ابوذيات جديده لمحبي الشعر والأبوذيات ..

[أمير الرافدين]

احبكم حب ماينوصف وصفه
وعليكم القلب ماينوصف وصفه
عليمن يوصف الدكتور وصفه
شوفتكم صيدليه ومنهه ناخذ الوصفه
ــــــــــــــــــــــــــــــــــــــــــــــــــ ـــ
يصاحب ليش خوتكم ضعيفه
يمن تدرون بحوالي ضعيفه
جهازي اليوم تغطيته ضعيفه
انا بياحال وترمش عليه
ــــــــــــــــــــــــــــــــــــــــــــــــــ ــ
كثر بحسنك وبجمالك وصفنه
وفركاك ينرادله كعده وصفنه
اتمنى تكون بمدرستنه وبصفنه
اذا تاخذ صفر انطيك ميه
ــــــــــــــــــــــــــــــــــــــــــــــــــ ـ
انا الصياد صادتني شبكتك
دخيل الله شكد حلوه شبكتك
ارن عليك مشغوله شبكتك
اظن مغلق جهازك بس عليه
ــــــــــــــــــــــــــــــــــــــــــــــــــ ـ
عليك اسكب دمع عيني واهلها
واشم ترابها الطيب وهيلها
سلام الله على البصره واهلها
واهلها كرام مابيهم رديه
ــــــــــــــــــــــــــــــــــــــــــــــــــ
حبيبي الشوق لاتقطع وصاله
الك بالقلب كم غرفه وصاله
نجوى تروحلك فدوه واصاله
ووياهن لطيفة التونسيه
ــــــــــــــــــــــــــــــــــــــــــــــــــ
انت الصديق الذي لومال الوكت مامال
يربطني بيك الوفوه لامصلحه ولامال
انساك لحظه من الوكت لاتعتقد اهمال
لكن زماني صعب والوكت بيه انذال
ــــــــــــــــــــــــــــــــــــــــــــــــــ
اشد حيلي ويبيد بساع ونحل
تعب جسمي وهلك بالظيم ونحل
يسادس درس يمته تروح ونحل
اخاف اتاخر ويزعل عليه
ــــــــــــــــــــــــــــــــــــــــــــــــــ
بعيد ولاجنح عندي وامركم
وصرت خاضع لأمر الله وامركم
البعد لابد اخلصنه وامركم
واعاتب كل محب ماينشد عليه
ــــــــــــــــــــــــــــــــــــــــــــــــــ ـ
ياحبيبي طال هجرك مرعلينه
وحتى الزاد بعدك مر علينه
اذا بعدك تحبنه مر علينه
تعال وكروة التكسي عليه
ــــــــــــــــــــــــــــــــــــــــــــــــــ ـ
حلاوه وطيب للياكل تمرنه
ويضل نافذ كلامك من تمرنه
تميل البصره كلهه من تمرنه
وحتى العشار والمعقل ياخذ لك تحيه
ــــــــــــــــــــــــــــــــــــــــــــــــــ

مع تحياتي

مملكة الأحزان
:hdhd55:

[عازف اوتار الحب]

انت الصديق الذي لومال الوكت مامال
يربطني بيك الوفوه لامصلحه ولامال
انساك لحظه من الوكت لاتعتقد اهمال
لكن زماني صعب والوكت بيه انذال


الف شكر اخوي على الابو ذيات الرائعه

في انتظار جديدك الراقي

[بصراوي مشاغب]

احبكم حب ماينوصف وصفه
وعليكم القلب ماينوصف وصفه
عليمن يوصف الدكتور وصفه
شوفتكم صيدليه ومنهه ناخذ الوصفه


كلمات روعة عزيزي

الف شكر على ذوقك الرائع

وننتظر جديدك

[مفصولة(باامر الادارة)]

كلبي الجان الك مسكن ولكدار
ابجفاك الحزن شل حاله ولكدار
الوكت دولاب مل مني ولكدار
وانت والوكت صرتوا عليه
]http://www.up.00op.com/data/visitors/2007/09/29/storm_1475354137_66639731.jpg (http://www.00op.com/up)

[حٍآفٍيةٍ الٍقدٍمَينْ ٍ]

اشد حيلي ويبيد بساع ونحل
تعب جسمي وهلك بالظيم ونحل
يسادس درس يمته تروح ونحل
اخاف اتاخر ويزعل عليه
/
\
روعــ،ــه , عاشت الـأيادي مملكة الـأحزآن ..

تحيآتي لكِ .

[لƒ¦ بَنّتْ بَلاِدْي لƒ¦]

عاشت الايادي اخوي مملكة الأحزان على الابوذيات الرائعه
الف شكر اخوي ونحن بنتظار جديدك القادم..
تقبل مروري مع فائق تحياتي وتقديري
بنت بلادي

[مهاجر]

شحم كلبي عالشحم جلاي ودج
مسودن وانحر الوديان ودج
شفته دالعه النهدين ودج
عالمولاهه وتجيب الموت اليه
مشكور واحسنت على هذه الابوذيات اللطيفه

[بنت العراق]

بعيد ولاجنح عندي وامركم
وصرت خاضع لأمر الله وامركم
البعد لابد اخلصنه وامركم
واعاتب كل محب ماينشد عليه


ابوذيات جميله

تسلم ايدك اخي

ننتظر جديدك المميز

تحياتي
:)

[Swat Iraqi]

مشكور يا ورده

[أمير الرافدين]

مشكورين اخواني اخواتي شرفتونا بمروركم العطر
ان شاء الله عجبتكم الأبوذيات وانا خادم الكم

مع تحياتي
مملكة الأحزان