بعد ماكو وفه..للشاعر علي الخزرجي

[امواج]

بعـــد ماكـــو وفه بهل زمـــان

اذا صــــار الحبيب الي عدوان

قبـــل جانـــت الدنيــــه حلـــوه

والحــــب جــان الـــه عنــــوان

وهسه الدنيـــــه اتغيــرت حيــل

وصار الحــــزن اشكال والوان

قبل بالشـــده توكفــــلك النـــاس

وهســـه واحـــدنه ماعنده اخوان

وقبـــل جان الفرح مالي لكلوب

ودـكـــات الكـلوب جانت الحان

وهـــسه الفـــرح صـــرنه ننسى

والكلب صـار بهمــــومه غركان

صبـــر كلبـــي طال الصــبر بي

و ع هموم الوكت كلبـــي خلصان

صفــــت هل دنيــــه بــس للردي

والكــل واحــــد بفلوسه ماتعبان

والكــــــل حاكــــم ضالم معتدي

سيـــفه الجــــشع كله طغيـــــان

بــــس اسمـــع مني ياضلم زيـن

لو تكـــطع بسيفــــــك الشريان

مانـــزل راســـي شماصـــــار

واضـــل انه لحبـــابي خـــــلان

ولخــــويه شمعـه بساعة اليحتاج

واصيرن بحر يروي كل عطشان

[قاسم البهادلي]

شكرا اختنا امواج
تحياتي لك

[بصراوي مشاغب]

شكرا لك امواج على المشاركة الرائعة ونتمنى من الله ان تكوني بالف خير

من فترة وانت ماموجودة يارب المانع خير

[العلويه الكيتاويه]

قصيده رائعه تجنن عاشت ايدج حبي