ..شكراا جزيلا لحضوركم البهي ..
خالص تحياتي لكم

[وادي العشاق]

علييييي الله يلعنهم هالحميييييير والله مسكين هالحمار اشرف منهم

حسبي الله عليهم .. الله يرحمهم ويرحم الجميييع في الجنات الفردوووس شهداااء

مشكوووور اخوووي

[كبرياء وطن]

لكِ الله يا بغداد
ابكتني كلماتك اخي العزيز
دمت بخير
تحيتي لك

[علي الاعسم النجفي]

وادي العشاق ...كبرياء وطن ..
شكراا جزيلا لحضوركم ..خالص تحياتي لكن أخواتي ..الكريمات

[عراقي وبس]

ان شاء تبقى بغداد
عالية الراس
رغم على انوف الاعداء
شكرا اخي
على النقله الموفقه

[علي الاعسم النجفي]

ان شاء تبقى بغداد
عالية الراس
رغم على انوف الاعداء
شكرا اخي
على النقله الموفقه


حياك الله أخي عراقي ..

[مجيد السيد]

شكرا لك لنقل القصيدة الحزينة

لعنة الله على الظالمين .

تحياتي لك

[علي الاعسم النجفي]

شكرا لك لنقل القصيدة الحزينة

لعنة الله على الظالمين .

تحياتي لك
حياك الله أخي السيــــــــــد