مهاجر
10-14-2007, 10:27 PM
السلام عليكم
بعد مرو 16 عام من الغربه ومن فراق الاحبه
وبعد سقوط الطاغيه المجرم
فقررت ان اروح زياره الى العراق
حتى اشوف والدتي واخواني
فحجزت تكت الى العراق
عن طريق سوريه ولمن
وصلت سوريه اجرة سياره
الى العراق وبالحدود شفت
المعاناة الحقيقيه والتاخير
المهم مااريد اطول عليكم
خلصنا من الحدود وطبينه
للعراق الحبيب المغرب
فالسايق كال مانكدر نبقه
لازم انحرك فكتله اتوكل
على الله فحرك السايق
مشينه حوالي 80 كيلو
موهواي واذا بسيطره
لابسين ملابس شرطه
وسياراتهم سيارات شرطه
المهم طلبو هويتي واني ماجان
عندي غير الجواز العراقي فااخذ الجواز مني
وكلي انزل ونزل الجنطه مالتك والسايق كلوله
انته روح فالسايق كللهم اني ماكدر اعيفه واروح
فكلوله روح لاتنكتل فكلهم السايق اني اريد اعرف
انتو شنو كالوله احنه شرطة دولة العراق الاسلاميه
السايق من سمع دولة العراق الاسلاميه عافني وشلع
فااخذوني لمكان بعيد كلش حوالي 30 كيلو ودخلوني
بغرفه زغيره وكلولي انته ابقه بالغرفه واحنه شويه
ونجي من راحو من يمي حقيقتا حسيت بالخوف واني
مااعرف شنو دوله اسلاميه فبجيت بصوت عالي ودعيت
الله ان يخلصني من هاي المحنه مااطول عليكم بعد ساعه
اجوني ثنين شباب يمكن يلعبون كمال اجسام طلعوني من الغرفه
فواحد من عدهم كام يحقق وياي من ضمن الاسئله انته منين جاي كتله
من امريكه كلي وين رايح كتله للنجف كال حلو من امريكه ورايح للنجف
المهم شبعوني دك وشنو من دك كمت انزف دم من خشمي ومن حلكي ومن
كل جسمي الى ان وكعت بالكاع رجعوني للغرفه وكلولي بعد يومين عندك محكمه
فكلتلهم خوش يومين لااكل ولاشرب بعد اليومين جابولي اكل وماي واخذوني للمحكمه
قدموني للقاضي وكان القاضي سعودي الجنسيه لانه ماعدنه قضات بالعراق صدر
حكم القاضي بحقي بالتهم الموجهه بحقي حسب الماده المرقمه 555 بالخيانه العظمى
وعائد من دولة الاحتلال وهو من مواليد النجف بالاعدام شنقا حتى الموت فرجعوني
للغرفه فشفت اربع اشخاص بنفس الغرفه واحد كوردي ومسيحي وزوجته وواحد سني
فسالتهم انتو شعدكم هنا كالو احنه نزلونه بالسيطره وجابونه اهنا ومنعرف شنو السالفه
سالوني انته شسوي اهنا كلتلهم انه هم مثلكم ماحبيت اسولفلهم التفاصيل لانه خطيه
فكعدنه انسولف واحد يسال الثاني شسمك انته منين الى ان صار الفجر صليت صلات
الفجر اجوني اثنين اخذوني بسياره BMW بيضه كلتلهم وين ماخذيني كالولي انريد
انفذ حكم الاعدام بيك سالوني شتطلب قبل الاعدام كلتلهم اريد اشوف امي صارلي 16 سنه ماشايف امي جوابهم كان هذا مستحيل سالوني عندك طلب ثاني كلتهم لا ماعندي
وصلت الى منصة الاعدام وكان يرتعش خوفا بدني
صعدوني عالمنصه والله لايراويهه لعبد مسلم حاله ماتوصف
اجه واحد ملثم وحط الحبل بركبتي فقدت شعوري في هذه اللحظات المؤلمه
وكمت اصرخ بصوت عالي يايمه لحكيلي راح اموت ومااشوفج
وكان صوتي كلش عالي لانه امي جانت نايمه بنفس الغرفه الي اني نايم بيهه
خطيه فزت مرعوبه من صوتي العالي وعتني وكلتلي يمه صمله شبيك
كلتله يمه شفت حلم موزين خطيه كامت جابتلي ماي وملح وكلتلي ارجع كمل نومتك يمه
