مسابقة اجمل قصيده وطنيه ..

[سفاح الرافدين]

السلام عليكم

كيف الحال شلونكم ان شاء الله بخير
اليوم سويت مسابقه جميل والله ورائع وارجو من الاداره ان تثبت الموضوع

المسابق هي اجمل قصيده وطنيه
يسمح للعضو ان يضع قصيده شعبيه اوفصيح اي نوع
كانت

المسابقه تبدا من اليوم ويوم الجمعه راح تعلن النتائج
ويكون للعضو الفائز وسامه تضع في توقيع العضو الفائز
ويكون الاعضاء الفائزين فقط اثنين بمعنى ثنين يفوزون ليس ثلاثه
والجنه متكونه

من
1-انا (اسود الرافدين))
2-بصراوي مشاغب
3-؟؟؟؟؟؟؟؟؟؟
4-؟؟؟؟؟؟؟؟؟
والاعضاء العلامه؟؟؟؟؟؟ انهم مجهولين بمعنى موجودين بلمنتدى بس
لانريد نقولهم
ويبدا الاعضاء الاءن بوضع القصائد هنا في هذا الموضوع في الردود :b:

[أمير دولة الحزن]

بغداد عشقي ودمي ومنارة الايام
ونبض قلب العاشقين وقبلة الانام
يا حبيبتي يا بغداد كل الاحلام
في ثراى ايامك يسكن قلـبــــــــــي
وعبر السنين كنتي يا معشوقتي بلد السلام
اين مني انتي واين ذكرياتنا والغرام
واين شوارعك وقد احتظنتنا بوئام
اعذريني يا بغداد عمري واغنيتي
يا صبر العاشقين على حزني وشجني
ويا لقاءات الحب في ذاكرتي
يا اهلي ... واحبابي ... وامنياتي
تهمس في اذني بغداد هنا يلتقي الرافدين
وهنا افترق الاحباب .... كيف صاغها قدري
كيف الفرات ينسى عشق دجله
وكيف الجار يهجر حبـــــــــــــــــــــه
وكيف الكنائس تغلق ابوابها
والمأذن تصمت في صمتهــــــــــــا
وكيف الحسين يرتضي ان يقتل فينا حبه
يا اهل العراق يا حسين ويا ذو الفقار
ينتخي العراق بسيفك يا علي
وتصرخ في مأتمك زنيب
بالامس ودعنا شموخنا بعد ان قتلناه
واليوم نبكـــــــــــــــــــــي على اطلاله .

[عازف اوتار الحب]

السلام عليكم اخوي

شكرا على موضوعك ولي عوده ان شاء الله

[أمير دولة الحزن]

بغداد يا ست النساء ........ ياجرح الزمن .

ويا كبرياء العراق ... بغداد ياهمسي وطربي

ويا لحني الحزين في عود ساحر ومطرب غريب .

بغداد يا امنيتي ويا وجعي الطويل ويا انشودة الامل البعيد .

بغداد .. يانور كربلاء ..... وسجينت الحب .... وزمن الذهول انتي .

قبس من نور انتي وجرح امتده الى اخر شراين الروح .

يا حلم الاطفال ... وترانيم العشاق وفجر حب لم يغب .

اين انتي من عشقي وكل نساء الارض منك تغار .

واين انتي من شعري .. وقوافي الشعر لجمالك تنحني .؟

يا اقحوانه ... وياسمينه .... ونرجس وردي ...

يا صمتي في لغة الكلام ويا همسي في لحظات العشق ....

يا بغداد يا ست النساء .... يا اميرة الحزن في خاطري .

ويا بلسم جروح....................... المغتربين .

بغداد يا فرات الخير ودجلة العشق .. يا منارة الدنيا ومقصدها .

يا ساكنه في روحي وفي دمي .. وبين اظلعي يخفق قلبي ....

بغداد يا ب غ د اد .......... امنحيني حق اللجوء في عينيك ...

فأنا منذ اعوام ابحث عن وليد حزني من رحم الفرح ....

ومنذ اعوام اصارع الهوى والهوى فيك يطول ....

يا انيسة الموحشين .. وعاصمة العشق الابدي .

ارحميني من تعب السفر .. ومن تمزق الجوازات ... ومن بوابات .

الدخول والمغادرة ...

بغداد يا منفى المي وجروحي وخاطرتي .....

بغداد يا عروس العراق ...... وام الايتام ... والثكالى .

من يمسح دموعك من مقلتك ... ومن يضمد جرحا في صدرك ...

