مشاهدة النسخة كاملة : الى جميع المغتربين // في اي البلاد انت مغترب ؟؟
صخـَـبُ أنـثــَى
10-02-2007, 12:38 PM
السلام عليكم ورحمة الله وبركاته
تحية الى جميع المغتربين العراقيين
في جميع انحاء العالم
المووضع باين من عنوانه...
كل مغترب يدخل ويگول ..
انت وين مغترب؟
وشگد صارلك مغترب ؟
شنو سبب أغترابك :sad_1:؟
مغترب مع اهلك لو لحالك؟
وشنو وصفك للغربة :tears: ؟
.
.
.
مع أرق التحيات لكم
وتمنياتي لكم بالعودة الميمونة للبلد العزيز
أختكم
صَخٌِـبٌ أنـثْى
بصراوي مشاغب
10-02-2007, 01:09 PM
حياج الله ومنورة المنتدى بااحلى مواضيع
ويزيدني فخرا ان اكون اول المغتربين بالجاوب على اسئلتك
نتوكل على الله
انت وين مغترب؟
الولايات المتحدة الامريكية
وشگد صارلك مغترب ؟
حوالي 16 سنة :tears:
شنو سبب أغترابك :sad_1:؟
بطش النظام المقبور
مغترب مع اهلك لو لحالك؟
للاسف لحالي
وشنو وصفك للغربة :tears: ؟
موت بطيء وعذاب
وشكرا لك مرة ثانية على موضوعك ونريد نعرف منك انتي ايضا
حلوة بغداد
10-05-2007, 02:46 AM
انت وين مغترب؟
بالاردن
وشگد صارلك مغترب ؟
صار سنتين
شنو سبب أغترابك :sad_1:؟
انخطفو اثنين من عائلتنة وراها هجينة
مغترب مع اهلك لو لحالك؟
اي اني وعائلتي
وشنو وصفك للغربة :tears: ؟
قهر وحزن وشوق للاحباء
يارب يرجع كلشي بمكانة بالقريب العاجل
مشكورة حبيبتي عالموضوع
.
صخـَـبُ أنـثــَى
10-05-2007, 11:22 AM
حياج الله ومنورة المنتدى بااحلى مواضيع
ويزيدني فخرا ان اكون اول المغتربين بالجاوب على اسئلتك
نتوكل على الله
انت وين مغترب؟
الولايات المتحدة الامريكية
وشگد صارلك مغترب ؟
حوالي 16 سنة :tears:
شنو سبب أغترابك :sad_1:؟
بطش النظام المقبور
مغترب مع اهلك لو لحالك؟
للاسف لحالي
وشنو وصفك للغربة :tears: ؟
موت بطيء وعذاب
وشكرا لك مرة ثانية على موضوعك ونريد نعرف منك انتي ايضا
نورت خيي علاء بتواجدك
وأجوبتك الشافية
نسأل الله ان يمن عليك بالصبر
ويرزقك العودة الميمونة التي تقر بها الاعين
وتشفي بها اللارواح المشتاقة
لك أرق التحيات
أختك
صَخٌِـبٌ أنـثْى
صخـَـبُ أنـثــَى
10-05-2007, 11:26 AM
انت وين مغترب؟
بالاردن
وشگد صارلك مغترب ؟
صار سنتين
شنو سبب أغترابك :sad_1:؟
انخطفو اثنين من عائلتنة وراها هجينة
مغترب مع اهلك لو لحالك؟
اي اني وعائلتي
وشنو وصفك للغربة :tears: ؟
قهر وحزن وشوق للاحباء
يارب يرجع كلشي بمكانة بالقريب العاجل
مشكورة حبيبتي عالموضوع
.
>> حلوة بغداد <<
غرببة حديثة العهد
لكن مليئة بالمرارة والظلم
آالمني ما اصاب عائلتكم الكريمة
أسال الله ان يرزقكم العودة الى البلاد الحبيبة
وتعيشون مع اقاربكم ومحبيكم بكل خير وهناء
شكري لكِ مع باقات وردي
أختكِ
صَخٌِـبٌ أنـثْى
علاوي دلوع العراق
10-06-2007, 05:21 AM
اشلونكم شباب اشلون الصحة كم واحد عانة بالغربة من جاره؟ وكم واحد لكة بالغربة اصدقاء اوفياء؟
حاملة الراية
10-09-2007, 06:56 AM
انت وين مغترب؟
بريطانية....لندن
وشگد صارلك مغترب ؟
18 سنة يعني 99% من عمري :'(
شنو سبب أغترابك :sad_1:؟
صدام الله يلعنه ويلعن حزب البعث طلع اهلي من العراق
وعدم البقية
الله يلعنه بجاه الحسين
مغترب مع اهلك لو لحالك؟
ويه اهلي
بس اصلن عمري ماشايفة العراق
ادري عندي بلد بس ماشايفته.....مو قهر الواحد عمره ماشايف وطنه
الله كريم
وشنو وصفك للغربة :tears: ؟
شقول يعني الغربة هيه هسة جزء مني
عايشة حياتي كلها اهنا يعني انجبرت اتقبل هل غربة
هيه الغربة صعبة اقول هل شي واني عمري ماسكنت ببلدي
بس صعبة لان حتى لو واحد عنده الجنسية البريطانية
وحتى لو عايش عمره كله بهل بلد مايحس انو هل مكان مكانه
جنسيتي تقول بريطانية
ودمي يقول عراقية!!!!!!!
اختي الفاضلة
صَخٌِـبٌ أنـثْى
مشكورة على الموضوع الجميل
الله يعطيج الف عافية
سلامي لج
حاملة الراية
صخـَـبُ أنـثــَى
10-10-2007, 03:13 PM
اشلونكم شباب اشلون الصحة كم واحد عانة بالغربة من جاره؟ وكم واحد لكة بالغربة اصدقاء اوفياء؟
حياك الله اخي الفاضل
ومشكور على مداخلتك
بس نتمنى انت تجاوبنا على هذه الاسئلة
ولك مني جزيل الشكر
صخـَـبُ أنـثــَى
10-10-2007, 03:18 PM
انت وين مغترب؟
بريطانية....لندن
وشگد صارلك مغترب ؟
18 سنة يعني 99% من عمري :'(
شنو سبب أغترابك :sad_1:؟
صدام الله يلعنه ويلعن حزب البعث طلع اهلي من العراق
وعدم البقية
الله يلعنه بجاه الحسين
مغترب مع اهلك لو لحالك؟
ويه اهلي
بس اصلن عمري ماشايفة العراق
ادري عندي بلد بس ماشايفته.....مو قهر الواحد عمره ماشايف وطنه
الله كريم
وشنو وصفك للغربة :tears: ؟
شقول يعني الغربة هيه هسة جزء مني
عايشة حياتي كلها اهنا يعني انجبرت اتقبل هل غربة
هيه الغربة صعبة اقول هل شي واني عمري ماسكنت ببلدي
بس صعبة لان حتى لو واحد عنده الجنسية البريطانية
وحتى لو عايش عمره كله بهل بلد مايحس انو هل مكان مكانه
جنسيتي تقول بريطانية
ودمي يقول عراقية!!!!!!!
