عمت عيني عليج يبغداد [الأرشيف] - منتــــديات اســــود العـــراق

فارس بغداد

12-08-2007, 02:15 AM

عمت عيني عليج عيون بغداد
خلص عمرج عذاب ودمعه مهموره
حزينه ومافرحتي بيوم يبلاد
بس هم وحزن وكلوب مكسوره
عمت عيني اعله دجله الماغفه ولاهاد
الا عله الجثث عالجرف منثوره
عمت عيني عليج عيون بغداد
كل ضالم يمر يشوه الصوره
يمر بيج ويلون ارضج دموم
واطفالج تنام الليل مذعوره
ونستهم قنابل والصواريخ
وساعات الفرح من اهلي محضوره
مانعرف ذنبنه والجنيناه ؟؟؟!!!
ليش الدار مضلم وانهدم سوره ؟!!
حزينه بيوتنا وتبجي الدرابين
والجيران وسفه بحزني مسروره !!
نخيت الجار كلهم والمسلمين
وحشمت العرب واليعرف الجوره
نريد العونه منكم كافي جم دوب
ليش دمومنه بهالرخص مهدوره
نريد العونه منكم يالسلاطين
ومااكدر ازيد الكاع محضوره !!!
*****
، بغداد ،
متأذين احنه ونجي كل يوم
وكل لحضه التمر ننزف عليج دموم
صمنه من الفرح صارلنه حفنه سنين
هم شفتو بشر كضه العمر بس صوم !!
لامرت بيحيى !!
ولانبي ايوب !!
لامر بيها يونس لانبي يعقوب

خلصنه العمر دمعه وحزن وهموم !!!
يابغداد يابغداد يابغداد
ملينه وحياتج مر الفراك
حنظل من نضوكه وطعمه مسموم
بغداد وحياتج مانسيناج
جرحج بالكلب يحبيبه مضموم
فتحنه كلوبنه وكل القرآئين
ودعينالج ينجمه وتسوه النجوم
دعينه الغمّه عنج تنمحي بساع
ونلبسج من جلدنه احلى الهدوم
انتي امنه وابونه وانتي الولاد
وانتي الفوك دومج علو النجوم
يبغداد الوكت سوانه طشار !!
حسافه الزين بينه يصير مهزوم
رهننه كلوبنه وبعنه الشرايين
وشرينه بدالهن انواع الهموم !!!!

مهاجر

12-08-2007, 07:39 AM

احسنت اخي العزيز فارس على هذه القصيده الجميله
تقبل تحياتي واتمنى لك الموفقيه

بصراوي مشاغب

12-08-2007, 07:46 AM

تشكر اخوي فارس على القصيدة الرائعة والله يوفقك

لƒ¦ بَنّتْ بَلاِدْي لƒ¦

12-09-2007, 02:35 PM

كلمات جميلة ومؤثرة حقاً..
تسلم الايادي اخوي فارس بغداد على طرحك الرائع
بنتظار بوح قلمك القادم..
تقبل مني فائق تحياتي وتقديري

بغدادي أنا

12-10-2007, 03:06 PM

شكرا على الكلام الجميل

و حبيبي بغداد ان شاء الله رجعت

وراح تكسر شكو خشم وشكو شخص

فرح باللي صاار وبغداد راجعه عروس المدن كما كانت قبل 2003

وشكرا الك