صوت الدمع والله قصيدة حلوة كلش

[~نـونـة البغدادية~]

أريد أبجي واسمعك صوت الدموع
وخل يحجي الدمع ويسولف أشماله

تدري شكد معاني تشيل العيون
بس يوكع دمع تتوضح الحاله

وأضن صوت الدمع بيه وحده من أثنين
لو فاكد عزيز ويذكر أطلاله

ولو مزنه فرح وتخيل أنت الصار
يعني أثنين هنه العين هماله

أنه بعيني حزن والفرح ماموجود
دورته شكثر ولكيته رحاله

وخل يحجي الدمع خل نفتهم شيكول
مو هي السوالف حيل جتاله

عشرين العراق اصبحت بس تذكار
والمكوار ظل يتنخه بالفاله

ناس تكول شعلانك عراق بظلمة النسيان
نام بحسرته وماهمته أعياله

لأن شاف الوطن منهوب من كل صوب
ونباكت ثمرته وظلت أسلاله

وعنكود العنب ظل عل الغصن مجروح
ينشد عل السلال وياهو حماله

وبستان العمر بيه اشكثر ألوان
بس لون الورد معروفه اشكاله

بس ندري الوكت ليل ومتاع بعيد
ومزنه صيف مرت بينه حياله

خذت منه الفرح وأمسى الحزن مهيوب
باجر بس نعيد نكطع أغلاله

وناس شكد حجت كالت عليه أنباع
موطنه وصبح للأجنبي جماله

أصرخ وبعلاة الصوت ماينباع
عراق حسين هذا وبيه خياله

[لƒ¦ بَنّتْ بَلاِدْي لƒ¦]

أصرخ وبعلاة الصوت ماينباع
عراق حسين هذا وبيه خياله


غمه وتزول عن وطنه..
سلمت يمناكِ غاليتي عاشقة بغداد على هذه المشاركه الجميله
ونحن بنتظار جديدكِ القادم ياوردة..
تقبلي مني أرق التحايا وأعطرها

[بصراوي بلباكيت]

عاشت الايادي يا مبدعة
تقبل مروري
واعجابي بقلمك العطر

[عازف اوتار الحب]

عاشت ايدج اختي قصيدة رائعه فعلا
تحياتي لك

[مهاجر]

مشاركه جميله عزيزتي عاشقه
تقبلي تحياتي