لجل عين الوطن

[7bebe ya iraq]

لجل عين الوطن وعيون هاي النـــاس ... گتلك صفي گلبك حتى نتشـــــــــارك
اجيتك شايل ابچفي غصن زيتـــــــــون ...ليش انته مصر وياي تتعـــــــــارك
عوف الطائفيه ومنهج المحتــــــــــــــل … كافي اتبيع اخوك وتهدم اديـــــــارك
مو انته الچنت مضرب مثل بالجــــــود ... حاتم بالضيافه وشايعه اخبـــــــــارك
حولته مضيفك غرفه للتعذيـــــــــــــــب…وصفه جمر الدلال اغموس خطارك
چان اليعتنيك اتگصله احلى اثيــــــــاب ... هس اليعتنيك ايزرفه منشــــــــــارك
قلعت اعيون اخوك ولله لو ناخيــــــــه ... چا بيده شلعهه وجابهه الــــــــدارك
شجاك اتغيرت مابين ليله اويــــــــــوم ... عساهه ابخت كلمن سمم افكـــــارك
اريد آنه اسألك جاوبني بلله ارجــــوك ... جارك ليش يمك نزل واختـــــــــارك
لان عنك سأل گالوله طيـــــــــــب ذات ... اشلون اطاك گلبك شيلت جـــــــارك
من حمل غراضه اعيونك انته اتشوف ... وتباوع ازغاره اتودع ازغـــــــارك
دمع مرته وبناته الغرّگ الوجنــــــــات ... يظل طول الحياة ايذكرك ابعـــــــارك
حسبالك تأمن من شعلت النــــــــــــــار ... هم ترجع عليك وتاكلك نـــــــــــارك
باچر تنكره والمنك يعاديـــــــــــــــــــك ... واول ما ايبيس بيك مگــــــــــوارك
..........................................


لا تنسون الردود
:bye1::bye1:

[لƒ¦ بَنّتْ بَلاِدْي لƒ¦]

لجل عين الوطن كلشي يهون .. صح لسان الشاعر
وتسلم يدكِ عزيزتي حبيبي يا عراق على القصيده الجميله جداً
التي تتحدث عن واقع الذي يمر به بلدنا .. قصيده تحاكي ضمائر الناس
ويزرع فيهم تذكرة بالعلاقات التي تربط البشر بعيداً عن الطائفية والمذهبية..
مشكورة غالتي على اختياركِ الموفق ونحن بنتظار جديدكِ القادم
تقبلي مني أرق التحايا وأعذبها
بنــت بـلادي

[7bebe ya iraq]

شكراحبيبتي بنت بلادي على الرد الرئع بارك الله بيج

[مهاجر]

باچر تنكره والمنك يعاديـــــــــــــــــــك ... واول ما ايبيس بيك مگــــــــــوارك


والله كلام عالجرح مكاوير بيست بالعراق مو بس مكوار
مشكوره عالمشاركه وعلى الكلمات الجميله
تقبلي تحياتي

[Swat Iraqi]

مشكور على القصيده
عونك يا وطن يا بو الحضارات احضنك لو صرت كلك سجاجسن

[برنسيسة البعثية]

الله الله مشكوره على القصيده

وان شاء الله يتحرر العراق وكل البلدان العربيه

تقبلي مروري ياورده

[ابو حيدر الشريفي]

اتمنى ان تذكروا اسم الشاعر ولاتبخسوه حقه
تحياتي للناقل وتحيات اكبر للشاعر

[عراقي راقي]

ابدعتي وابدع الكاتب

تحياتي الك وشكراا على الموضوع

[MaStErMaN]

شكرا اختي وباركك الله

[امير الليل]

قصيده رائعه وجميله
مشكوره اختي على هذه القصيده
تحياتي وتقبلي مروري