مايسوى الزعل

[عازف اوتار الحب]

تعال لخاطرك ظل عندي مكسور


وصدك اعترف انه الكسرته


تعال الكلبي متيتم بلياك


تعال لخاطري ونشف دمعته


صح مني الزعل مابيك كل صوج


واحاسب روحي جي كلبك شلعته


تعال وخل نشد حبل المواعيد


حيل اتندمت لمن كطعته


كتلك عوفني كل قصدي الاشيك


كلت الحب حلو لتونس زعلته


مااصورك متنطر ا لهاي


ابوجهي الباب شو راسا قفلته


اعتبرني بهاي جاهل جنت احاجيك


وطفل غلطان ماتغفر غلطته


شمالك صدكت اكدر عالفراك


ومااشوفك بعد كل عقلك انته


صوتك بيه روح اتصور الحال


ترد الروح لو صوتك سمعته


انه مسودن اشلون ازعل عليك


الزعل يضحك عليه اشمازعلته


اكابر صح جنت مااحجي وياك


روحي اتروح يمك تحجي سكته


شجاك اتعوفني يمعود اشبيك


وكلبي عليك يمعود فطمته


صبرت اهواي بلكت اكدر انساك


وماكو انساك بس اتذكر انته


كمر وجهك تعال وضيع الليل


وخلي الليل يرجف من طلعته


ترهملي انته بس وارهم عليك


ومايسوى الزعل شكك صفحته


اعتذرلك هسه اجيت وكون ماجيت


وعساني البابكم لا ماوصلته


كتلك انته اليه وملكي للموت


وغيري وياك ماترهم عشرته


كاعي انته وزرعتك وانه فلاح


ليش الغير يحصد بالزرعته


كلبك هذا يمي وسولف وياه


اكيف لو يقنعك لوقنعته


مااصبر بدونك لحظه ماعيش


هذا الصوت من كلبك سمعته


تعال بسرعه نرجع نسحك الراح


ومن كلبي الزعل صدك شلعته

[لƒ¦ بَنّتْ بَلاِدْي لƒ¦]

كلمات جميله..
يسلم قلمك اخوي عازف الذي أتحفنا بروعة الكلمات
بنتظار جديدك القادم..
تقبل مني فائق تحياتي وتقدير

[عازف اوتار الحب]

شكرا عزيزتي بنت ابلادي الى زيارتك صفحاي المشرقه بنورك الرائع

ارق التحايا

[مفصولة(باامر الادارة)]

كلمات تحمل أجمل إحساس بالكون

في معانيها أجد عاشقاً يهوى بجنون

أمواج من الحروف تحمل في كل موجه عقداً من اللؤلؤ

لترسم لنا أجمل خاطرة تراها العيون

حقيقة قلم جديد على هذة الساحة و لاكنك أبدعت

من أول كتابة لك ... كلنا شوقاً لرؤية المزيد من قلمك
الله لا يجيب زعل ان شاء الله
تحياتي لك
http://www.twaqe3.com/data/media/12/0122.gif (http://www.twaqe3.com)

[عازف اوتار الحب]

ام زينب
فعلا كلماتك اسعدتني
لانها تحمل اجمل المعاني والاحاسيس الجميله
زادني شرفا كبير في زيارتك صفحتي
ولا اجد القلم الذي يعبر لك عن شكري الجزيل الى مرورك الجميل
الف شكر غاليتي الى عطر قدومك الراقي الذي انتظرته طويلا
الى حين الملتقى دمــت بكل الود