(((اثوابك من ثلج ياطائفي اتموع)))

[مـلاك الـرحمـه]

(((اثوابك من ثلج ياطائفي اتموع)))

بجينه او نزلت اعله اوراقنه ادموع

او كتبت بالحزن هاي القصيده

مابين الالم والعوز والجوع

الف هنياله كلمن يحفظ ايده

ابوجه شارعنه شفنه الموت مطبوع

وانياب الرصاص احفرت جيده

او صاروخ ابمجان الورد مزروع

اشكثر يكتل بشر هاي التفيده

ابصوانينه بعد ما ضلت اشموع

ولا فرحة طفل مصباح عيده

عدنه امن القتل انواع مو نوع

وانت اختار يانوع التريده

قتل تفجير جثه أو راس مكطوع

مامش غيرهه ابحلك الجريده

اللبلبل عاف عشه ابين الفروع

يخاف القاذفه تخطه او تصيده

نسينه احنه الخميس او علم مرفوع

او نسينه اطفالنه الحفضت نشيده

(عش هكذا في علو)صفت ممنوع

او غدت جلماتهه كلش بعيده

شنو ذنب الطفل ولك مو بعده راضوع


http://www.yabdoo.com/users/476/gallery/670_p25748.jpg

بين احضان امه ايصب وريده

ابصدرنه المحترك ما ضلت اضلوع

حمت واثرت باطرافه الحديده

اثوابك من ثلج ياطائفي اتموع

او عدنه اثواب ما تعتك جديده

مالح بعده للخطار عشنه

ولو بين الالم والعوز عشنه

يظل بس للبلابل ملك عشنه

اوحرام البوم يكعد حدر فيه



طبعا ً منقوووولhttp://www.alforat.org/images/smilies/forat/66%20(46).gif
http://www.alforat.org/images/smilies/forat/66%20(46).gif تحياتي لكم

[مهاجر]

لاحوله ولاقوة الا بالله العلي العظيم
والله اكتب لك الرد ولااستطيع التوقف من البكاء
حقيقتا موقف مؤلم واتمنى من الذين يتسترون بالاسلام وماهم
بمسلمين ان يدخلو ويقرؤاالقصيده ويشاهدون صورة هذا الطفل
انا لله وانا اليه راجعون
مشكور كناري على المشاركه وتحياتي الك

[مـلاك الـرحمـه]

والله العظيم لم تكن الصوره موجوده بالقصيده لكني عندما وصلت الى هذا البيت تخيلت صوره لطفل عراقي ذبيح فبحثت ووجدت العجب وجدت الكثير الكثير من الرضعان مااكثرهم ياالله مذبوحين
فختاُرت هذه الصوره لتعبر عن هذين البيتين
اشكرا مروركم ويصير خير الا مايصير خير يااخي

[عازف اوتار الحب]

الف شكر ام ملاك قصيدة رائعه

سلمت يمناك اختي الغاليه

تحياتي الج

[مـلاك الـرحمـه]

الف شكر للمرور