ارجوكم تعليق بدون شتايم
بعد مرو 16 عام من الغربه ومن فراق الاحبه
وبعد سقوط الطاغيه المجرم
فقررت ان اروح زياره الى العراق
حتى اشوف والدتي واخواني
فحجزت تكت الى العراق
عن طريق سوريه ولمن
وصلت سوريه اجرة سياره
الى العراق وبالحدود شفت
المعاناة الحقيقيه والتاخير
المهم مااريد اطول عليكم
خلصنا من الحدود وطبينه
للعراق الحبيب المغرب
فالسايق كال مانكدر نبقه
لازم انحرك فكتله اتوكل
على الله فحرك السايق
مشينه حوالي 80 كيلو
موهواي واذا بسيطره
لابسين ملابس شرطه
وسياراتهم سيارات شرطه
المهم طلبو هويتي واني ماجان
عندي غير الجواز العراقي فااخذ الجواز مني
وكلي انزل ونزل الجنطه مالتك والسايق كلوله
انته روح فالسايق كللهم اني ماكدر اعيفه واروح
فكلوله روح لاتنكتل فكلهم السايق اني اريد اعرف
انتو شنو كالوله احنه شرطة دولة العراق الاسلاميه
السايق من سمع دولة العراق الاسلاميه عافني وشلع
فااخذوني لمكان بعيد كلش حوالي 30 كيلو ودخلوني
بغرفه زغيره وكلولي انته ابقه بالغرفه واحنه شويه
ونجي من راحو من يمي حقيقتا حسيت بالخوف واني
مااعرف شنو دوله اسلاميه فبجيت بصوت عالي ودعيت
الله ان يخلصني من هاي المحنه مااطول عليكم بعد ساعه
اجوني ثنين شباب يمكن يلعبون كمال اجسام طلعوني من الغرفه
فواحد من عدهم كام يحقق وياي من ضمن الاسئله انته منين جاي كتله
من امريكه كلي وين رايح كتله للنجف كال حلو من امريكه ورايح للنجف
المهم شبعوني دك وشنو من دك كمت انزف دم من خشمي ومن حلكي ومن
كل جسمي الى ان وكعت بالكاع رجعوني للغرفه وكلولي بعد يومين عندك محكمه
فكلتلهم خوش يومين لااكل ولاشرب بعد اليومين جابولي اكل وماي واخذوني للمحكمه
قدموني للقاضي وكان القاضي سعودي الجنسيه لانه ماعدنه قضات بالعراق صدر
حكم القاضي بحقي بالتهم الموجهه بحقي حسب الماده المرقمه 555 بالخيانه العظمى
وعائد من دولة الاحتلال وهو من مواليد النجف بالاعدام شنقا حتى الموت فرجعوني
للغرفه فشفت اربع اشخاص بنفس الغرفه واحد كوردي ومسيحي وزوجته وواحد سني
فسالتهم انتو شعدكم هنا كالو احنه نزلونه بالسيطره وجابونه اهنا ومنعرف شنو السالفه
سالوني انته شسوي اهنا كلتلهم انه هم مثلكم ماحبيت اسولفلهم التفاصيل لانه خطيه
فكعدنه انسولف واحد يسال الثاني شسمك انته منين الى ان صار الفجر صليت صلات
الفجر اجوني اثنين اخذوني بسياره BMW بيضه كلتلهم وين ماخذيني كالولي انريد
انفذ حكم الاعدام بيك سالوني شتطلب قبل الاعدام كلتلهم اريد اشوف امي صارلي 16 سنه ماشايف امي جوابهم كان هذا مستحيل سالوني عندك طلب ثاني كلتهم لا ماعندي
وصلت الى منصة الاعدام وكان يرتعش خوفا بدني
صعدوني عالمنصه والله لايراويهه لعبد مسلم حاله ماتوصف
اجه واحد ملثم وحط الحبل بركبتي فقدت شعوري في هذه اللحظات المؤلمه
وكمت اصرخ بصوت عالي يايمه لحكيلي راح اموت ومااشوفج
وكان صوتي كلش عالي لانه امي جانت نايمه بنفس الغرفه الي اني نايم بيهه
خطيه فزت مرعوبه من صوتي العالي وعتني وكلتلي يمه صمله شبيك
كلتله يمه شفت حلم موزين خطيه كامت جابتلي ماي وملح وكلتلي ارجع كمل نومتك يمه
ارجوكم تعليق بدون شتايم