اختي الفاضلة
صَخٌِـبٌ أنـثْى
مشكورة على الموضوع الجميل
الله يعطيج الف عافية
سلامي لج
حاملة الراية
اختي العزيزة حاملة الراية
آلمتني أجوبتك
18 سنة عمر ليس بالقليل
والمؤلم انكِ لاتعرفين بأي صورة هو بلدك
ولم تريه قط
هذا ما يؤلم الفؤاد بالفعل
أعانكِ الله على غربتكِ المريرة
وتمنياتي لكِ بزيارة بلدك الحبيب
وفي حينها سوف يكون لكِ نظرة اخرة تتحفينا بها
جنسيتي تقول بريطانية
ودمي يقول عراقية!!!!!!!
كم هي جميلة عبارتكِ هذه
تحياتي وشكري لكِ غاليتي على روعة ما سطرتيه هنا
لƒ¦ بَنّتْ بَلاِدْي لƒ¦
10-10-2007, 04:54 PM
[quote=صَخٌِـبٌ أنـثْى;21300]
السلام عليكم ورحمة الله وبركاته
وعليكم السلام ورحمة الله وبركاته
تحية الى جميع المغتربين العراقيين
في جميع انحاء العالم
أجمل تحيه معطرة بأريج الزهور ملؤها الموده لكِ غاليتي صخب أنثى
منورتنا بأجمل موضوع حبيبتي..
المووضع باين من عنوانه...
كل مغترب يدخل ويگول ..
انت وين مغترب؟
في الدنمارك
وشگد صارلك مغترب ؟
عمري كله (22 سنه) وحلمي وأملي اعود الى بلدي الذي لم اراه
ولاكن أرسم له بخيالي أجمل الصور رغم كل ما حل به..
وأحتظن في تفكيري الكثير من الأمنيات أعيشها لأنني أحبها
وأتمنى ان تحصل بين ليله وضحاها..
العوده الى الوطن الحبيب
مهما كتبت عن حبي وشوقي لرؤية بلدي العراق.., لا يكفني حبري واوراقي
وابحث في حوالي عمن يشابه حسنك يا عراق..
لاكني لم أجد بجمالك وععظمتك على الأطلاق
تبقى يا عراق قلعة الحضارات وباب العلم .. وتبقى دوماً عظيم الأعراق
شنو سبب أغترابك :sad_1:؟
لو سئلنه أغلب العراقين ما ذنبكم وسبب غربتكم.., يكون الجواب
صدام ونظامه الطاغي لعنة الله عليه هجر أهلنه......
مغترب مع اهلك لو لحالك؟
مع الأهل وذكرياتهم وحسراتهم على أيام زمان (العراق)
وشنو وصفك للغربة :tears: ؟
بالرغم من الم الغربه القاتله .. الى ان الغربه كان لها فوائد عديده
منها تعلمنى معنى الصبر ومعنى حب الوطن
تعلمنى انه لا يوجد اغلى واثمن من الوطن..
لا اخفي عليكم ان الغربه لها مراره وحسرات لا تحصى
فكم هوه صعب ان يتغرب المرء عن موطنه واهله وناسه
لاكن يجب علينا بالرغم من كل شي ان لا نيئس.., ونرسم أجمل صوره لبلدنا العظيم
بحفاضنا على ديننا وعاداتنا وتقاليدنا الجميله..
اسئل الله العلي القدير ان تزول هذه الغمه عن وطنه.. ويعم الامن والامان
ونرجع للوطن الحبيب
.
.
.
مشكوره حبيبتي مرة ثانيه على موضوعكِ الجميل
لكِ مني تحيه معطره بأريج من الزهور
بنت بلادي
البحار
10-11-2007, 11:41 AM
السلام عليكم اخوتي المغتربين
أود ان اوجه سؤال لكم مع فائق الاحترام
أنتم الان في بلدان لاتسمعون فيها أطلاقه رصاص والخدمات بأحسن مايكون على العكس
منا فنحن لانعرف متى تسقط قذائف الهاون علينا أو تنفجر عبوه او..............الخ
فأذا فتح باب العوده هل تعودون؟ مع حبي اللا محدود لكم
وان شاء الله تعودون لبناء بلدكم الغالي
والمكوث بين اهليكم
مهاجر
10-18-2007, 09:41 AM
وعليكم السلام وتحاتي الج
انت وين مغترب؟
عشر سنوات في السعوديه وسبع سنوات امريكا
وشگد صارلك مغترب ؟
17
شنو سبب أغترابك :sad_1:؟
مشاركتي بلانتفاضه الشعبانيه وضلم صدام لعنة الله عليه
مغترب مع اهلك لو لحالك؟
لاوالله لحالي
وشنو وصفك للغربة :tears: ؟
الغربه بكل اوصافه هيه بلاء وانتقام
مشكوره عزيزتي عالموضوع
عبير الليل
10-22-2007, 09:46 PM
انت وين مغترب؟
في الولايات المتحدة الامريكية
وشگد صارلك مغترب ؟
من ثلاث سنوات
شنو سبب أغترابك :sad_1:؟
ظروف الحياة اللي تمشينا بكفيها
وشنو وصفك للغربة :tears: ؟
الغربة صعبة ومرار ودموع وخاصة عندما نبعد عن اغلى الناس
أشكرك عزيزتي صخب انثى لهذا الموضوع
وبانتظار جديدك القادم
تحياتي العطرة
M!Ss IrAQ
11-13-2007, 02:47 PM
انت وين مغترب؟
بامريكا
وشگد صارلك مغترب ؟
من الـ 97
شنو سبب أغترابك ؟
طلعنا ورا الوالد..
