**(هل تحب البلد اللي انت مغترب بيه ؟؟.)**

[طائر الاحلام]

السلام عليكم
شلونكم ان شاء الله بخير
هل تحب البلد اللي انت تارك العراق الحبيب وعايش بهذا البلد؟؟؟
وما البلد الذي تحبه بعد العراق الحبيب؟؟؟؟
وما البلد الذي تتمنى ان تزوره؟؟؟؟
اتمنى ان ارى تفاعل حلو منكم

[نجمة البصرة]

يسعدني ان اكون اول المشاركين

والله بصراحه لا ابد مااحب هل البلد الي هو الولايات المتحده
مااعرف ليش بس مااحبه
بعد العراق ماكو بلد يستاهل احبه
بس امنيتي اني ازور فرنسا وبريطانيا


وتسلم على الموضوع الحلو
تحياتي لحضرتك
نجمة البصرة

[ابوهاشم]

اخي العزيز طائر الاحلام
يبقى العراق قبلة العشق
وترابه احضان مودة
وغير العراق ليس العراق
واحب زيارة الكويت وتونس والمغرب وايران

[عبير الليل]

في البداية ما كنت احب البلد اللي انا فيها
ولكن بمرور الايام اعتدت عليها واصبحت لي وطن
ما يؤلمني في الغربة هو بعدي عن اهلي فقط..
اما الوطن فاني ازوره باستمرار

,

ومن الدول التي احب ان اسافر اليها هي
الامارات وقطر وتركيا

,

شكرا الك اخي طائر
تقبل مروري مع ارق تحية

[طائر الاحلام]

اكيد مااكو احلى
من العراق
وكل واحد يحب بلده لو وين مجان
يسلموو على المرور الرائع
جميعا
ونورتوا الصفحة بردودكم الغاليه

[مـلاك الـرحمـه]

كل ما يجي عاشوووووووووووووووور اااااه اكره كندا يوم عن يوم تجعل والله حسره بل لوعه بل ضيق مؤلم في صدري احن لك ياعرااااق ياعراق الحسين


اما البلد الذي احب ازوره بعد العراق .......................
كل بلد يظم في ضريح مقدس لزيارته والتبرك به والتقرب به الى الله
شكرا
ومأجورين ان شاء الله

[بصراوي مشاغب]

الصراحة والحق يقال نعم احب البلد العايش بيه رغم صعوبة الحياة والغربة انا مغترب باامريكا


واكيد هسة الكل يكول شنو هاي بصراوي يحب امريكا اي احب امريكا شعبا وبلدا مو حكومة


يعني مو كل اعمال الحكومة اايدها بس اتشكر من هذا البلد الذي أأواني بعد قمعي من نظام المقبور


ولو لا هذا البلد لقضيت حياتي بالصحراء الجرداء ويكفي خسرت من عمري خمس سنين


لاجىء عند دولة عربية وسط سلاح وحديد ولادولة عربية رحمتني لو رحمة الشايب او العجوز او الطفل


الذي معي نعم اكيد اتشكر من الولايات المتحدة الامريكية على فتحها الباب واعرف هسة البعض يقول ليس حبا


بكم نعم مومشكلة حتى لو مو حبا لنا يكفيهم هذا الموقف بدل تركنا في الصحراء وسط البلدان العربية التي


كانت تتفرج علينا ونحن نقتل ببطئ


ولم تحرك اي ساكن اشكر هذا البلد الذي اعاد الحياة الي والى اكثر من 15 الف عراقي
وهناك حديث قدسي حسب ظني يقول من
لم يشكر المخلوق لم يشكر الخالق


ابقى اتشكر من هذا البلد ولم انكر جميلهم علينا .


واتمنى ازور تركيا اكيد وفرنسا وان شاءالله نعود ويعود كل مغترب لوطنه


وماكو اعز من العراق الحبيب

وشكرا لكاتب الموضوع والله يوفقك اخي

[عبير الليل]

رد رائع منك بصراوي
وانا اؤيدك بكل حرف كتبته..

[sweet87]

عاشت ايدك عزيزي طائر الاحلام على الموضوع الحلووالقيم وماكواعزمن العراق هذاشي اكيد بدم كل عراقي موجودهذاالشي والله يوفق الجميع يارب واتمنى اروح لسورياوتحياتي الك وتقبل مروري

[طائر الاحلام]

عاشت ايامكم جميعا اخواني
على المرور
والرد الرائع
وصح لسانك اخويه بصراوي
وواني همين اويدك على كل حرف قلته
وان شاء الله كل مغترب يرجع الى بلده

تسلمون على المرور الرائع
ومنورين الصفحة

[amsaif]

بسم الله الرحمن الرحيم
العراق بلدنا بكل فخر واعتزاز ويبقى هو الاصل والله العالم مهما بعدنا ومهما تطول مدت البعاد ما راح ننسه لحظة من اللحظات اللي عشناهه مع اهلنه واقربائنا وجيرانه ووووووو وما ننسه الاماكن المقدسه الله يحرم كل من حرمنا
وبالنسبه الى الوطن اللي عايشه به نعم احبه لان فيه ما حسينه بالغربه بلد جميل وبسيط وشعبه بسيط وهادىْ ومتواضع وبلاضافه الى هذا هنا الكثير من العوائل العراقيه بحيث كل ما تمشي بمكان تجد اكثر من عائله ودائما نلتقي في الاماكن العامه وفي بيوتنا وحتى نحي كل المناسبات الدينيه من الافراح والاحزان وفي عاشوراء نقيم عزاء الحسين ع ونطبخ القيمه كما نحن في العراق واكثر

[لبوة الفرات]

مع اني مو عراقية لكن شفت كثير من العراقيين يفضلون الموت ببلادهم على انه يبقون مغتربين

موضوع جميل عاشت الايادي