بغداد يا عشق دمي وروحي وبلسم جراحي .... يا بغداد .......؟


أمير دولة الحزن ...... ؟



هذه قصيدة ثانية لبغداد اهديها لكم ولمنتداكم الرائع وهي من تاليفي

[سفاح الرافدين]

شكرا اخواني وانتظر من باقي الاعضاء ان يشاركون

[سفاح الرافدين]

اخواني الاعضاء منظركم اريد المشاركه في المسابقه
لاءن غدا تعلن النتائج الى حد الساعه 10 ليلا اليوم اذا لاتوجد مشاركات
تممدد اعلان النتائج الى يوم (ليس مقرر )

منتظر من الاعضاء المشاركه

[مهاجر]

مشكور عزيزي اسود الرافدين وتقبل تحياتي
ومشاركتي للشاعر الشهيد رحيم المالكي رحمه الله

يا عراق


يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني

الشاعر العراقي رحيم المالكي

[سفاح الرافدين]

شكرا المهاجر على الاشتراك المسابقه لم تنتهي تتجدد هذه الجوله الاولى
وانا لم يهمني ان اثنين شاركو هم يفوزون

[عراقي وتاج]

احب انا اشارك في هذه المسابقه



أنا العراق



أنا......
الحاضر والماضي
مهد الحضارات
عريق الدماء والأجناس
منبع الاقوام والديانات
أهلي......
أطيب الناس
كرمهم يغرق الأنفاس
كرامتهم فوق السحاب
عزتهم شامخة كالجبال
غيرتهم تقتل الأنذال
يا أبنائي......
قتلتم الحاسدين في بيوتهم
وخنقتم فضولهم
وفتحتم عيونهم
وأغلقتم افواههم
يا أرضي....
يامنبع الخيرات
يامرتع السلام
ويابيتاً للمضياف
كم آويت منهم
وكم مرة سندتهم
يا صاحبي....
كيف نكرتني؟
وللعدو سلمتني
وعلى الصليب صلبتني
كيف خططت أن تسقطني؟
وتوهمت انك دمرتني
لكنك جاهل
بأني يوما
سأهز الكون كالبركان
وسأغرقكم كالفضيان
يا شهيدي....
لاتحزن
دمائك التي سفكت
وعلى ارضي زرعت
ستورق شجرا
وستكون ظلا
آه يا أبنائي...
أعجب من اين جاءكم الطغاة
من اي درب لعين قدموا
واي حقد حملوا
واي دين اعتنقوا
وأعجب؟
من أين جاءتك التسميات
ومن وزع الألقاب
وكيف تناثرت القوميات
أنسيتم!
انتم دماء سومر واكد واشور
ومنكم تعلم البشر
كيف يتخطى الحياة
كيف يكتب ويقرأ الكتاب
وكيف يعبر البحار
وكيف يكسر الأحجار
آه ... يا أرضي
هل نسى ابناؤك
كيف العدو يوما توعد
بأنه سيجعل العراق ترابا
او سيسلمه خرابا
ياأبنائي....
عتبي عليكم كبير
الم تتعلموا بعد !
لو انكم فتحتم عيونكم
لو استمعتم لضميركم
ماكان حالي هذا الحال

[سفاح الرافدين]

مشكور اخي لمشاركتك وبدأ الحماس
انتظر الاعضاء الباقين

[سفاح الرافدين]

السلام عليكم اخواني الاعضاء كيف احوالكم
ان شاء الله بخير بدأت اللجنه التحكيميه بتتدقيق
والمنافسه في هذا المسابقه بين مهاجر
وأمير دوله الحزن
ونتائج بعدها اليوم تطلع النتائج
وتوفيق لكل الاعضاء البافين اذا شاركو

المشاركة مفتوحه اليريد يشارك خلي يشارك

[سفاح الرافدين]

اخواني الاعضاء
الفائز في المرتب الاول هو
مـــــــــــــــــــهــــــــــــــــــاجــــــــر الف مبروك
اخي المهاجر راح ادزلك تصاميم خاصه من عندي لك لاءن انت في المرتبه
الاولى وشكرا لك ادزه لك في رساله خاصه ومن تتواجد في المنتدى
وفي المرتبه الثانيه
هو
أمــــــــــيــــــــــر دولة الحزن

الفائزين الثنين راح تضع الاداره لهم وسامه

الف الف مبروك للعضاء الذين فاوز
وغدا تبدأ الجوله الثانيه في نفس هذا الموضوع وشكرا لكم
وان شاء الله يشاركون الكثر

[أمير الرافدين]

