المساعد الشخصي الرقمي

مشاهدة النسخة كاملة : بغداد امس بالحلم يادنيا زارتني


أرض الرافدين
11-29-2007, 05:14 PM
بسم الله الرحمن الرحيم


بغداد امس بالحلم يادنيا زارتني



بغداد امس بالحلم يادنيا زارتني

من الباب سال الدمع وبلهفه شبكتني

عشرين عام انقضن بالغربه والترحال

والحزن خضر حزن واتغيرت الاشكال

عودي ذبل وانحنه والشمس حرقتني

وبغداد بس باوعت يادنيا عرفتني

شميت بيها الوفه والشوق واللهفه

ضمتني اعل الصدر وبقلبي الرجفه

بغداد مومثل امس يادنيا مختلفه

مهظومه من الحزن ودموعها نهران

حسراتها من القلب نيران جوتني

بغداد امس بالحلم والله بجتني

ابصوت الالم والكدر والخوف سألتني

وين اهلي عني ارحلوا وظلت خليه الدار

لاطارش الي اجه ولاوصلولي اخبار

مانمت من سافروا النوم مني طار

وجروح تنزف حزن القلب ظل محتار

يمته اولادي ترد جاوبني ياعمار

ردت احجي بس عبرتي يايمه خنكتني

بغداد امس بالحلم والله بجتني

:hdhd21:تحياتي:hdhd21:
مهاجر
11-30-2007, 12:30 PM
مشكور اخي رياض على الكلمات الجميله والمؤثره
تقبل تحياتي واتمنى لك الموفقيه
عازف اوتار الحب
12-02-2007, 08:41 AM
سلمت الايادي اخوي رياض كلمات رائعه
لك مني اعذب التحايا
أرض الرافدين
12-07-2007, 05:03 AM
هلا وغلا بيكم تحياتي للجميع مشكورين