تسجيل الدخول

مشاهدة النسخة كاملة : ((علي الاية وعلي القرأن))


مـلاك الـرحمـه
10-15-2007, 09:34 PM
((علي الاية وعلي القرأن))

علي الايه وعلي القران ...علي التكبير لو كبر
علي صاحب صراط الحق ..علي الجنه وعلي الكوثر
علي باني اصول الدين ....واصل الدين بيه يفخر
علي كلمه صدق ينطق ....بيه المؤمن ويكبر
علي الوالي وعلي الفاروق .. وعلي صديقه الاكبر
علي نور الحقيقه البيه ...مو نورين بل اكثر
علي المنجي وعلي التخليص ... كلمه ادم المنظر
علي شراع لسفينه نوح .... وعلي سفانها الي يبحر

علي برد وسلام ونار ...لبراهيم ومطفي الحر
علي جان بغياب الجب ...يصاحب يوسف وبنضر
علي ليونس ابطن الحوت ...تسبيحه البيه يذكر
علي كلمه نبي سليمان ... وعلي تسخيره الي يسخر
علي جان بمرض ايوب ... يعلمه على الشدد يصبر
علي لمريم روقه بالمحراب ... وبولاده عيسى هم يحضر
علي الى موسى لسان الحق ...عند فرعون ما انكر
علي دمر ثمود وعاد ....وكل طاغي الي استكبر
علي ما حملته الدنيا ... بكبره وما اضن تكدر
علي سر الاله الراد ... ابيته ينولد حيدر
لو جان الحجر ينطق .....لجن لليوم بعد بيصيح
الله احد الله واكبر

منقول من خادم اهل البيت ((اياد))
الف شكر له:002:
مهاجر
10-15-2007, 10:22 PM
ابداع جهنمي وجعلك وايانا من موالين الامام علي(ع)
مشكوره ياملاك على هذه القصيده الرنانه
عازف اوتار الحب
10-16-2007, 07:43 AM
بارك الله بيج ام ملاك على النقل الموفق

وجزاك الله كل خير اخ اياد :002:
مـلاك الـرحمـه
10-16-2007, 08:04 AM
الف شكر على المرور
مفصولة(باامر الادارة)
10-16-2007, 01:18 PM
يا ابو الحسنين اجيتك والكلب مهضوم
واريد انخاك نخوة عرب يالبلكرم ماثور
وحاشاك و تردلك سايل ومحتاج
وماخاب اليطب الحضرتك ويزور
اجيتك سيدي واحضنته للشباج
واحس روحي بعجابة وبالضريح اتدور
شف دمعات حزنانة وتريد مراد
وشفت ناس التهلهل وناس توفي انذور
وجن صوت الضمير بحضرتك مغتاظ
يصيح بعالي صوته يريد جن يثور
علي باب الحوايج قاضي الحاجات
علي منهل عذب منة تفيض بحور
علي صوت الرسالة ومنبر الاسلام
علي تاريخ والتاريخ بيه مشهور
علي سيف الفقار ورافع الرايات
علي بكل المعارك اخذ اعظم دور
علي نهج البلاغة وعلم للاعلام
علي بحر العلوم الماتلمة اسطور
طلعت من الصحن واهتف بعالي الصوت
تظل دومك مجد وللشيعة اعظم سور
استحة بيت الشعر منك يا ابو الحسنين
وسجد حتى القلم ظل حاير ومبهور
وسجد حتى القلم ظل حاير ومبهور
----------------------------

عزيزتي الملاك باركالله بيج على القصيده الرائعة

وتقبلي مني هذه الكلامات بحق الامام علي

تقبلي مروري وتحياتي الج ياغالية
أمير العراق
10-16-2007, 03:00 PM
السلام عليك ياسيدي ومولاي ياأمير المؤمنين
سلمت الايادي خيتي ملاك على النقل الرائع
جعلها الله في ميزان اعمالك
ورزقك شفاعة محمد وال محمد
مـلاك الـرحمـه
10-18-2007, 12:04 AM
الف شكر خيتي ام زينب الورده تسلمين
اخي امير الله يجعلك من الموالين المحبين
أم السادة
12-15-2007, 05:14 PM
الله الله


روووووووووووعه
الف شكر