سل سيفك ياوطن وانفض ترابك

[أمير الرافدين]

( سل سيفك ياوطن وانفض ترابك )
كبل شفت النوايب اشكال والوان ...... وكبل عشت المحن وحده وحده
شفت اهوال مامرت على انسان ...... وشلت اهموم حتى من المخده
وشكد شفت التعب وشكد شفت ضيم ...... بس مثل ضيمك ماينوصف حده
جارت عليك ايام يابو ايام ....... وشفت انواع المحن وشكد شفت شده
قتل وذبح صارت وانواع انفجارات ....... وتهجير ودمع ودموم وشال لو بعده
وبلا عقل لاشرف لاغيره لادين ....... يفجر العراقي البطران يريد يتغده
وعندك حتى الحزن صار موال ...... يفتر على البيبان وياهو الي يرده
وانته صابر ياوطن ماهمك الصار ...... وانته تدري بالظلم والظالم اتعده
بس لشوكت ياوطن ننزف دموم ....... من يوم الحسين ووالده وجده
صابر ياوطن وشامخ ومهيوب ....... وبصبرك ياوطن كل حاقد اترده
ونشوفك ياوطن مأمن ومستور ....... ويرجعلك شبابك ياوطن والظلم طرده
سل سيفك ياوطن وانفض ترابك ...... واصرخ ياعلي يالتحضر الشده
صدك يرجعلك شبابك ياعراق ....... وتعيش انته بسلام وربك تحمده
حارب ياوطن واذكر العباس ....... طاحن جفوفه وابد ناره ماتهده
انته البطل وبالموزمه ومعروف ....... ماينغمد سيفك و بركابهم حده
صحيح انته وطن و ماتشبه الاوطان ....... تبقة الاصل والشرف وتبقة الموده


تحيااااااتي
مملكة الأحزان

[مهاجر]

الله يكون بالعون ويرجع العراق مثل قبل
مشكور على هذه القصيده الرائعه بحق
العراق الجريح

[لƒ¦ بَنّتْ بَلاِدْي لƒ¦]

قصيده كلمات جميله تشجي الروح والفؤاد
احسنت واجدت بما خطه قلمك اخوي مملكة الأحزان من كلمات للوطن
//
فيعجز القلم برسم الحرف وكلمات جرح وألم عراقنا الحبيب
هل لي اراك بعد البعد يا بلدي .. ام قبل رؤياك يأخذ بنا الاجل
نسئل الله ان يزيح هذه الغمه عن العراق وشعبه بحق محمد وآل محمد
//
تسلم اخوي مملكة الأحزان على هذه المشاركه الجميله
ونحن بنتظار ما سيجود به قلمك
تقبل مروري مع فائق التحيه والتقدير
بنــت بـلادي

[عبير الليل]

سلمت الايادي اخي لهذه القصيدة الجميلة
وبانتظار جديدك القادم
لك مني
كل الاحترام والتقدير

[بصراوي مشاغب]

تشكر ياوردة على القصيدة الرائعة

بس ياريت اخوي تذكر كاتب القصيدة

لك خالص تقديري