مغترب مع اهلك لو لحالك؟
اي مع اهلي
وشنو وصفك للغربة ؟
قبر للاحياء
,,
عاشت ايدج عالموضوع
أرض الرافدين
11-13-2007, 04:30 PM
انت وين مغترب؟
السويد
وشگد صارلك مغترب ؟
من الـــــ1998ــــ
شنو سبب أغترابك ؟
من ورة هـــــــدام المقبور الله يلعنة الى يوم الدين
مغترب مع اهلك لو لحالك؟
وحيد
وشنو وصفك للغربة ؟
الغربة كمثل واحد يذبحك بالقطن
يعني موت بطيء
تحياتي الك اختي العزيزة وبارك الله فيكي
تمرة البصرة
11-14-2007, 06:14 AM
انت وين مغترب؟
هولندا
وشگد صارلك مغترب ؟
سبع سنوات
شنو سبب أغترابك :sad_1:؟
الزواج
مغترب مع اهلك لو لحالك؟
الحالي
وشنو وصفك للغربة :tears: ؟
والله انة مرتاحة والحمد لله اهم شي عندي بالحياة الامان وان اعيش بسلام في اي مكان بالعالم
ربما اكون واقعية وربما اتجنب التفكير بامور ما باستطاعتي تغييرهة...خليهة على الله
والكم خالص تحياتي
7bebe ya iraq
11-14-2007, 02:14 PM
انت وين مغترب؟
في الدنمارك
وشگد صارلك مغترب ؟
tgreban 7 snen
شنو سبب أغترابك :sad_1:؟
drof al7yat
مغترب مع اهلك لو لحالك؟
m3a alahal
وشنو وصفك للغربة :tears: ؟
algrba waeed s3baa bs mabedna shae bs alwa7ed yt3awad 3lla mror alwagt
shokraaaaan 7bebte 3lla almodo3 alraaae3 o allah ywafgej 7bebte
مـلاك الـرحمـه
11-20-2007, 08:28 AM
انت وين مغترب؟
في كندا مونتريال
وشگد صارلك مغترب ؟
سبع سنين ونصف تقريبا ً
شنو سبب أغترابك :sad_1:؟
الزواج
مغترب مع اهلك لو لحالك؟
لحالي
وشنو وصفك للغربة :tears: ؟
فقد الاهل والاحبه ممن احببت
صعب كثير التحمل على فراقهم
شكرا لكم
صارت تسع سنوات من ماشاءالله
بنت البصرة
11-20-2007, 08:47 AM
السلام عليكم ورحمة الله وبركاته
عليكم السلام ورحمة الله وبركاته
تحية الى جميع المغتربين العراقيين
في جميع انحاء العالم
مشكورة خيتي وتحية الج هم
انت وين مغترب؟
بريطانيا العجوز
وشگد صارلك مغترب ؟
12 سنة
شنو سبب أغترابك :sad_1:؟
ولا شي بالبداية... بس حاليا منكدر نرجع بسبب الظروف التعبانة
مغترب مع اهلك لو لحالك؟
اني وزوجي واطفالي
وشنو وصفك للغربة :tears: ؟
مرة ..مرة .. مرة
رغم توفر كل شي .. بس مررررررررررررررررررررة
واتعس شي بيها من تتمرض وتريد تروح تشوف اهلك ومتكدر .. الله اكبر شلون بالعراقيين وين ميرحون ممرتاحين
بالنهاية تحياتي لكاتبة الموضوع اختي صخب انثى
عازف اوتار الحب
11-20-2007, 08:58 AM
انت وين مغترب؟
بريطانيا العجوز
ليش اسمون بريطانيا عجوز ممكن اعرف السبب؟
بنت البصرة
11-20-2007, 09:04 AM
ليش اسمون بريطانيا عجوز ممكن اعرف السبب؟
عزوف .. بريطانيا قبل جان اسمها بريطانيا العظمى ... بس حاليا اوربا وامريكا اتقدموا هواي وخلوا بريطانيا بالجيب الورى .. لذلك حاليا اسمها بريطانيا العجوز لانها متخلفة نوعا ما عن بقية العالم الغربي ...
عازف اوتار الحب
11-20-2007, 09:05 AM
متخلفه يعني خبله لو شنو
مـلاك الـرحمـه
11-20-2007, 04:32 PM
ههههههههههههههههههههه مو خبله والله مصيبه شلون سوالف عليكم
اكول اخي عازف وين فاقد حبيبه والله اله وحشه اخاف انفجر عليه مفخخ وكعد يلطم على روحه هههههههههههه
الله اذا تشوفه جره لهنا جررررررررر
عفيه
عازف اوتار الحب
11-21-2007, 07:36 AM
هلا ولله ام ملاك
ولله مدا اشوفه لان اختفى فد مره ماعرف وين صفه بي الدهر
بس يمكن لكه حبيبته وملتهي وياها
هههههههه
natali
12-18-2007, 03:03 PM
اول شي شكرا على الموضوع
7
7
7
7
انت وين مغترب؟
بسوريا
وشگد صارلك مغترب ؟
هاي السنة الثالثة
شنو سبب أغترابك :sad_1:؟
الظروف:(
مغترب مع اهلك لو لحالك؟
مع اهلي و بعض كرايبي:B:
وشنو وصفك للغربة :tears: ؟
مررررررررررة و متنراد :busted_red:
شكرا
صخـَـبُ أنـثــَى
12-18-2007, 03:12 PM
مشكوره حبيبتي مرة ثانيه على موضوعكِ الجميل
لكِ مني تحيه معطره بأريج من الزهور
بنت بلادي
يا هلا وغلا بيج حبيبتي بنت بلادي
نورتي الموضوع بأجاباتك الرائعة كروعة حضورك
لكِ مني باقات ورد نرجسية
السلام عليكم اخوتي المغتربين
أود ان اوجه سؤال لكم مع فائق الاحترام
أنتم الان في بلدان لاتسمعون فيها أطلاقه رصاص والخدمات بأحسن مايكون على العكس
منا فنحن لانعرف متى تسقط قذائف الهاون علينا أو تنفجر عبوه او..............الخ
فأذا فتح باب العوده هل تعودون؟ مع حبي اللا محدود لكم
وان شاء الله تعودون لبناء بلدكم الغالي
والمكوث بين اهليكم
وعليكم السلام ورحمة الله وبركاته
حياكم الله خيي البحار
واجابة على سؤالك اخوي , لن ابالغ واقول لك اعود
في وقت تشتد فيه قذائف الهاون وعدم توفر الخدمات
لكن اذا تحسنت الاوضاع في بلدي فما سبب بقائي في غربة
نهشت جسدي من ألم وحسرة
دعواتنا لبلدنا بالآمن والامان حتى
نعود لنرتمي بين احضانه
شكرا لتواجدك اخي العزيز
وعليكم السلام وتحاتي الج
ومشكوره عزيزتي عالموضوع
حياك الله اخوي المهاجر
والله يعيينك , سنين غربتك طويلة
الله يوفقكم ويسهل اموركم حتى ترجعون لبلدكم
وتقضون باقي العمر هناك
تحياتي الك
صخـَـبُ أنـثــَى
12-18-2007, 03:20 PM
أشكرك عزيزتي صخب انثى لهذا الموضوع
وبانتظار جديدك القادم
تحياتي العطرة
