انا اترجاج عوفيني

[مهاجر]

السلام عليكم جميعا ورحمة الله وبركاته
حبيت ان انقل لكم هذه القصيده اللطيفه من نضم الشاعر الكبير
محمد رحيمه الطائي
عوفيني انا اترجاج عوفيني
نار الكلب صاير والزمن حطاب
بالهم جبت عمري وناري ماتبرد
معارك انا ووكتي والوكت مغرور
على بيبان صبري بزوده يتهدد
كلت وياج بلكي الكي محطه تريحني وارتاح
بلكي العين تغفه ويمج اتمدد
لكيتج نار انتي واني اصلا نار
وانطبكن علي نارين يمته ابرد
شنو الي يغريج بيه وباقيه انتي وياي
حسبالج قبل من جنت انا محمد
لا كتلت قهر هسى وتمشي فوك الكاع
وكمت من روحي بعض احيان اتشرد
خلص دفتر حياتي وبي قصص اشكال
وايامي قهر وهموم بيها اشكد
عليج انا انقهر وهواي احسب بيج
لان دمعج وياي يزرف اكبر خد
اذا كتلج احبج انا موجذاب
احبج انتي مثل الروح لا ازود
بس المشكله من انا افكر بيج
ما الكه الحلول الاعتبرها حد
جنتي ام الفرح وعيونج ام النوم
ذبلتج على ايدي ووردج اتمرد
جنيت انا عليج واعترف بالصار
بس الزمن هوه وياي يتعمد
بعد عندج دمع بالعين لاتبجيه
وعندج حيل عالهم انا حيلي انهد
ترى وياي دمعج ينتهي وبعدين
تبجين العيون وكلهه بيج تلوم شوفي شفادج محمد
لخاطر الله اترجاج عوفيني
انشاء الله تنال اعجابكم والمتعجبه يكلي اخوكم مهاجر

[عبير الليل]

قصيدة رووووعة
أشكرك اخي مهاجر لروعة ما قدمت
وبانتظار كل ما هو جديد منك
تحياتي العطرة

[مهاجر]

السلام عليكم
تحياتي اختي عبير وشاكر لك هذا المرور العطر
وتقديرك لهذه القصيده

[بصراوي مشاغب]

ههههههههه انا ماتعجبني اخوي مهاجر لان ادري بيك ماعشق

بس بيني وبينك عاشت ايدك والله كلمات رائعة والى الامام اخوي العزيز

[مهاجر]

بصراوي شلونك اني ادري بيك انته ضايج مني
وهاي مال الى الامام مو من كل كلبك بس ميهم
مشكور على مرورك المعطر المعطر بالورد واليسمين
وجزاك الله الف خير