اشتاكَينا لترابج يـ الغالية بغداد

[رؤيا الحب]

أشتاكَينـا لترابـج يـ الغاليـة بغـــداد
والبُعـد عنج هدنا و ذبحنــاا
بفركـَاج لبسنا السـواد لآن بداخلنا متنا
أنذلينه بلياج و تمرمرنا و تعبنــاا
خاوانا الدمـــع من يــوم اللي عفنــاج
وليل الغـُرب بحسراته خنكـَـنــاا
يمته تطيب جروحــج يـ الحبيبــة
يمته حضنج من جديد يلمنــاا
نسينا النوم وكَلبنا أنترس هموم وهمـوم
أتبهذلنه بـ الغربة وضاع عمرنــاا
دموعنا مواويل وكل ثانية تزيد بينا حسره
ما ردنا البعد عنج بس أنجبرنــاا
طغى علينــا الحـــزن والعــذاب هم مثلـه
صاروا يعرفونا عراقيين من ملامحنـاا
ألف وسفه وسفه عليج يا بغداد الحلوه
وألف آه و آه على بيوتنا ومحلتنــاا
ياحبيبتي وذكرياتي يا عمري وحياتي
تمنيتج بالحلم اليوم تباتين عدنــاا
من وبعدج يحس بينا منو اللي يداوينــا
منو على ترابج يـ الغالية يردنــاا
رغم كل المصايــب مشتاكَـيــن ألــج أحنــا
مشتاكَين للماي والهوى وشمة وردناا
كل أنسان بالعالم عنده أمنية يزور بلد
وأحنا أمنيتنا نرجع نزور بلدنا

بقلم مغتربة

[ابوهاشم]

ستبقى بغداد العروس عاصمة وطن عزيز اسمه العراق
ويبقى كل شبر من العراق يحمل عزة لا يحملها غيره من بقاع الدنيا
شكرا لك اختي رؤيا الحب

[مـلاك الـرحمـه]

مشكوره ياعمري كلماتج غاية في الروعه تسلمينه على النقل الرائع

[رؤيا الحب]

شكرا على تواجدكم الغالي
ويبقى العراق دومة عالي ان شاء الله

[ام فاطمة العراقية]

السلام عليكم.....تسلم الأيادي اللي خطت هذا الكلام أختنة رؤيا الحب
والله تدمع قلوبنة مو بس العيون من تنذكر بغداد وأحنة بيهة فكيف من صرنة بعاد عنهة
الله يحمي عراقنة وعروستة بغداد ويرجع الأمان وينلم شملنة إن شاء الله :1397_2006-02-25_Unt

[رؤيا الحب]

ان شاء الله ياربي
ويرجع كل مغترب لاهلة ولبلدة بحق محمد وال محمد
شكرا على وجودك العطر
ارق تحياتي

[دمعه كربلائيه]

مشكوره رؤيا تسلم هالأيد اللي كتبت اروع الكلام عن العزيزه بغداد

[رؤيا الحب]

شكرا عاشقة على مرورك
منورة الصفحة
لكي مني كل التحايا والاحترام