احــــلفك ياوطن تمسح دموع النـــــــــــاس

[بنت الوادي المقدس]

السلام عليكم ورحمة الله وبركاته

مشكله الوطن مابي شعب مرتاح


ومشكله الشعب مايكدر يعوفه



احبك يا وطن لو بيك الف جلاد


وحبك لو جرح كتال ما اروفه



حبك نار بيه واشتعل بالنار


وانه ابنار حبك روحي ملهوفه



تطيب جروح غيرك ياعراق الخير


وانت جروح كلبك لسه مكشوفه



حرامات الوطن ينزف مهج وارواح


وبي قبه علي والوادم تشوفه


وعاين على الفرات شسوه بي عباس


شك روحه النهر وانتحرت جروفه



عدنا من الشجاعه امثال تلوه امثال


كلها ابشيمه العباس موصوفه



وعدنا اول مضيف معزب الخطار


دك ساسه الحسن من جود معروفه



وياحاتم زمانك والشعب جوعان


خاطر ماكسر فد يوم لضيوفه


يبو عيون الشهل خليني اسولف بيك


واحجيلك عليه شلون سالوفه


عشكتك بالزغر من طحت فوك الكاع


روحي من الطفوله وياك مشغوفه



حبيتك رغم كل الجروح البيك


وقبلت الجفوف الباست اجفوفه



روحي ابحضرتك طافت على الشباج


يا اجمل ضريح الوادم اطوفه



واحلفك يا وطن تمسح دموع الناس


خطيه دموع شعبك تضل مذروفه

[بصراوي مشاغب]

الله كلمات رائعة الله يحمي وطنا وشعبه الحبيب

تسلمين على المشاركة الرائعة والمميزة

تحياتي لك

[عراقي وبس]

شكرااااااااااااااااااااااااااااااااااااااا
كلمات روعه

http://www.up.7irtny.com//uploads/images/7irtny-08466eda97.gif

[بنت الوادي المقدس]

حياكم الله
مرورك الاروع اخي الكريم البصراوي

وعراقي وبس

نورتم الموضوع بكلامكم

[مجيد السيد]

شكرا لك للمشاركة الرائعة
وسيبقى الوطن مرفوع الراس
مادام بيه ضريح الحسين والعباس
تقبل مروري
مجيد السيد

[ابوهاشم]

شكرا لك اختي
بنت الوادي المقدس
قصيدة جميلة ،ويستحق الوطن من ابنائه كل الحب

[ام فاطمة الزهراء]

كلمات رائعة من قصيدة اروع

[بنت الوادي المقدس]

نورتم وانتم الاروع