أبد ما هود [الأرشيف] - منتــــديات اســــود العـــراق

Aseer ALshooQ

09-26-2007, 07:14 AM

سلام عليكم

ابد ما هود

اكله اكطع ونينك عاد صار من الخلك منكود
كافي اتحنت الشمات يوم الشافتك منكود
يبس هلة الدمعات لتخلي الدمع مهدود
جدرك بالنوايب فار وي نار الشماته اينود
والشامت يزيد النار ويخلي الحطب بارود
خلي الهل ونين حدود
يرد ويكول ابد ماهود
اسكته وعلى اعنادي ايزود
ويون ون يفطر الجلمود
ابد ماهود ابد ماهود
البست ثوب الحزن تفصال لونه من اليالي السود
من يوم الحدى الحداي دمعي ايهل يصاح اجبود
ممحله الهم شواطي الروح من يوم اللفى الصيهود
ماضن نبع المحبين يطغى وعالجوالي ايزود
وظل امناطر الجيه
ودليلي اعلى الدرب مشدود
وذوب شمعة اسنيني ويظل خيط الامل معكود
وترجى الضعون اتعود
وترد البسمه لشفافي وعلي بيهم زماني ايجود
وت رد الفرحه بجناح الحنان اتدور
وي هبة النسيم اتنود
وزرع عالدرب ريحان ونثر للجدام اورود
وساكيها ابدمع عيناي ماطول النبض موجود
وبكى اسكب دمع حراك يحفر عالخدود اخدود

اتمني ان تنال اعجابكم

لƒ¦ بَنّتْ بَلاِدْي لƒ¦

09-26-2007, 11:32 AM

وعليكم السلام ورحمة الله وبركاته
/
\
جميل ماسطرته هنا اخي الكريم اسير الشوق فكلماتك وعباراتك مملؤة بالأحساس
فتحية لك ولقلمك المبدع .. ازادك الله بكل جديد
تقبل مروري مع فائق تحياتي وتقديري
بنت بلادي