المساعد الشخصي الرقمي

مشاهدة النسخة كاملة : تتزوجيني؟ ...,,,

M!Ss IrAQ
11-15-2007, 03:39 AM
تتزوجيني؟
ـ نعم ؟
ـ اكلج تتزوجيني ؟
ـ ؟؟؟
ـ تتزوجيني ؟
ـ لأ
ـ ليش ؟
ـ بصراحة غير ؟ ........ شگولك ميعجبني
ـ شون يعني ؟
ـ يعني .. اني عندي مواصفات معينة لفارس أحلامي
ـ مواصفات معينة ؟ .. قابل حتتزوجين سيارة ؟
ـ لأ ! .. بصراحة بصراحة ؟ .. إنت مو فارس الاحلام اللي اب بالي

**

ـ تتزوجيني ؟
ـ هاي شنو؟ شكلك اتغير
ـ شنو رأيج ؟
ـ واو .. شعرك صار ناعم ! .. هاي باروكة ؟
ـ أي
ـ وهاي عدسات خضراء ؟
ـ أي
ـ واو ! .. بس جديات .. صرت وسيم .. واو ! عينا تشبه نيكولاس كيج
ـ هذا منو عباس كيج ؟
ـ عباس ؟!! ياي .. شنو هاي عباس ؟ اسمه نيكولاس
ـ اي اي فتهمنا .. منو هذا نيكولاس ؟
ـ يعني همين متعرف الممثلين ومتشوف تلفزبون وجاي تحاجيني؟؟ .. ياي

***

ـ تتزوجيني ؟
ـ هاي لي هسه الك عين وتحجي ويايه؟
ـ (فرحان) اي .. أني عرفت منو بنكرياس كيج هذا
ـ أولاً : اسمه نيكولاس كيج
ـ اي اي .. جنت راح اكول اسمه صح.. بس اختصرته .. ممثل هذا ممثل
ـ ممثل شنو ؟
ـ ممثل أمريكاوي
ـ أمريكاوي ؟! .. اووووووووي ! .. اسمه أمريكي يا بابا .. لتصير دونكي
ـ دونكي هاي شتيمة؟
ـ أوف كورس

***

ـ تتزوجيني ؟
ـ سيارتك ياموديل؟
ـ موديل هاي شتيمة ؟

****

ـ تتزوجيني ؟
ـ بس كلي اول .. يا نغمة خال بالموبايل مالتك
ـ نغمة هاي شتيمة ؟

***

ـ تتزوجيني؟
ـ ما گلتلي .. شتشتغل ؟
ـ أنا -بلا فخر- عاطل
ـ عاطل ؟ .. ياي
ـ مو أحسن من اللي ميشتغل ؟
ـ لا
ـ يعني مراح تتزوجيني ؟
ـ لا
ـ مو راح ازعل
ـ لاتزعل بابه.. صير فريش
ـ ماشي .. ماشي .. بس اگول رحمة الابوج
ـ شكو ؟
ـ فريش هاي شتيمة ؟

***

ـ تتزوجيني ؟
ـ لكيت شغل ؟
ـ ( بفخر ) طبعًا .. سنتين دادور.. أخيرًا لگيت شغلة توب .
ـ شنو ... گول ... گول .. شنو ؟
ـ سايق تكسي
ـ ياي ! .. ومتدتستحي لمن دتگولها؟
ـ شكو بيها ؟ العمل شرف .. وگلها جم سنة واجمع مبلغ زين ونتزوووووج
ـ شرف ؟ على گولة المصريين ( جتك القرف )

***

ـ تتزوجيني ؟
ـ جمعت مبلغ زين ؟
ـ طبعًا .. مبلغ محترم
ـ شگد يعني ؟
ـ ميت ألف دينار
ـ نعم ؟!!! .. ميت الف دينار خليهم يفيدوك ... بيع لبلبي بيهم
ـ يعني موافقة ؟
ـ روح طير احسنلك

***

ـ تتزوجيني ؟
ـ عندك بيت ؟
ـ طبعًا .. غرفة فوگ السطح
ـ نعم ؟
ـ وين المشكلة؟! .. مو احسن منام بالشارع ؟
ـ بالشارع ؟! .. شنو هل الفاظ التعبانة ؟ ياي ! .. يابه لازم تجيب بيت
ـ ميخالف .. كلها كم سنة واجيبلج احسن بيت
ـ وحتجيبه في المنصور لو بالمسبح ؟
ـ لا .. بحي التنك .. هيهع هيهع هيهع

***

( بعد سنوات)

ـ تتزوجيني ؟
ـ جبت البيت ؟
ـ أيه .. الحكومة دتبني بيوت للشباب وأني اخذت واحد..
يعني صح هو تأخر سبع سنين ... بس المهم اجا
ـ فانتاستيك
ـ بس الببيت ناقص شي
ـ شنو ؟
ـ مابيها حمام
ـ امشي من گدامي گبل لا اسويك تشريب ! .. مداگدر اشوفك

