سؤال مهم وأرجو الجواب عليه بوضوح

[ابو تمار النجفي]

أخوتي الاعزاء:
السلام عليكم ورحمة الله وبركاته:
هل يكمن ان اعرف كيف انزل صورة في منتدى أسود العراق أو كيف يتم أخراج الرابط لاي صورة وشكرا أرجو ان يكون الجواب بسرعة وشكرا:idea::idea:

[ابو تمار النجفي]

اخوتي الاعزاء اين ردكم

[بنت البصرة]

وعليكم السلام ورحمة الله وبركاته


اخي الكريم هناك طريقتين لوضع الصور بالموضوع


الاولى هي ... الكوبي بيست...وهالطريقة سهلة جدا بس لازم تكون مختار اللوحة المتقدمة ,,,وهسة اكلك شلون تختارها


تروح على لوحة التحكم ...ومنها تروح على تعديل الخيارات .. وباسفل الخيارات ..تلكة واجهة تنسيق النصوص .. اختار منها اللوحة المتقدمة _الصندوق الاحترافي .. وبعدين تحفظ التغييرات


وبهالشكل يكون نسخ الصور سهل ... تروح على الصورة اللي تريدها وحط عليها الماوس ودوس زر ايمن واختار كوبي copy وبعدين ترجع على موضوعك وتحط الماوس واتدوس زر ايمن واختار بيست paste وراح تشوف الصورة تظهر بصندوق النص ..


الطريقة الثانية واللي تحتاجها اذا ردت ترفع صورة من الكومبيوتر مالتك .. يعني مخزونة عندك بالحاسبة ..


بهالطريقة تستعمل احد مواقع الرفع واني انصحك بالموقع التالي لان مستعملته هواي


http://up.salowkah.com/ (http://up.salowkah.com/)


من تفتح الصفحة للموقع دوس على كلمة براوز Browse.. راح يطلعلك الاشياء المخزونة بالحاسبة .. دوس مرتين متتالية سريعة على الصورة المطلوبة واللي عادة تكون مخزونة بماي بكجرز .. وبعدين دوس على كلمة تحميل


من تتحمل الصورة راح تطلع كدامك اما تنسخها مثل ما شرحت بالفقرة الاولى او تكدر تاخذ الكود المكتوب جوة الصورة وتنسخة بالموضوع .. الطريقتين ماشيات


يارب يكون شرحي سهل ومفيد الك واي استفسار اني جاهزة


نسالكم الدعاء

[بنت البصرة]

خوية طاحن ايدي صار ساعة اكتب ههههههههههههه

[ابو تمار النجفي]

السلام عليكم
أختي الغالية
(بنت البصرة)
بارك الله بك على المعلومة وجزاك الله
الف الف خير
ميثم النجفي

[بنت البصرة]

تدلل اخوية .. اي استفسار اني جاهزة وبالخدمة

بس حسب ما جاي اشوف الظاهر الامور مشت لان منزل صورة بالتوقيع

[ابو تمار النجفي]

تدلل اخوية .. اي استفسار اني جاهزة وبالخدمة




بس حسب ما جاي اشوف الظاهر الامور مشت لان منزل صورة بالتوقيع

تشكرين أختي الغالية نعم جرت الرياح بما تشتهي السفن ههههههه

[][ وهج النور ][]

مشكوره عزيزتي بنت البصرة على مجهودك الطيب وما قصرتي

[بنت البصرة]

الشكر لله .....تدللون اخوتي ما سويت غير الواجب..

[بصراوي مشاغب]

جزيل الشكر بنت البصرة على ماتقدميه من مساعدة

الله يوفقك يارب

[بنت البصرة]

تدللون خوية بصراوي ... على عيني وراسي