حياج الله غاليتي عبير
نورتي باجوبتك الروعة يالغالية
والله يعينج ويصبرج بغربتج
ويارب العودة لبلدج الحبيب
تحياتي القلبية
وشنو وصفك للغربة ؟
قبر للاحياء
,,
عاشت ايدج عالموضوع
وصف جداً دقيق عزيزتي مس عراق
وشكرا الج حبيبتي على مشاركتج
نورتي ويارب يوم العودة وترتاحين
تحياتي العطرة
وشنو وصفك للغربة ؟
الغربة كمثل واحد يذبحك بالقطن
يعني موت بطيء
تحياتي الك اختي العزيزة وبارك الله فيكي
الله يعينك خيي رياض
وبالفعل هيموت بطئ وعذاب في نفس الوقت
شكرا لاجوبتك ومشاركتك معانا
حياك الله
صخـَـبُ أنـثــَى
12-18-2007, 03:30 PM
وشنو وصفك للغربة :tears: ؟
والله انة مرتاحة والحمد لله اهم شي عندي بالحياة الامان وان اعيش بسلام في اي مكان بالعالم
ربما اكون واقعية وربما اتجنب التفكير بامور ما باستطاعتي تغييرهة...خليهة على الله
والكم خالص تحياتي
يارب دائما مرتاحة ويعم عليج الامن
والامان النفسي دائماوابداً
شكرا الج حبيبتي على مساهمتج بالموضوع
نورتي يالغالية
algrba waeed s3baa bs mabedna shae bs alwa7ed yt3awad 3lla mror alwagt
shokraaaaan 7bebte 3lla almodo3 alraaae3 o allah ywafgej 7bebte
يا هلا وغلا خيتي حبيبي يا عراق
نورتي يالغالية ونفس الدولة الي اني مغتربة بيها :(
صح كلامج عزيزتي الواحد يبدي يتعود مع مرور الوقت
لكن يبقى يحس بالغربة لان مو بلده وخاصة اذا مفارق اهله
واحبابه ومهما عدت السنين نبقى احنا ما مرتاحين
الله يوفقج الج همين حبيبتي
ويصبرج على غربتج
فقد الاهل والاحبه ممن احببت
صعب كثير التحمل على فراقهم
شكرا لكم
حياج الله اختي العزيزة
والله يكون بالعون ويصبركم
تسلمين على مشاركتج ويانه
صخـَـبُ أنـثــَى
12-26-2007, 09:40 AM
السلام عليكم ورحمة الله وبركاته
عليكم السلام ورحمة الله وبركاته
تحية الى جميع المغتربين العراقيين
في جميع انحاء العالم
مشكورة خيتي وتحية الج هم
انت وين مغترب؟
بريطانيا العجوز
وشگد صارلك مغترب ؟
12 سنة
شنو سبب أغترابك :sad_1:؟
ولا شي بالبداية... بس حاليا منكدر نرجع بسبب الظروف التعبانة
مغترب مع اهلك لو لحالك؟
اني وزوجي واطفالي
وشنو وصفك للغربة :tears: ؟
مرة ..مرة .. مرة
رغم توفر كل شي .. بس مررررررررررررررررررررة
واتعس شي بيها من تتمرض وتريد تروح تشوف اهلك ومتكدر .. الله اكبر شلون بالعراقيين وين ميرحون ممرتاحين
بالنهاية تحياتي لكاتبة الموضوع اختي صخب انثى
هلا حبيبتي بنت البصرة > نورتي يالغالية بتواجدج
والله يعينج ويصبرج , وانشاء الله تصير الضروف زينة
حتى نكدر نرجع للعراق ونرتاح
حياج الله خيتي وتسلملي طلتج الحلوة
اول شي شكرا على الموضوع
7
7
7
7
انت وين مغترب؟
بسوريا
وشگد صارلك مغترب ؟
هاي السنة الثالثة
شنو سبب أغترابك :sad_1:؟
الظروف:(
مغترب مع اهلك لو لحالك؟
مع اهلي و بعض كرايبي:B:
وشنو وصفك للغربة :tears: ؟
مررررررررررة و متنراد :busted_red:
شكرا
منورة عزيزتي نتالي
وتسلمين على اجوبتك وهذه انتي ببداية غربتج
وببلد عربي ,يعني يمكن تكون اهون ويمكن لا
عالعموم ربي يصبركم ويرجعكم لبلدكم سالمين
تسلمين على تواجدج
سياف بغداد
01-09-2008, 03:31 PM
انت وين مغترب؟
مصر
وشگد صارلك مغترب ؟
سنه ونص
شنو سبب أغترابك :sad_1:؟
نرتاح اشويه انشوف العالم اشلون عايشه
مغترب مع اهلك لو لحالك؟
مع اهلي
وشنو وصفك للغربة :tears: ؟
الغربه اتموت
.
.
تحياتي
سيــاف بغداد
.
صخـَـبُ أنـثــَى
01-23-2008, 01:50 PM
الله يعينك خيي سياف ويرجعك لبلدك سالم
وماكو احلى من الوطن رغم كل الظروف
تحياتي وشكري لك على مشاركتك
كل الود
اسير- الشوق
02-26-2008, 09:36 AM
انت وين مغترب؟
ايطاليا
سبب اغترابي الوضع الامني
وللدراسه صعبه
انا مغترب منذ 2005 هنا ولوحدي من غير اهل ولا صديق ولاحبيب ...
لم ازر اهلي منذ 8 اشهر اتمنى ان يكونو بخير دائما وان يرحمهم الله ..
الغربه هي اصعب من المرض هي شلل في كل الجسم .هي ذله هي عدم احترام
الغربه اصعب مرض اذا تمكنت من اصابه الانسان ..
حنين العراق
02-27-2008, 05:21 AM
انت وين مغترب؟
بالمانيه
وشگد صارلك مغترب ؟
من 1999
شنو سبب أغترابك :sad_1:؟
نظام هدام لعنت الله عليه هجولنا بالغربه
مغترب مع اهلك لو لحالك؟
مع الاهل
وشنو وصفك للغربة :tears: ؟
الغربه اقل ما اكول عنها عذاب من نوع ثاني . لانه لا اهل ولا احد يمك.
الغربه صعبه . مع الكل الي متوفر بيها. بس نفسيتنا ما مرتاحه . لانه مو بلدج وما تحسين بنتماء اله . وان شاءالله الله يفرجها على العراق يارب ونرجع كلنا يارب.
ومشكوره عيوني على الاساله حبيبتي تسلمين وعاشت الايادي
مع تحياتي لكِ
حنين العراق
.
.
صخـَـبُ أنـثــَى
03-08-2008, 02:25 PM
أسير الشوق
حنين العراق
نورتوني بتواجدكم العطر
والله يفرجها عليكم وعلينه ونرجع لبلادنا ويكفي غربة عاد
تحياتي وأمنياتي للجميع براحة البال
صقر بغداد
03-16-2008, 03:58 PM
تسلم يمينك على هذا الموضوع الجميل والشيق والحنين
ربي يحقظك ويحفظ كل العراقيين
لكي من ارق التحايا
اخوج
صقر بغداد
متغرب بمصر العربية
5 سنوات:(
لبوة العراق
03-16-2008, 04:25 PM
السلام عليكم
اخية الغالية موضوع مفيد ويهج المواجع الغربة والامها...