بسم الله الرحمن الرحيم
مشكور اخي اسود الرافدين عالموضوع الجميل
متميز دائما انت بمواضيعك
انا حبيت اشارك بهذه القصيده ولو مسموعه بس كلش حلوه
( سمعت بغداد تناشدني )
ماخذهه الخجل تسألني عن ناس
الا من ثائر يأخذ بثأري
ويداوي الجروح ويرفع الراس
الا في اذنكم صرخة سكينه
وياهو المنكم يصيرلهه عباس
انا ام الكنائس والمآذن
مو كاعي ضريح شلون تنداس
أرادوني جلد غير جلدي
شلون النجف كلي تصير تكساس
ايا جسر الأئمه من غرقنا
الك عثمان هو الجان غطاس
هنا طفل هنا شيخ هنا ام
هناك خدود كانت قبل تنباس
فقد كان الرصيف كالمرايا
وهسه الجثث كام يلمهه كناس
نثق بمن وقد خان الصديق
على الحراس كون نخلي حراس
أيا صدق المنايا خبرينا
اذا ماتت الروح يموت الأحساس
فقد بالأمس ماتت ذكرياتي
وحيتهن شجره ضحكت بأبو نؤاس

للشاعر خضير هادي
مع خالص حبي وتحياتي
للجميع
مملكة الأحزان

[سفاح الرافدين]

اخي العزيز شكرا لك على المشاركه وتعتبر هذه المشاركه في الجوله الثانيه

[بصراوي مشاغب]

الله يوفقكم ياطيبين وعاشت ايدك اخوي اسود الرافدين على الابدعات

والمنافسات الشريفة بين الاعضاء

فالف مبروك للاخوة الفائزين امير والاخ مهاجر وان شاءالله يصير تفاعل

اكثر من الاخوة الاعضاء لكم خالص تقديري

[مهاجر]

الحمد لله الله يبارك فيك اخي العزيز اسود الرافدين
واتمنى لك كل الموفقيه ومشكور على هذا الجهد
الذي بذلته و كلامك هو الجازه في حد ذاتها
تقبل تحياتي

[مهاجر]

السلام عليكم ورحمة الله وبركاته
اخي العزيز اسود الرافدين يسعدني ويشرفني ان أشارك
للمره الثانيه بقصيده للشاعره نازك الملائكه رحمها الله
تقبل تحياتي واتمنى لك الموفقيه


جـلـجلْ دويا ً كصوت الرعْد iiكالحممِ
ارضٌ بـهـا اوليـاء الله iiاضطجعوا
ارض الـحـضارة منه الفجر iiانطلقا
هـذا الـعـراق عرين الخلـد مسكنه
لملم جـراحك يا ارض السـواد iiوقمْ
هـيـهات يربيك جيش الدهر iiاجمعه
كـل الـجباه على ارضيك قد سجدوا
جـل الـقـواطع في اغمدها iiصدءتْ
لا يـرتقي المجـد من تهوى iiعزائمه
عـلـى ثـراك بنى القانون احـرفه
سـحـر اليراع و نقش الطرس iiمولده
انـجـبـت شعبنا علا الافلاك بيرقه
الـيـس فـي بابل الالباب قد iiذهلتْ
ربـى الـمـآثـر و التاريخ في اكد iiٍ
فـيـنـا سـمت راية الاسلام خافقة iiً
خـيـل المثنى سنـى التاريخ iiيعرفه
أيّ الامـاكـن لـم تـشـهدْ iiبيارقنا
نـحـن الـذيـن بنينا العلم مدرسة iiً
حـبـيـت يا امة الامجاد من الـق ٍ
عـدْ مـجـدنـا التالد المشهور iiرايته
ايـام كـنـا مـلاذ الـناس iiاجمعهم
كـل الـعـيون عوادي الدهر iiترقدها
لـلـه درك يـا ارض الـنـخيل فقد
صـبـرا على العاديات النـاقمات بنا
بـحـر الـمـنـايـا برغم الآه نفلقه
و انـت طـودٌ على جنبيك قد iiقبرتْ
و لـيـشهد الكون و التاريخ مقولتي
لـولا الـعراق لكان الناس في جهلٍ

