عفتني المن؟

[عازف اوتار الحب]

عفتني المن؟ اداوي جروح ما يبرن
عفتني المن وانه ادري هموم العلي كثرن
وانته وبالعمر غيرك بعد ما ريد
جا عايش السنين خلافك شيسون
وما اريد العمر من كونك انته بعيد
وعيون الما تشوفك كونهن يعمن
يلجفك فراشه وخدك القداح
وشفافك عسل وانغام من يحجن
يا رمان راوي ويا حلاة البيك لاتبخل عليه وبيه تتمنن
يلصدرك دفو ونسمه برد بالكيض
ويلكربك ملاذ الخايف وامن
مغرور بجمالك عمي هم معذور
حرت وياك مدري اليا طريق تريد
اشو كل الدروب بوجهي انسدن
عسى اليوم العرفتك لا جرى ولاصار
لا عين التشوف ولا كلب يحزن

[مهاجر]

http://www.ladyafra.com/floaties/L23_266_B5B15D-vi.gif (http://www.ladyafra.com/floaties/L23_266_B5B15D-vi.gif)عسى اليوم العرفتك لا جرى ولاصار
الله ياعازف على ماخطه قلمك من كلمات معبره وجميله
اتمنى لك الموفقيه والرقي والانجاز الاكبر انشاء الله
وكل عام وانته بخير

[عازف اوتار الحب]

المهاجر...

اسعدني توجدك الراقي وقلمك العذب
الف شكر الى قدومك الرائع
لك مني ارق التحايا اخوي...

[شقراء الرمادي]

وانته وبالعمر غيرك بعد ما ريد

الله يا عازف يسلمووووو و عاشت ايدك على الشعر الحلووووو

[عازف اوتار الحب]

هلا ولله شقوره منوره عيوني انتي الاحلى

تحياتي لك

[مفصولة(باامر الادارة)]

كتلك ما اعوفك انه كلي وياك

لو للموت رايح انه وي كلك


واذا طبع الشمس يدفه بيها الكون

انه الك شمسك وامشي وي ضلك


كلهه الناس كلهه عافتك وبساع

بس انه الوحيد اللي صرت خللك

من الغيم جاني الشمس غيري تروح

كل ضنك دفوها هيه تكفلك

واذا مرك عطش بدموعي انه ارويك

اصيرن غيم فوكك وانه المطرلك


واذا ذبك تعب هاك اخذ مني الحيل

واخذ ارموش عيني صوغهن كحلك


وروح بدنيتك سوي انته مهمه تريد

واسكن بالغرب خليني مندلك


بس انه ارد اكلك اخذ روحي وياك

ورغم الجرى منك كلبي ما ملك

---------------

كلمات في غاية الروعه عزيزي عازف

وتقبل مني الرد البسيط

واجمل تحياتي

[عازف اوتار الحب]

زادني شرفا كبير في زيارتك صفحتي المتواضعه

غاليتي ام زينب تقبلي مني ارق التحايا واعذبها