لكن نقول الحمد لله على كل حال...
انت وين مغترب؟
الدنمارك
وشگد صارلك مغترب ؟
حوالي 10 سنين
شنو سبب أغترابك :sad_1:؟
اسباب لاتعد ولاتحصى
مغترب مع اهلك لو لحالك؟
ولله الحمد مع اهلي وان كنت لوحدي لما وجدتوني على قيد الحياة الى الان..لكنت قتيلت الغربة..لكن كل اقاربي في العراق
وشنو وصفك للغربة :tears: ؟
الغربة مهما اردت ان اصفها فلا كلمات ولا اسطر تصف الغربة..عن ماذا اتكلم عن غربة الوطن ام غربة الاهل ام غربة المدارس ام غربة الاصدقاء ام غربة االطفولة اي غربها منهم..؟؟
...
أسال الله العودة الى اوطاننا في اقرب وقت بعد تحسن وضع العراق ونجتمع هناك تحت شمس وقمر العراق
لكم مني جزيل الشكر والامتنان على هذا الموضوع الجميل..
http://img358.imageshack.us/img358/2770/cand283lz.gif
هنا كنت
لبوة العراق
بنوته البصرة
03-19-2008, 09:46 AM
انت وين مغترب؟
بالامارات
وشگد صارلك مغترب ؟
صارلي 14 سنه
شنو سبب أغترابك :sad_1:؟
طاغية العراق اللي دمر بلدنه الله اكبر علية
مغترب مع اهلك لو لحالك؟
ويه اهلي
وشنو وصفك للغربة :tears: ؟
والله الغربه ذله .. وبهذله واذيه .
الله لايراويكم
واتمنى ارجع لبلدي . ولديرتي
تحياتي
صخـَـبُ أنـثــَى
03-20-2008, 12:39 PM
تسلم يمينك على هذا الموضوع الجميل والشيق والحنين
ربي يحقظك ويحفظ كل العراقيين
لكي من ارق التحايا
اخوج
صقر بغداد
متغرب بمصر العربية
5 سنوات:(
الله يسلمك اخوي صقر بغداد
نورت الموضوع بطلتك ..
والله يعينك بغربتك ويفرجها عنك يااارب .
مشكور على مشاركتك معانا .
تحياتي
صخـَـبُ أنـثــَى
03-20-2008, 12:43 PM
السلام عليكم
اخية الغالية موضوع مفيد ويهج المواجع الغربة والامها...
لكن نقول الحمد لله على كل حال...
وعليكم السلام
ياهلا بالعزيزة لبوة العراق
نورتي حبيبتي بأجوبتك وطلتك الحلوة .
والحمد لله أهلچ وياج , علىالاقل يخففون عليج غربة الروح
في بلاد الغرب .
يارب تفرج عن العراقيين ويرجعون كلهم الى بلادهم سالميين .
نورتــي يا عمــري
صخـَـبُ أنـثــَى
03-20-2008, 12:51 PM
انت وين مغترب؟
بالامارات
وشگد صارلك مغترب ؟
صارلي 14 سنه
شنو سبب أغترابك :sad_1:؟
طاغية العراق اللي دمر بلدنه الله اكبر علية
مغترب مع اهلك لو لحالك؟
ويه اهلي
وشنو وصفك للغربة :tears: ؟
والله الغربه ذله .. وبهذله واذيه .
الله لايراويكم
واتمنى ارجع لبلدي . ولديرتي
تحياتي
هلا والله بنوتة البصرة ..
تسلمين على أجوبتك ومشاركتك عزيزتي
والله يفرجها عنكم يارب وترجعون للعراق .
نــورتي حبيبتي
iraq moon
03-27-2008, 08:34 AM
أختي صخب أنثى
فتحتي جرح عميق لا يداويه بلسم
الغربة و ما أدراك ما الغربة
قد يقول البعض أنه المغتربين أحسن حالا من من هم داخل العراق الغالي
أنا لا أقول ان هذا الكلام غير صحيح ولكن نحن نعاني والله وحدة يعرف معاناتنا
ما فائدة الامن أذا كنت لا تحس به ... و ما فائدة العيش و انت كالأموات ...
انا متغربة أكثر من 11 سنة ....
خرجت من العراق و انا صغيرة السن ... واتوق للعودة ...
وانا هنا في الغربة مع عائلتي ....
اسفة على الإطالة ... لكن مثل ما يقولون كمشتي الوتر الحساس
صخـَـبُ أنـثــَى
03-28-2008, 01:43 AM
اهلاً وسهلاً عزيزتي قمر العراق
نورتي الموضوع بطلتك الحلوة أختي العزيزة ..http://img91.imageshack.us/img91/4344/zr300hw8.gif
قد يقول البعض أنه المغتربين أحسن حالا من من هم داخل العراق الغالي
أنا لا أقول ان هذا الكلام غير صحيح ولكن نحن نعاني والله وحدة يعرف معاناتنا
اي والله يا اختي بس الله يعيين ويصبرنا .
لان فعلاً محد يحس بمعنى كلمة الأغتراب والغربة غير الي يجربها
ويستشعر معاناتها .
انا متغربة أكثر من 11 سنة ....
خرجت من العراق و انا صغيرة السن ... واتوق للعودة ..
الله يصبرج عزيزتي وان شاء الله تفرج
وترجعين للعراق وان شاء الله تكون عودة دائمة .
تسلمين على مشاركتك ونورتينا بأحلى طلة.
دمتِ بسعادة
سلسبيل
04-19-2008, 04:12 PM
انت وين مغترب؟
مصر
وشگد صارلك مغترب ؟
سنتين
شنو سبب أغترابك :sad_1:؟
تهديد ابويه
مغترب مع اهلك لو لحالك؟
مع اهلي
وشنو وصفك للغربة :tears: ؟
كله قهر وحزن ان شاء الله نرد بلدنه
صخـَـبُ أنـثــَى
04-26-2008, 06:21 AM
منورة اختي سلسبيل وحياج الله
ويارب يوم العودة لبلدنه ونخلص منهالعذاااب
تحياتي وشكرا الج للمشاركة
اسد السويدي
05-03-2008, 03:59 PM
ليش الكل ادگول صدام اشبي صدام مو احسن من وضع هسة اللي دنمر بي
لا اله الا الله
ولعن الله الفتنة بين الناس
اخوكم دوما
اسد
بصراوي مشاغب
05-03-2008, 04:33 PM
اخي الكريم بالاول حياك الله ومنور المنتدى بس الي تعليق واحد على ردك
صدكني الدمار الي بينا هو من اعمال البعث الكافر ولاتترحم على زمن صدام فاصدكني
هذا الزمن هو اقذر زمن مر بيه العراقيين وهسة دور الشرفاء من ابناء العراق
للقضاء على هذه الزمر النجسة زمر البعث والتكفرين انت فكر 35 سنة يحكم المقبور
والبعث الكافر وتريدنا نعيش بحب وسلام خلال عام مستحيل اخي ان شاءالله
بعزمنا وعزم الشرفاء الابطال القضاء على هولاء الكفرة الانجاس التكفريين والبعث
وهلا بيك مرة ثانية
ليش الكل ادگول صدام اشبي صدام مو احسن من وضع هسة اللي دنمر بي
لا اله الا الله
ولعن الله الفتنة بين الناس
اخوكم دوما
اسد
أخي أسد ..أتق الله في دماء الشهداء ودموع أمهاتهم والأرامل الثكالى والأطفال اليتامى..ضحايا المجرم صدام المقبور..أتق الله فيما تقول..ماقام به جلاد عصره لايكال بمكيال ولايقاس بمقياس..ذكرت الفتنه.. وماتقوله هو الفتنة بعينها..الفتنه هو أن تنصر الظالم على المظلوم..وتزوغ الحقيقه ولكن حمدا لله .. الحقيقه كالفلين تطفو دوما الى السطح شئنا أو أبينا..
