عازف اوتار الحب
10-09-2007, 01:36 AM
رغم عدم تجربتي لغربه الوطن
لكن جميل ان يسافر الانسان لبلاد اخرى
وجميل هو الترحال
والاجمل من هذا
هو ان يضل ذاك الحنين المتواصل لارضه الام
فليس هناك اجمل من عراقنا الحبيب لنعود دائما اليه مهما عصفت بنا رياح الغربه
ومهما اخذتنا متاهات السفر
فالى كل من عانى من تعب الغربة
هذه الكلمات التي تعيد الى اذهاننا ذاك الحنين
كاظم إسماعيل الكَاطع
بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!
بسوكَ الذهب يلكَــــــاه
وإللي مفاركَ محب ...
يمكن سنه وينســــــاه
.. والطاح منٌه الكَلب
قلب إصطناعي إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟
* * *
آه ياوطن يا خبز يالشارتك تكتل !!
آه يا وطن يا طفل .. هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إله إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
***
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراق
أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!
مانلكًه مثل إعراقنا إعراق
لكن جميل ان يسافر الانسان لبلاد اخرى
وجميل هو الترحال
والاجمل من هذا
هو ان يضل ذاك الحنين المتواصل لارضه الام
فليس هناك اجمل من عراقنا الحبيب لنعود دائما اليه مهما عصفت بنا رياح الغربه
ومهما اخذتنا متاهات السفر
فالى كل من عانى من تعب الغربة
هذه الكلمات التي تعيد الى اذهاننا ذاك الحنين
كاظم إسماعيل الكَاطع
بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!
بسوكَ الذهب يلكَــــــاه
وإللي مفاركَ محب ...
يمكن سنه وينســــــاه
.. والطاح منٌه الكَلب
قلب إصطناعي إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟
* * *
آه ياوطن يا خبز يالشارتك تكتل !!
آه يا وطن يا طفل .. هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إله إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
***
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراق
أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!
مانلكًه مثل إعراقنا إعراق