اول مشاركه لي وقصيدة سامحيني

[مهموم النجف]

ســـــــــــــــــــــــــامحيني
روحي من تسمع ضحكتج
تنكسروتفيض عيني
سامحيني
ومن احط راسي اعلا متنج
يسمع الميت ونيني
سامحيني
ومن يثور الهوى بروحي
وينتفض يصرخ حنيني
اني كل ايامي صعبه
انا دمعه انا لوعه انا غربه
اني ياسمره عراقي
وحزني مكتوب بجبيني
سامحيني
سامحيني
الدنيا من غيركضياع وماكو ملفه
والثلج لو حصر عمري
من اشوفج اني ادفه
والله ادفه
سامحيني
جروح قلبي جروح كلفه
شما تلولين عله روحي
يبقى عيني بعينج وماترضى تغفه
وشلون اغفه وانا ذاك انا الغريب الماكعد وياه حظه
ولا ضحك وياه صدفه
لاقطار يواسي صبره
ولامحطات التعرفه
سامحيني
من اذوب ابسمتج لن روحي ترفه
سامحيني
الشوك خلاني لخيالجصاحب وظل وجدم
ومن يلف الليل رمشجامشي ازورج بالحلم
سامحيني
ومناشوف اطفال شعبي الجوع ذابحها انهظم
دموعهم تكتل ضحكتي شلون ترديني ابتسم
سامحيني من تروح الروح يمهم
وبقه يمج بس جسم
ولااكلج شنهي دمي
بس اكللج (عراقي) وانتي
فسريلي الاسم
سامحيني سامحيني
بيج اشمن ريحة اهلي وتنزل دموعي مزن
ونكسر جن عود يابس
مارحم بيه الزمن
سامحيني من اغنيلج قصيده بقلبي خنكتها المحن
سامحيني
ومن اسولفلج سوالف
كاها الام وشجن
سامحيني
من اشوف الناس كل الناس غربه
وانتي اشوفنج وطن

[مـلاك الـرحمـه]

شكرا لكم على هذه القصيده الرائعه واحسنتم
لكن مجرد سؤال هل هذه القصيده لكم شخصيا ؟؟

[مهموم النجف]

شكرا على مرورك والقصيده وجدتها في كتاب ولااعرف من صاحب القصيده ولاكن اعجبتني ولو كنت اعرف من كتبها لوضعت اسمه في بداية الموضع

[بصراوي مشاغب]

كلمات رائعة حقا وحياك الله اخوي على اجمل مشاركة

وننتظر جديدك ياوردة

[مهموم النجف]

تسلم يااصيل وتحياتي الك يابصرواي مشاغب

[لƒ¦ بَنّتْ بَلاِدْي لƒ¦]

كلمات رائعه ومعبرة ..
تسلم اخوي الطائر المهاجر على هذه المشاركه الجميله
ننتظر منك المزيد .. وكل جديد
تقبل مروري مع فائق التحيه والتقدير
بنــت بـلادي

[مـلاك الـرحمـه]

اسم الشاعر عمار الوائلي والف تحيه لكم وله

[مهموم النجف]

مشكور ورده كناري الحب على ذكر اسم الشاعر المبدع عمار الوائلي واني اسف وضعت القصيده ولم اضع اسم الشاعر لاني لاااعرفه وغير مذكور على القصيده فشكرا على التوضيح

[مهموم النجف]

حياج الله اختي بنت بلادي وشكرا على مرورج

[مهاجر]

حياك الله مهموم النجف كلمات جميله جدا
تحياتي الك