عرإق تآإأج
07-03-2008, 03:05 AM
شكراً لكم علىا الموضوع الجميل ..
برأيي كل العراقيين بعد الاحتلال مغتربين حتىا اللي بالعراق ماكو فرق بينه وبين اللي خارج العراق لئن احنه ابلدنه هسه ومغتربين..
دخلو اله ناس لا نعرفهم ولا يعرفونه ويحملون جناسي عراقي ... طبعا الشي اللي اريد اكوله فوق مااتصورن بس مااريد اسوي الموضوع سياسي بس اكول شي واحد انو اذا صدام راح هسه بالعراق 100.000.000 صدام ونفس الاسلوب واكثر ..
الغربه / مقبرة الأحياء ناس تأكل وتشرب وتتكلم بس هيه ميته ..
انفااس الورد
07-13-2008, 02:09 AM
شكرا على الموضوع
وان شااء الله يااربي يتحسن حاال العرااق
ونرجع كلنه لبلدنه
لان ماكو احن من العرااق على العرااقيين
خلي اجااوب على الاسئله
انت وين مغترب؟
الدنمااارك
وشگد صارلك مغترب ؟
صاار تقريبااا 6 سنواات بالدنماارك وقبلهه 2 ونص بالاردن
يعني صاار كومه ماشاايفه العرااق
ااااه
شنو سبب أغترابك :sad_1:؟
والله بصرااحه مااعرف
بس يجوز حته يتحسن دخلنه
وهذه تحسن !
شنو الفائده !!
الحمد لله على كل حال
مغترب مع اهلك لو لحالك؟
ويه اهلي
بس اصعب غربه لمن الانساان يكون بين اهله وميحس بيهم
وشنو وصفك للغربة :tears: ؟
حضي غير
عراقية ورافعة راسي
07-18-2008, 06:12 PM
الاخت العزيزة صخب انثى مشكورة على هذا الموضوع القيم بمعانيه
رغم انك بدون قصد هيجتي جروح نسيناها او تناسيناها
لان الغربة بمعناها الحقيقي مايعرفها الا اللي انكوى بنارها
تقبلي مني مروري وخالص امنياتي بالنجاح الدائم
انت وين مغترب؟
بالولايات المتحدة الامريكية
وشگد صارلك مغترب ؟
سنتين بسوريا وهسة وقبل شهر وصلت للولايات المتحدة
شنو سبب أغترابك :sad_1:؟
قتل والدي الله يرحمه على ايد زمرة من المجرمين
مغترب مع اهلك لو لحالك؟
متع اهلي بس زوجي بقى في سوريا بسبب تاخر معاملته مع انه مصارلنة 3 اشهر متزوجين
وشنو وصفك للغربة :tears: ؟
عذاب وحيرة والم او وحدة قاتلة برغم وجود اهلي وياية لكن بعدي عن زوجي زاد المي وعذابي فوك الم الغربةبوسط ناس كل همهم بالحياة المادة وانت شكد تساوي
تقبلو تحياتي وامنياتي بعودة كل مغترب الى ارض الوطن الحبيب
عراقية ورافعة راسي
صخـَـبُ أنـثــَى
07-28-2008, 09:39 AM
أنفاس الورد
عراقية ورافعة راسي
نورتو اخواتي العزيزات , والله يعينكم على غربتكم
نأمل يتحسن وضع بلدنا حتى كلنه نرجع ويكفي غربـة وبعـاد عن أهلنا ...
أشكر حضوركم وردودكم القيمــة
لا عدمنـــاكم http://img91.imageshack.us/img91/4344/zr300hw8.gif
sniper 3raq
08-04-2008, 03:14 PM
مشكور اخي العزيز على هذا الموضوع اللي يهم كل عراقي وعراقية
واني من جهتي اكول
اني مغتربة بالمملكة المغربية :goggles:
و صارلي 8 سنوات :tears:
عمل ابي :disgust:
والحمد لله معاي عائلتي :smile1:
والله مثل شعور اي عراقي لانو الغربة موت و وحدة قاتلة :hdhd21: بس انضمامي لهذا المنتدى رجع احلى ايامي :inlove2:
Hannah montana
08-07-2008, 05:10 AM
السلام عليكم
اني صارلي 5 سنين بالغربة وحدي واهلي كلهم بالعراق بس اني بالغربة
اتمنة من الله ارجع الى عراقي الغالي مشتاقة الاهلي وللعراق كله
من الشمال الى الجنوب يارب نرجع كلنا وميبقة واحد بالغربة
امين يارب العلمين
النرجس
08-23-2008, 10:41 AM
انت وين مغترب؟
الدنمارك
وشگد صارلك مغترب ؟
ولدت و امضيت عمري كله في الغربة
شنو سبب أغترابك :sad_1:؟
ليش اكو غير النظام السابق المقبور لي شتت شمل العراقين و خله كل واحد منهم بارض
مغترب مع اهلك لو لحالك؟
مع اهلي
وشنو وصفك للغربة :tears: ؟
صراحة الغربة اصبحت جزء مني و لكن حلمي الوحيد ان اعود الى وطني الذي حرمنا منه سنوات طويلة
.
مشكورة غاليتي على الموضوع الجميل
و اسال المولى ان يعيد كل غريب الى وطنه و اهله و احبابه بحق محمد و ال محمد
تحياتي العطرة
صخـَـبُ أنـثــَى
08-25-2008, 08:16 AM
نورتوا اخواتي العزيزات ..
سنايبر عراق
,
هانا مونتانا
,
النرجس
الله يعينكم ويصبركم على غربتكم ويرجعكم لبلدكم سالمين
بحق محمد وآله ....
