سلام الخطاط
08-30-2008, 03:29 AM
متندمة
متندمة .. اجت تبجي و تصيح الحك علي يا فلان
مثل حبك ما شفت بالدنيا و آخرها
متندمة و اجت بعد الوكت ما فات
تريد اتعيد ماضي الجان يسعدها
تريد اترجع ايام الجنت و الجان
و تكطع كل علاقة الها بجناينها
و تريد اتوضح شلون القدر من صار
و انساكت عروس بيوم زفتها
و شلون اجت ثياب العرس عالمقياس
و هي محبوبة فلان .. و غيره عاذلها
تالي .. الغير معرس و راحت عليه فلان
يتفرج يشوف شلون بدلتها
تطريز و خرز و الخصر ضيق جان
بدلتها طويلة بطول كذبتها
مترتبة الامور .. القدر لا معليه
علاكة و تشيل اشكثر من عدها
كلما تجفص و كالت قدر يا فلان
و اقواهن الجانت هاي جفصتها
و فلان اللكالة ام الجهال شلون بالله وياه !!
هم يرجع رجوع يعيد اولها !!
هم يرجع يكلج اني احبج موت !!
و نجوم الظهاري يعيد حسبتها
جنتي التالي و الاول يحسبج دوم
هسة اصبحتي ضربة بوري بس فلان ثولها
هسة اصبحتي ماضي و عيب .. ما ينعاد
و ايام التمر متصير ردتها
ظلي وي الجناين وامج الجانت تلم شوباش
ذيج الصورة بالدلال .. و بكل صباح اتعيد طبعتها
و صدكي .. فلان لو يكدر يعيد ايام
يعيد ايام صغره الماشبع منها
و يظل قافل على الساعات بالكاروك
و ما يكبر و لا يضوك المحبة و حار جويتها
روحي بدربج و خليه وحيد فلان
عنده من الهموم اشثكل شيلتها
ميكلج حرام الندم .. بطلي و عيب تتندمين
حوا اتندمت من سنين .. ظلت تبجي جنتها
حتى اليابس من اشجار
تندم تالي سكيتها
و الطير اليفوته اللكط و يفضل عليه الحوم
يظل ندمان عالحبات .. غير طيور اكلتها
لكن .. يا وسف ميفيد
تمشي الدنيا و احنا بطوع مشيتها
روحي بدربج .. انتي الدرب جربتيه
فرطتي بدروب فلان .. حلوة و تزهي زينتها
و لو عشتي ندمانة العمر كله
ما يرجع فلان .. صدكي .. التوبة رجعتها
متندمة .. اجت تبجي و تصيح الحك علي يا فلان
مثل حبك ما شفت بالدنيا و آخرها
متندمة و اجت بعد الوكت ما فات
تريد اتعيد ماضي الجان يسعدها
تريد اترجع ايام الجنت و الجان
و تكطع كل علاقة الها بجناينها
و تريد اتوضح شلون القدر من صار
و انساكت عروس بيوم زفتها
و شلون اجت ثياب العرس عالمقياس
و هي محبوبة فلان .. و غيره عاذلها
تالي .. الغير معرس و راحت عليه فلان
يتفرج يشوف شلون بدلتها
تطريز و خرز و الخصر ضيق جان
بدلتها طويلة بطول كذبتها
مترتبة الامور .. القدر لا معليه
علاكة و تشيل اشكثر من عدها
كلما تجفص و كالت قدر يا فلان
و اقواهن الجانت هاي جفصتها
و فلان اللكالة ام الجهال شلون بالله وياه !!
هم يرجع رجوع يعيد اولها !!
هم يرجع يكلج اني احبج موت !!
و نجوم الظهاري يعيد حسبتها
جنتي التالي و الاول يحسبج دوم
هسة اصبحتي ضربة بوري بس فلان ثولها
هسة اصبحتي ماضي و عيب .. ما ينعاد
و ايام التمر متصير ردتها
ظلي وي الجناين وامج الجانت تلم شوباش
ذيج الصورة بالدلال .. و بكل صباح اتعيد طبعتها
و صدكي .. فلان لو يكدر يعيد ايام
يعيد ايام صغره الماشبع منها
و يظل قافل على الساعات بالكاروك
و ما يكبر و لا يضوك المحبة و حار جويتها
روحي بدربج و خليه وحيد فلان
عنده من الهموم اشثكل شيلتها
ميكلج حرام الندم .. بطلي و عيب تتندمين
حوا اتندمت من سنين .. ظلت تبجي جنتها
حتى اليابس من اشجار
تندم تالي سكيتها
و الطير اليفوته اللكط و يفضل عليه الحوم
يظل ندمان عالحبات .. غير طيور اكلتها
لكن .. يا وسف ميفيد
تمشي الدنيا و احنا بطوع مشيتها
روحي بدربج .. انتي الدرب جربتيه
فرطتي بدروب فلان .. حلوة و تزهي زينتها
و لو عشتي ندمانة العمر كله
ما يرجع فلان .. صدكي .. التوبة رجعتها