ملاك الرحمه مطلوبة هنا

[بصراوي مشاغب]

السلام عليكم

بالاول مبروك شرائكم ZaapTV

سوينا الموضوع هنا بالخصوص كونه خاص بالتلفزيون

والستلاياتات

وحبينا نعرف معلومات قبل شرائنا للجهاز ZaapTV

ماهو سعره حسب علمي يكلف 350 دولار

هل نصبتي الجهاز وهل استخدامه سهل

يرجى منك ان تفيدنا بالمعلومات مع خالص الشكر

[بنت العراق]

عليكم السلام والرحمة :blush2:
سوري اخي اني مو ام ملاك ام رقيه :icon31:
شفت ام ملاك ماكو كلت خلي نجاوب حسب علمنا المتواضع حول الــ Zaap Tv :p07:

عدنا هذا الجهاز تقريبا سنتين وكلش حلوو واستخدامه كلش سهل وقنوات خير من الله وبين كل فتره يسون له اب ديت من الشركه
وكلما عندك انترنيت سريع كلما صار واضح وما يقطع
و امممممم وتكدر تتصفح الـ You Tube بس المنتدى لا خخخخخ
وبعد شنوو اممم نسيت بي هواي شغلات حلوة
اذا تريد اي معلومات عنه ادخل على موقعهم واذا تحب انطيك رقم اخوي حمودي هوه يشتغل بي بولايتنا وعنده هواي معلومات عنه

وخل افلت قبل ما يجيني الطابع :041:

[مـلاك الـرحمـه]

اوووووووووووووووووووووووووف طبعا اول شي اكولك خفت بالله على بالي مسويه جريمه وما ادري ههههههههههههههه تذكرت بابا من جان يصيح وييييييييييييييييييييييييييييييييينها كوووولهم يصيحون هاي عيني شمسويه وي ووووووي تاليها يطلع لازم اسوي جاي هههههههههه
على العموم شكرا الكم اخي بصراوي الحمد لله ماشي حاله الزاب تيفي
&&&&&&&&&&
سعره الاصلي 369 احنه اخذناه بواير موواير لس فصار 350 حلو من دون شركه ولا دفع شهري مشكله وحده بس انه العراقيه ماعندي وهو الرجل اللي اخذناها منه قال لا اخفي عليكم هذه الحاله انه تختفي بعض القنوات وترجع بعد يومين واني سويت عليه بحث وقريت البرفيو والكومنت مالت الناس لكيت نفس البروبلم اقصى مده تختفي بيها القناة هو 3 اسابيع تقريبا بس شنو يعني بقية القنوات موجوده فباختيارك جميع القنواة مع بعض
ياما تختار اقسام التيفي العراقي او المصري او الموريتاني او السوداني اني بالنسبه اليه يعني اعشق التلفزيون السوداني ههههههههههههه
هسه اول البارحه جيكت على الان بي سي كولهم رايحين الفرات ماكو من اول ما اشتريته
شكله حلو حجمه بقدر حجم كف اليد
اليوتيوب يشتغل عادي لانه متوصل بالكومبيوتر اصلا ما اعرف ليش بنوته عدهم هل مشكله !!!!!!!
تستطيع توصله بالنت
موجود عندك اخر النيوووز العالميه العموم اكثر من 200 قناة فيه صراحه رووووووعه استفدت منه بلعبات المنتخب
يحتاج نت سريع مثلما تفضلت اختي وحبيبتي بنوووته
بالنسبه عندي اني 120 ككز بالشهر يعني مع المعاينه للشركه اللي احنه مشتركين بيها اللي هي فيديوترون نستطيع ندخل على الـــوب سايت ونشوف شكد مستخدمين الككز اليوم وراح ادرجلك صوره للزاب تي في صورتها خصيصاً

https://fbcdn-sphotos-a.akamaihd.net/hphotos-ak-snc7/s720x720/311575_3442540230781_1922108620_n.jpg

وهذا يوتوب الشخص اللي اشتريته منه مسويه عليه دمو

https://www.youtube.com/watch?v=sbWJ3NZC6zA

[بصراوي مشاغب]

ام رقية خالص الشكر والتقدير على الشرح الرائع والكافي

وان شاءالله اذا قررت شرائه راح اطلب رقم اخوك

لك خالص شكري وتقديري

ملاك الرحمة اشكرك ياطيبة جزيل الشكر على المعلومات والصور تعبانك ياطيبة وان شاءالله افكر بشرائه دام فيه هذه المجموعة الرائعة من القنوات

خالص التقدير لشخصك الكريم وربي يوفقكم

تحياتي واحترامي لكم والله يبارك بكم

[مـلاك الـرحمـه]

ميـــــــــــــــــــــــــــت هلا ومرحبا اخي بصراوي

[بصراوي مشاغب]

تسلمين يااصيلة

ماقصرتوا والله