اشكركم لمشاركتكم ومساهمتكم بالموضوع
نورتوني وشرفتوني حبايبي ...
تحياتي
ياسر الزبيدي
09-13-2008, 10:25 AM
السلام عليكم ورحمة الله وبركاته
وعليكم السلام ورحمة الله وبركاته
تحية الى جميع المغتربين العراقيين
في جميع انحاء العالم
الله يحييچ ويخليچ
المووضع باين من عنوانه...
أكيد
كل مغترب يدخل ويگول ..
انت وين مغترب؟
الامارات العربية المتحده
وشگد صارلك مغترب ؟
3 سنوات
شنو سبب أغترابك :sad_1:؟
الاوضاع الامنية في العراق
مغترب مع اهلك لو لحالك؟
مع اهلي .. بس أني كل العراق اهلي فا اعتبر نفسي وحدي..
وشنو وصفك للغربة :tears: ؟
الغربه ماهي سفر لبعيد او كل يوم في بلد جديد
الغربة لما يكون القلب عن الجسد بعيد
(( الغربة سجن الحياة))
.
.
.
مع أرق التحيات لكم
وتمنياتي لكم بالعودة الميمونة للبلد العزيز
أختكم
صَخٌِـبٌ أنـثْى
أشكرج اختي على الأسئلة الخفيفه أرجو أن اكون ما اثقلت عليكم
وأرجو ان تتقبلي مروري...
تحياتي
الرومانسي الغريب
رياض سلمان علي
09-17-2008, 01:33 AM
هلوووووووووو صخوبه شخبارج شنو هالموضوع الحلو ولله مدري شكلج على الغربه ولله اني بليبيا وصارلي 12 سنه مو موت وانما عذاب في ليبيا ولله الواحد ميدري شوكت يروح والاستقرار صفر ةانشالله نرجع لبلدنا يارب كولو امين
abbas mukdam
10-04-2008, 05:36 AM
انت وين مغترب؟
الامارات
وشگد صارلك مغترب ؟
10 سنوات
شنو سبب أغترابك :sad_1:؟
الاوضاع في العراق
مغترب مع اهلك لو لحالك؟
الحمدلله..مع اهلي
وشنو وصفك للغربة :tears: ؟
شحجي شكول....:tears:
عاشقه الشروق
12-13-2008, 12:06 PM
اني مغتربه ب السويد صارلي 3 سنين وسبعه اشهر سبب الاغتراب اتزوجت اغربت لوحدي وصفي للغربه سواد قاتم :weeping:
sami72
01-12-2009, 06:12 AM
السلام عليكم اني من العراق مغتربه بالسويد والسبب الزواج صارلي ثلاث سنوات ونصف امي وابي متوفين بالعراق ويوميا ابكي على ترابهم وتراب العراق حالتي بالغربه الم وعصره بالكلب وجع بالمعدة من قهر الافراك اشكر المنتدى وكل المشاركين والله يحفظ العراق واهله وين ما كانو السلام عليكم
ابوهاشم
01-12-2009, 08:25 PM
وعليك السلام ورحمة الله وبركاته
اختنا الغالية وانشاء الله بتواصلك مع المنتدى
ستجدين لك اخوة واخوات
ونساله سبحانه وتعالى أن يفرد عنك كل هم وغم
sami72
01-13-2009, 01:19 PM
رحم الله والدييك يا اخي الكريم الاصل الى ابو هاشم
يمامة الحب
01-13-2009, 02:48 PM
انت وين مغترب؟
في ليبيا
وشگد صارلك مغترب ؟
مع هذة السنة 13
شنو سبب أغترابك :sad_1:؟
ظلم الطاغية صدام
مع غترب مع اهلك لو لحالك؟
الحمدلله..مع اهلي
وشنو وصفك للغربة :tears: ؟
الغربة؟؟؟؟
الــــــــــــغربة شأن يعنيني ******* لا تطحن فــــيها طواحيني
شأن مــــــــــــازال يؤرقني ******* و يقيم شمالـــي و يميني
شــــــــــــأنٌ سيّان مَحِلّتُه ******* أهلي و الصحب كذا حيني
ما انفك بنفسي فظاظتها ******* و الـــــقلب يعضّ شراييني
الغربة كربة
ولو أن الغربة رجلا لقتلته
الغربة: جراحٌ تلو جراح ، وسيوف تقطِّعني ورماح وسماءٌ تلبدها الرياح، وسلاسل أوثقت في كل عزمٍ يبتغي لشمِّ المعالي اجتياح، فلم يعد يجدي العويل ولا النياح، ولم يعد لي إلا البكاء أو الصياح
ولكن ما أحلى غربة الدين تشعر معها بلذة لا يساويها لذة وسعادة لا يعدلها سعادة
وقد قال عليه الصلاة والسلام:" بدأ الدين غريبا وسيعود غريبا كما بدأ فطوبى للغرباء"
كم تعلمت من الغربة وكم علمتني ومما علمتنيه
أن الصديق الصدوق هو أغلى من ذهب في صندوق
علمتنى أن المودة تغيرت ومثلها الإخاء
وقل في الدنيا الأوفياء
آه لك ياغربة ويل لك من الناس وويل للناس منك
ابوهاشم
01-13-2009, 08:38 PM
اللهم ارحم غربتنا
وآنس وحشتنا
ولا تخلنا من ذكرك العظيم
الغربة حتى اسمها موحش
اكلت منا الكثير الكثير
من اعمارنا من امانينا من طموحاتنا
اكلت من كل شيء اكثره
دموع اغرقت البحار
03-19-2009, 12:10 PM
السلام عليكم ورحمة الله وبركاته
تحية الى جميع المغتربين العراقيين
والى كل اهل العراق ويارب يحميكم ربي
انت وين مغترب؟
في جمهوريه مصر العربيه
وشگد صارلك مغترب
اربع سنوات تقريبا
شنو سبب أغترابك
بسبب الفلتان الامني
مغترب مع اهلك لو لحالك؟
مع الاهل
وشنو وصفك للغربة
وهمي لو تشيله أرض هزت فوقها البنيان
وحزني لو يشيله كون هدت تالي جباله
تمنياتي لكل انسان مغترب عن اهله ووطنه ومفارق احبابه بلقاء قريب يجمع شمل الاحبه
مشكوره على موضوعكِ
بنت العراق
04-19-2009, 04:12 PM
انت وين مغترب؟
الولايات المتحده
وشگد صارلك مغترب ؟
9 سنوات
شنو سبب أغترابك :sad_1:؟
اكو غير هدام عليه لعنة الله
مغترب مع اهلك لو لحالك؟
مع اهلي
وشنو وصفك للغربة :tears: ؟
الغربة كربة .. وهية اصعب شي بالحياة لان الواحد يبتعد عن اهلة و وطنة .. ومحد يتمنى الغربة
جحيم وعذاب الغربه وملل:26:
اسد كوفان
06-21-2009, 03:56 PM
السلام عليكم جميعا
السلام على كل مغترب
انت وين مغترب؟
و الله بجمهورية مصر
وشگد صارلك مغترب ؟
ثلاث سنوات
شنو سبب أغترابك :sad_1:؟
السياحة و بعدين عجبني الوضع فبقيت بمصر
مغترب مع اهلك لو لحالك؟
مع اهلي
وشنو وصفك للغربة :tears: ؟
والله بالحقيقة الغربة موت و اني سبق و اتغربت سنة 1999 بسبب هدام عليه اللعنة و العذاب و رجعت للعراق بعد سقوط الصنم البعثي و بال2006 طلعت من العراق و اجيت الى مصر
في النهاية احب اشكر صاحبة الموضوع على الطرح الجميل
و احب اكول لكل مغترب ربي يحفظكم و انتو بالغربة و يرعاكم و يسهل امركم و ترجعون للعراق الابي بخير و سلامة
تحيات
حسين الزبيدي
نجمة البصرة
06-23-2009, 04:11 PM
انت وين مغترب؟
الولايات المتحدة
وشگد صارلك مغترب ؟
عشر سنوات وداخلين على الـ 11
شنو سبب أغترابك :sad_1:؟
ظلم الطاغية صدام
مع غترب مع اهلك لو لحالك؟
مع الاهل ...