****

ـ تتزوجيني ؟
ـ همين انتا ؟
ـ جبتلج شون حمّام ... ملوكي
ـ خليه يفيدك
ـ اي ليش ؟ .. غير جبتا النا ؟؟
- ماريده
ـ مو مشكلة .. أكتبه باسمج

****

(بعد سنين)
ـ راح تتزوجيني لو احرگج بالنار ؟
ـ وشبيك هيجي محروگ ؟
ـ يعني تره شغلتنا كللللش طولت
ـ أوكي .. بس ميختالف تجاوبني على سؤال؟
- شنو ؟
ـ إنت ليش متمسك بيه هشكل ؟
ـ لان ..........لان
ـ لان شنو ؟
ـ لان اني احبج (بضم الحاء)
ـ احبج ؟ ؟!! .. شنو هل تخلف اللغوي ؟! .. إسمها احبج (بفتح الحاء) بعدين
صير مودرن وگول I love you
ـ ماشي .. بس اگول بس سؤال رحمة لهذاك الجد
ـ نعم ؟
ـ مودرن هاي شتيمة ؟

ويستمر الطلب
وتستمر المناقشات

و الله يعلم اذا ازوجوا او لا لوووووول
أرض الرافدين
11-24-2007, 02:09 AM
جميل اختي زهوري بارك الله بيج مواضيعك روعة ياروعة
http://www2.0zz0.com/2007/11/24/00/14005580.gif
شذى الورد
11-24-2007, 02:33 AM
هههههههههه
تحفة
هاي شنو شدعوة عاد ما يتزوجون و يفضوها

كل الصوج على المودرن لايف :D

مشكورة اختي
غيرتيلنا الجوي رحم الله والديج
:smailes60:

تقبلي تحياتي
عبير الليل
11-24-2007, 04:03 AM
بالناقص من هالجيزة
هههههههههههههههههه
مشكورة حبيبتي عالموضوع الحلو
تحياتي لكِ
M!Ss IrAQ
11-26-2007, 10:47 AM
جميل اختي زهوري بارك الله بيج مواضيعك روعة ياروعة

رياض،،،الف شكر الك عالمرورك الاروع




هههههههههه
تحفة
هاي شنو شدعوة عاد ما يتزوجون و يفضوها

كل الصوج على المودرن لايف :D

مشكورة اختي
غيرتيلنا الجوي رحم الله والديج
:smailes60:

تقبلي تحياتي


ههههههه هوا شلون معيدي،،

و والديج حبيبتي..تشكرات عالمرورج الحلو



بالناقص من هالجيزة


هههههههههههههههههه
مشكورة حبيبتي عالموضوع الحلو
تحياتي لكِ




اي والله بالناقص،،بس هاي كله ع مود الحُب ههههههه

العفو و مشكوره على مرورج الاحلى عبوره
اميرة الليل
12-04-2007, 12:34 AM
هههههههه خطية الولد ضاع نص عمره هههههه
ماطلع زواج طلعت بلوة هههه
مشكورة على الموضوع الروعة
بنت العراق
12-04-2007, 02:12 AM
يبوووووو دخت واني اقره الموضوع شكد
طلبات هههههههههههه
تسلمين ع الموضوع زوزو
تحياتي لكِ
:)
بنت البصرة
12-04-2007, 02:40 AM
ههههههههههههههههههههههههههههههه

شكرا وردة .. صدك نهفة

عاشت الايادي
M!Ss IrAQ
12-04-2007, 07:55 PM
هههههههه خطية الولد ضاع نص عمره هههههه
ماطلع زواج طلعت بلوة هههه
مشكورة على الموضوع الروعة

ههههههه غير هوا غبي لزگ بيها..العفو و تشكرات لمرورج الحلو اميرة



يبوووووو دخت واني اقره الموضوع شكد
طلبات هههههههههههه
تسلمين ع الموضوع زوزو
تحياتي لكِ


بنوته قلبي على گولتج(بنات اخر زمن)خخخخخخخ

الله يسلمج و يسمنج لول


ههههههههههههههههههههههههههههههه

شكرا وردة .. صدك نهفة

عاشت الايادي


تعيشي عزيزتي بنت البصرة

ان شاء الله دووم هالضحكه
مـلاك الـرحمـه
12-04-2007, 08:04 PM
هههههههههههههههههههههههههه
حلوه المشاركه بس هي عنست لو ترضه بيه احسن الهه
وبعدين منين اله حلو نيكولاس كيج
ههههههههههههههههههه
مشكوره ورده :clap:
M!Ss IrAQ
12-04-2007, 08:14 PM
هههههههههههههههههههههههههه
حلوه المشاركه بس هي عنست لو ترضه بيه احسن الهه
وبعدين منين اله حلو نيكولاس كيج
ههههههههههههههههههه
مشكوره ورده :clap:


هههههههههه لاع هيج بنات عدهن يبقن عوانس و لا يزوجن واحد ما يلبي كل طلباتهن هع هع

شكراً لمرورج الاحلى عزيزتي كناري