حوارات انتخابية (بقلمي)

[مجيد السيد]

بمناسبة قرب الانتخابات لمجالس المحافظات اهديكم هذه القصيدة

التي كتبتها بتاريخ 5_3_2010 اي قبل اجراء الانتخابات البرلمانية بيومين

والتي جرت بتاريخ 7_3_2010

نتمنى من الجميع انتخاب الاصلح حتى يتغير حال المحافظات الى الاحسن .

اتمنى ان تنال اعجابكم .


بسبعة اذار انتفاضة

ننتخب بيها القيادة

مايعيش الشعب صدكوا

مايعيش بلا ارادة
...... ....... ....... ........
استغربت واحد سألني

يكول صايرلي سياسي

والشعب جوعان كله

وانته تتفلسف براسي

كتله ما احب السياسة

وللوطن وعيون ناسة

نمشي كلنه اليوم احنه

ننتخب احنة القيادة

مايعيش الشعب صدكوا

مايعيش بلا ارادة
........ ........ ....... .........
موجود صندوق انتخاب

وبيدك تغير الواقع

وأنتخب اللي تريدة

وبدل الماجان نافع

نبدل اصحاب الكراسي

ونمحي كل ذيج المأسي

ياشعب هبوا جميعا

وللوطن عيدوا امجادة

مايعيش الشعب صدكوا

مايعيش بلا ارادة
........... .......... ............ ..........
انتخب بابل وأور

وأنتخب دجلة وفرات

والمايصوت للوطن

لاكرامة ولاحياة

يبقى يحكمنه الجهل

وعدنة مايبقى أمل

اشلون ترضاهه نموت

وننحرم من السعادة

مايعيش الشعب صدكوا

مايعيش بلا ارادة

......... ......... ........ ........
للوطن أمشوا نصوت

ونحفظ أجباله ونخيلة

والياوكت مهمومة تبقى

وتبجي بصرتنة الجميلة

هسة بيدك القرار

صوت وجيب انتصار

وأطرد الانذال كلها

حتى نرجع للريادة

مايعيش الشعب صدكوا

مايعيش بلا أرادة
....... .......... ...... ......
روحي سامراء ونجف

وننتخب طف كربلاء

وماكو سني وهذا شيعي

للوطن كلنا ولاء

نريد للوحدة نصوت

هاية فرصة ومانفوت

ونكول لامريكا اطلعوا

حتى نظمنها السيادة

مايعيش الشعب صدكوا

مايعيش بلا أرادة

تقبلوا خالص تحياتي

مجيد السيد

[بصراوي مشاغب]

روحي سامراء ونجف

وننتخب طف كربلاء

وماكو سني وهذا شيعي

للوطن كلنا ولاء

ماشاءالله كلمات رائعة اخوي وان شاءالله الشعب هذه المرة يصوت للافضل
موفقين اخوي

[مجيد السيد]

روحي سامراء ونجف

وننتخب طف كربلاء

وماكو سني وهذا شيعي

للوطن كلنا ولاء

ماشاءالله كلمات رائعة اخوي وان شاءالله الشعب هذه المرة يصوت للافضل
موفقين اخوي


شكرا لك للمرور الرائع

تقبل تحياتي

[كبرياء وطن]

يا لروعة كلماتك!
سلم قلمك الجميل
الذي يخط اصدق الحروف
دمت رائعاً
تحيتي و تقديري لك

[مجيد السيد]

يا لروعة كلماتك!
سلم قلمك الجميل
الذي يخط اصدق الحروف
دمت رائعاً
تحيتي و تقديري لك

الاروع وجودك المستمر هنا

تحياتي لك ولمرورك العذب