وشنو وصفك للغربة :tears: ؟
ضياع.. شتات..موت
تحياتي العطره لـ صاحبة الموضوع المميز
اينما كانت...وللجميع
نجمة البصرة
ام فاطمة الزهراء
07-30-2009, 11:03 AM
السلام عليكم ورحمة الله وبركاته
وعليكم السلام ورحمة الله وبركاته
سبق وان شاركت في موضوع للمغتربين وصرحت اني جزائرية لاني الاحظ ان هدا الركن مخصص للعراقيين فقط :george::george:لكن انا اقول اننا كلنا اخوة هنا ويجمعنا منتدى واحد ولا فرق بين عراقي وجزائري ما دمنا مغتربين عن اهالينا وبلادنا .
تحية الى جميع المغتربين العراقيين
في جميع انحاء العالم
المووضع باين من عنوانه...
كل مغترب يدخل ويگول ..
انت وين مغترب؟
فرنسا استراسبورغ
وشگد صارلك مغترب ؟
من شهرين بس
شنو سبب أغترابك :sad_1:؟
الزواج لان زوجي جزائري من مواليد فرنسا
مغترب مع اهلك لو لحالك؟
مع زوجي واهله
وشنو وصفك للغربة :tears: ؟
الم واشتياق للاهل وللبلد
فمهما كنت اسعد انسان فالغربة مرة ومرارتها صعبة كتير.
.
.
.
مع أرق التحيات لكم
وتمنياتي لكم بالعودة الميمونة للبلد العزيز
ان شاء الله
أختكم
صَخٌِـبٌ أنـثْى
شكرا على الموضوع
ابوهاشم
07-30-2009, 06:09 PM
اختنا الغالية
نصيرة
انت اختنا ونتشرف بك وان كان المنتدى يحمل اسم العراق
لكنه يبقى فضاء يجمعنا على المحبة والاخوة
الصادقة الطاهرة
ونبارك لك الزواج الميمون
وان شاء الله السعادة الدائمة
وتقبلي تحياتي الاخوية
مـلاك الـرحمـه
07-30-2009, 07:33 PM
السلام عليكم جميعا
السلام على كل مغترب
انت وين مغترب؟
و الله بجمهورية مصر
وشگد صارلك مغترب ؟
ثلاث سنوات
شنو سبب أغترابك :sad_1:؟
السياحة و بعدين عجبني الوضع فبقيت بمصر
مغترب مع اهلك لو لحالك؟
مع اهلي
وشنو وصفك للغربة :tears: ؟
والله بالحقيقة الغربة موت و اني سبق و اتغربت سنة 1999 بسبب هدام عليه اللعنة و العذاب و رجعت للعراق بعد سقوط الصنم البعثي و بال2006 طلعت من العراق و اجيت الى مصر
في النهاية احب اشكر صاحبة الموضوع على الطرح الجميل
و احب اكول لكل مغترب ربي يحفظكم و انتو بالغربة و يرعاكم و يسهل امركم و ترجعون للعراق الابي بخير و سلامة
تحيات
حسين الزبيدي
شوف شوف شلون واحد راح سياحه بعدين حلتله الكعده هههههههههههههههههههههههه
اللهم ربي يرد كل غريب لدياره
ام فاطمة العراقية
08-02-2009, 04:12 AM
السلام عليكم
انت وين مغترب؟
حالياً بهولندا
وشگد صارلك مغترب ؟
خمس سنوات منها أربع سنوات بالأمارات
شنو سبب أغترابك :sad_1:؟
بالبداية الزواج وهسة الأمان
مغترب مع اهلك لو لحالك؟
مع زوجي وطفلتي وبس!
وشنو وصفك للغربة :tears: ؟
ماممكن توصفيه بالكلام لأن شعور الغربة أصعب من أن يوصف
ولكن تبقة بيه محاسن من الظلم ننكرهة رغم كل الألم اللي بيهة
صخب أنثى تسلمين على الأسئلة والموضوع
وأن شاء الله يرجع كل غريب لبلده
وتبقى أحلى أيام الشخص بين أهلة وببلدة رغم كل شي
علي الحلي
11-01-2010, 12:21 PM
السلام عليكم ورحمة الله وبركاته
تحية الى جميع (/showthread.php?1739-الى-جميع-المغتربين-في-اي-البلاد-انت-مغترب-؟؟)المغتربين (/showthread.php?1739-الى-جميع-المغتربين-في-اي-البلاد-انت-مغترب-؟؟)العراقيين
في جميع (/showthread.php?1739-الى-جميع-المغتربين-في-اي-البلاد-انت-مغترب-؟؟)انحاء العالم
انت وين مغترب؟
المانيا
وشگد صارلك مغترب (/showthread.php?1739-الى-جميع-المغتربين-في-اي-البلاد-انت-مغترب-؟؟)؟
10 سنوات
شنو سبب أغترابك :sad_1:؟
النظام البائد لعنهم الله
مغترب مع اهلك لو لحالك؟
للاسف لحالي
وشنو وصفك للغربة :tears: ؟
اااااااااااااااااااااااه الم وحزن وبكاء ولوعة وكلشي يخطر ابالكم
تصوروا واحد مقيم واهله بعيدين عنه وعشر سنوات مرة وحده
التقى بهم ااااااااااااااااااااااااااااااااااااااااااااااه
شكرا اختي صخب انثى
تحياتي
Powered by vBulletinآ® Version 4.2.2 Copyright آ© 2014 vBulletin Solutions, Inc. All rights reserved, TranZ by Almuhajir