***********************
إن الـعـراق بـلاد الله فـي الامم iiِ
فـعـانق النور بين الارض و السدم iiِ
والـشمس لـولاه لم تشرقْ ولم تعم iiِ
قـد اسـبـغ الكون بالريات و القلم iiِ
و لـيـسرج الدهر خيل الغدر والالم iiِ
يـا مواطن السيف و الفرسان والشيم iiِ
بـالـطـوع والكره و الاقبال والعدم iiِ
الا حـسـامـك لـم يـغمـدْ ويلتثم iiِ
فـالمجـد تحت ظلال الصارم الخذم iiِ
يـا مـنبع العدل و الميزان من قدم iiِ
من بطن سومر صخب الطلق والهمم iiِ
بـالـعـلم والبيض والايمان والشكم iiِ
مـن الـجـنائن و الامواج في القمم iiِ
و مـلـك اشـور في الايام كالوشم iiِ
حيث امتطينا خيـول النصر و الشمم ِ
و الـقـدس لولا صلاح الدين لم تدم iiِ
بـل أيّ شـبر ٍ عليه الحكـم لم يقم ِ
يـبـقى العراق منار العرب و العجم iiِ
و يـا عـطـاءاً هما كالغيث بالنعم iiِ
ايـام كـنـا نـطوف الارض بالقدم iiِ
دار الـسـلام و دار العشب و القيم iiِ
الاعـيـونـك لـم تغمضْ ولـم تنم iiِ
جـاوزك عن شعلة الاحسان بالجرم iiِ
لـيل الحوادث في الاصبـاح كالحلم iiِ
فـفـي يدينا عصا موسى و غلظ فم ِ
ريـح الـبـلايا وحقد الشر و النقم iiِ
بـصرخة توقـظ الاموات من ْ رمم ِ
يـكابدوا العيش بين الكهف والصنم

[سفاح الرافدين]

شكرا مهاجر على مشاركتك وجهودك التي بذلتها للمشاركه في هذه
المسابقه وتعتبر هذه المشاركة الجوله الثانيه

[سفاح الرافدين]

انتظر من الاعضاء الباقين بمشاركة بمسابقه

[سفاح الرافدين]

اين الاعضاء الباقين اخواني شاركو

[عراقي راقي]

السلام عليكم

طبعا فكرة جميله منك اخويه اسود الرافدين

ونشاء الله هاذي مو اخر مشاركي مني بهاذا الموضوع تقبلوها ابكل اخوييه

طلعت منك ياعراق وماعاد يلفيني بيت.....
افكر واكول ليش ياربي شنو سويت .....

حياه كريمه بهذا الوطن كل الي اتمنيت ....
وهسه على بعدك حتى الثواني عديت......

المن اشكي ياربي بس الك اشتكيت .....
وعلى كلمه الغربه اني شكد بكيت......

واللمه وهلي وناسي ولشعارهن اني حنيت....
وحدي بهالغربه اني واشعاري ظليت....

اعيش بكابوس البعد عنك والي هسه ماصحيت....
اريد اصحى وارجعلك واكول بحضنك تدفيت ..

بس مثل كلمه الله واكبر على علمك مالكيت
تحياتي عراقي راقي
/images/icons/B.gif

[سفاح الرافدين]

مشكور عزيزي عراقي كثر الله خيرك يابطل
واتمنى لك الفوز

[عراقي راقي]

اشكرك حبيبي الغالي وياريت الاعضاء يجون لهاذا القسم ولهاذا الموضوع
وحبيت اضيف شي ثاني

صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك ..

صفت لأهل الكراسي وكلهه تآكل بيك
وانتَ( أيـوب )بعــدك ساكت شمالـك ..؟

ناس تبيع بيـك ونآس بيك تبيـع
وجوعان الشــعب وميتمّـة عيالـك ..

اهلك بايعينك لليــصّح شـرآي
والف شرآي واگــف يآكل بجالك ..



حزنانـه الشـوآرع والطريق طويـل
ومتيّه وطنــه ويـــــاهو ليطلعـه ...؟

خمستالاف حاكم وآنه دمي يسيـل
وبكــل بيت ميت .. كل فرع قطعـه ..

أبنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه ...

بعده الوضع نفسه وباقي نفس الحال
نفسه الرآح اجانـه وضربه في تسعـه ...!!!

[سفاح الرافدين]

النتائج قريبه جدا الفائز واحد
لايوجد مرتبه ثانيه

[سفاح الرافدين]

بعد اسبوع ويعلن الفائز الاول فقط

[عبودي العراقي]

احببت فيك عراق روحي او حببتك انت فيه
يا انتما مصباح روحي ياانتما
واتى المساء
لوجئت البلد الغريب الي ما كمل اللقاء
الملتقى بك والعراق على يدي هو اللقاء
شوق يخض دمي اليه
كان كل دمي اشتهاء
جوع اليه كجوع كل دم الغريق الى الهواء
شوق الجنين اذا اشراب من الظلام الى الولادة
الشمس اجمل في بلادي من سواها والظلام _حتى الظلام_
هناك اجمل
فهو يحتضن العراق
متى انام فاحس ان عل

