سوال لكل مغترب .. اذا ترجعون للعراق شتسوون ؟؟

[طائر الاحلام]

السلام عليكم ورحمه الله وبركاته

اليوم اني حلمان بالعراق ..

تخيلوا نفسكم ..فد 20 سنه مغتربين خارج العراق ..

ورجعتوا البغداد ..

شنو اول شي رح تسووه ... ؟

اول شخص تروح عليه وتبوسه من راسه ..؟؟

اول شخص اتكله والله بلياك الدنيه سوده جانت .. ؟؟

شنو الشي المفتقديه حاليا... ؟

لو بيدكم يا مشروع تسويه بالعراق .. ؟؟

يلا ماريد اطول عليكم..ننتظر مشاركاتكم

[زيونة]

اول شي اسويه بس ادخل الحدود ابوس تراب العراق واول شخص اروح عليه وابوسة من راسة اخوية الكبير او شخص اكلة بلياك الدنية سودة بصراحة مو شخص اشخاص همة اخوتي لان كلهم غالين على قلبي والشي الي مفتقدته حالياهوة المة تعرف من احنة بالعراق نكعد كلنه سوة لمة الاهل متتعوض واذا اني ابني مشاريع اول مشروع اسويه هوة يااخوية هوة مو مشروع بس الكة حل للبطالة الي صارت بالعراق من ورة الاحتلال مشكور اخوي طائر الاحلام والله يردك للعراق سالم غانم باذن الله

[طائر الاحلام]

ان شاء كل مغترب يرجع لاهله
وارضه وناسه
لوطنه
(زيونه)
يسلموو على المرور
والاجابات الاحلى
وان شاء الله تتحقق كل اللي
تتمنيه وتحلمين بيه
نورتي الصفحة
وتقبلي تحياتي

[بنت الشمال]

انشاالله كل مغترب يرجع لبلدة وانشاالله يرجع العراق بلد الامان والاستقرار وانشاالله نرجع الى محافظاتنا العزيزة

[ياسر الزبيدي]

شنو اول شي رح تسووه ... ؟

أزور العتبات المقدسه


اول شخص تروح عليه وتبوسه من راسه ..؟؟

جدي

اول شخص اتكله والله بلياك الدنيه سوده جانت .. ؟؟

أمي

شنو الشي المفتقديه حاليا... ؟

الوطن

لو بيدكم يا مشروع تسويه بالعراق .. ؟؟

كلشي ما اريد لان احنا بلد الخير
بس الامااااااااااااااان اريده يعم علينا
ويطلع الاحتلال

يلا ماريد اطول عليكم..ننتظر مشاركاتكم


تسلم على الموضوع الجميل
أرجو ان تتقبل مروري

[طائر الاحلام]

ان شاء الله رب العالمين
يسمع منج اختي
(بنت الشمال )
ويرجع العراق مثل الاول ان شاء الله
يسلموو على المرور
وتقبلي تحياتي

[طائر الاحلام]

( الرومانسي الغريب)
يسلموو على المرور الاجمل
وان شاء الله
رب العالمين يحقق كل اللي تتمناه
وترجع الى الوطن غانما وساملا بااذن الله
منور الصفحة عزيزي
تقبل تحياتي

[عاشق آل محمد]

اني علية نذر اذا ارجع للعراق رح اسج سجدة الشكر واوسد راسي بتراب بلدي بالنسبة للحدود اما اذا رجع لبغداد ووصلت للمنصور وشفت بيتي رح اظل ابوس بالكاع مالت الكراج مالتنا الى لن ارتاح يمكن تكولون هذا مخبل او مريض بس والله العظيم هو وحدة يعرف شكد احب العراق تدرون؟ نشرت مقالة عن الحبيبة بغداد بجريدة الثورة السورية وحتى حلكد ما وصلت الى حالة المبالغة و المغالاة كلت انه معنى بغداد باللغة العربية الوردة المزهرة طبعا غلط بس لازم واحد يلتزم بالموضوعية بس والله ما كدرت جنت بحالة نفسية كلش قوية اذا رجعت للعراق رح اروح ازور الامام الكاظم عليه السلام لانه عندي نذر قديم اذا ما طلعت بالكيميا مكمل ازرو الامام ع ورح ازور كربلاء والنجف وقبر اخوية الشهيد وبيتنا ويمكطن رح افقد عقلي واصيح بالشارع اذا شفت بيتي بعيني مو بالحلم

[ابوهاشم]

نسال المولى تعالى عودا حميدا للجميع وكما ورد في الدعاء (ورد كل غريب الى اهله سالما غانما) (اللهم رد كل غريب ) فاذا كان الرجوع هكذا فهو الرجاء ومن اراد ان يعلم شوق الاحرار الى ديارهم فاليقرا حول موقف الرسول الاعظم(ص) عندما خرج مهاجرا الى المدينة وكذلك موقف سيد الشهداء (ع) عندما خرج من المدينة الى كربلاء مع فائق تقديري

[طائر الاحلام]

ان شاء الله كل مغترب
يرجع لبلده ويرجع لحضن اهله وناسه
ووطنه وان شاء الله تتحقق كل الامنييات
يسلموو اخواني على المرور
ومنورين الموضوع
تقبلوا تحياتي