[عبودي العراقي]

كفى سؤددا ان يستهل بك العهد:B:
وحسبك يابغداد مارسم الخلد:B:
طلعت على الدنيا وياخير مطلع:B:
بشائره العلياء والمجدوالسعد:B:
وتوجهت هام الشرق عز حضارة:B:
تتيه بها الاجيال فخرا وتعتد:B:
تباركت يابغداد امنا لاامان:B:
وكيدا على من جال في قلبه الكيد:B:
فيالك من شماء عز تعاقبت عليها الليالي وهي شامخة بعد:B:
تباركت يابغداد ذخر حضارة:B:
معالمها نور وايامها رشد:B:
تباركت يابغداد للشعر ايكة:B:
كاني بها حتى افانينها تشدو:B:
ولاطاب لي من غير دجلة مورد:B:
ولالذ لي في غير شاطئها الورد:B:
لغيرك يابغداد لم يهف جناحي :B:
ولا شاقني في غير ظلك ان اشدو:B:
وما شغلتني عن نخيلك ايكة:B:
ولا رف لي عن مثل اكمامها الورد:B:
لك الخلد يا بغداد اضلا وساكنا :B:
ولا جال من مرابعك الخلد:B:

[musstafa]

من كثر شوقي دموع من دم بجييت.....من سوريا البغداد اتعنيت .


الغربه صعبه ومن الغربه انهديت.......مشتاق الهلي والقربتي حنيت.





والصحبتي ااه الصحبتي اشتاقيت.... ودي ارجع الماضي وأكعد بعتبت البيت .


وصيح يا ناس والله اشتاقيت.......شريد احجي شريد اعبر والله احتاريت.





ضليت بحسرتي ومن حسرتي ونيت...... صفيت بالغربه شجره والجذر ميت.



ولكم كافي عنف وقتل بجاه أل البيت.......يا ريت يرجع الماضي وأكعد بعتبت البيت


لك ان جان اسمك علي بلوه ابتليت......وان جان اسمك عمر مهجر من بيت البيت



او هاي مأساة كل عراقي .........وكافي تره والله انتهيت انتهيت.

[نجوم العراق العظيم]

السلام عليكم ورحمه الله وبركاته
عاشت ايدك على هذه الاشعار واتمنا لك بالتوفيق والنجاح انشاء الله
ويعيش العراق العظيم ويبقى صامد الى الابد
اخوك : نجوم العراق العظيم

[نجوم العراق العظيم]

ملينه الچذب وليمته وليا دوب

قصايدنه اجت للناس متأخره




نعم خوان احنـــــــــــــــــــــه

نعم خوّان احنه وياك آني بهاي

بس مو من بعد تفجير سامرّه




بعد تفجير سامرّه العراقيين

مثل فلم الرعب ودمايته الحمره




مو فتنه صحيح الصايره ابّغداد

سونامي الفتن بغداد منتشره




قتل مو عالهويه هواي متوهمين

صارت عالاسم گص راسه ويشمره




واليگلي تبالغ انته حيل بهاي

جبت حجه ودليل وياي هالمرّه




اتحده بكر واتحده ابو الخطاب

افن واحد البيهُم يوصل الثوره




واتحده على واتحده هم حسين

اذا فلوجه طبهه ومنكسر ضهره




صـــــــــفر كل النتايج للعراقيين

بس بالفتنه جابوا عشره من عشره




هذا يگول سني ناصبي اغتالوه

وهذا يگول شيعي رافضي نكفره




ضلّوا بهالسوالف يا خزي ويا عار

واسرائيل علگت نارهه الــــــكبره




يول وين الــــــــشرف گدامكم بغداد

شــــــگّوا ثوبهه واخذوهه متأسره




غتصبوهه الكُفر ... ما تسمعوهه تصيح

آنه ام الــــــــــــشرف واليوم مو عذره




بعد والله ما يــــــــــــــنفعنه قيل وقال

لات كـــلشي انتهه وانكــــسرت الجرّه






مرحوم الـــــــعراق استشهد من سنين

يا وسفه صفـــت أشلائه مـــــتنثره




متنـــثره بمزابل يمـــهه كوم چلاب

اكلت من لــــــحومه وما درت سرّه




صــــير وياي بس هالمره اترجاك

عيب من الــــــــــــعراق اليوم نتبرّه




صعبه بمزبله جثة الــــــــعراق تصير
خلي نشــــــــــيله منهه وندفنه بگبره

انشاء الله نالت رضاكم