اياد علي
09-19-2007, 06:25 PM
شمس رمده
....................
شفتك شمس رمده وبيها غبرة خيل
وصوت الريح يتلاوه برمش عينك
وشفتك جرح تزحف معتني اعله السيف
يتوچه اعله دمك حيل رجلينك
جثه بلا كبر والجفن ضحكة كيف
والجناز صرخه ومحد ايعينك
يا اول كبر يضحك بوجه الموت
بس راعي البخت شك مذهبه ودينك
شك مذهبنه بيك وصرنه بيك اثنين
حرك تالي اليجي او رد اعله عشرينك
يا اطول نهر ظيم بوجه التاريخ
من تعطش فرح تشرب حزن طينك
چورت الليالي وشلت ناسك حيف
وانت بلايه حيف احتركت اسنينك
چم نظره بجفن خانگهه چفك طيف
وچم طيف اليمر خاطف حسن زينك
لامثل البشر تفرح عرس بغداد
مغصوبه وتزفها اسيوفك وبينك
اشما وج الضحك بشفافك انطفيك
ومن جف اليعورك احنه لاوينك
شما يركص ابليس انجر عليك اسيوف
شما تثكب جمرنطفي بچوانينك
ويزيد من اليمن رد بالسبايا اردود
ومن ارض الحجاز الحاربو دينك
كلها التمت وكل رايه بيها ايزيد
ومخنث عمان يحد سجاجينك
كلها اتحزمتلك وانت صدر احسين
شما تردس الخيل ايوج ضوه اسنينك
شما حركو اخيامك دمك ايدفيك
ومن اجروحك اتشيد صواوينك
من عز المطر واتكشخ النكاط
غركت العرب من دم شرايينك
وشفتك من عطشنه وعظنه ضرس الموت
رحت بجودك وتتنخه جفينك
بس ماوصل حلكك والسهم لاكاك
مكبل ياعراق وشرعب ابعينك
يلصفنتك صنطه ويكف بيها البوم
وتبرد الضوه ابمكسر روازينك
جم شيطان مد خيطه ابفطر رجليك
وانت الماتشيلك حته رجلينك
شما مرك جدم الا اعله ظهرك داس
ياريل الهظم تعبت فراكينك
تجرم والرماح ابظهرك تلاكيك
يابخت العرب من هوسوا وينك
لاچف البكه وتتوجه حته اتكوم
ولا من هالجرب يفزعلك ايعينك
للشاعر الكبير كاظم ال جابر السماوي
....................
شفتك شمس رمده وبيها غبرة خيل
وصوت الريح يتلاوه برمش عينك
وشفتك جرح تزحف معتني اعله السيف
يتوچه اعله دمك حيل رجلينك
جثه بلا كبر والجفن ضحكة كيف
والجناز صرخه ومحد ايعينك
يا اول كبر يضحك بوجه الموت
بس راعي البخت شك مذهبه ودينك
شك مذهبنه بيك وصرنه بيك اثنين
حرك تالي اليجي او رد اعله عشرينك
يا اطول نهر ظيم بوجه التاريخ
من تعطش فرح تشرب حزن طينك
چورت الليالي وشلت ناسك حيف
وانت بلايه حيف احتركت اسنينك
چم نظره بجفن خانگهه چفك طيف
وچم طيف اليمر خاطف حسن زينك
لامثل البشر تفرح عرس بغداد
مغصوبه وتزفها اسيوفك وبينك
اشما وج الضحك بشفافك انطفيك
ومن جف اليعورك احنه لاوينك
شما يركص ابليس انجر عليك اسيوف
شما تثكب جمرنطفي بچوانينك
ويزيد من اليمن رد بالسبايا اردود
ومن ارض الحجاز الحاربو دينك
كلها التمت وكل رايه بيها ايزيد
ومخنث عمان يحد سجاجينك
كلها اتحزمتلك وانت صدر احسين
شما تردس الخيل ايوج ضوه اسنينك
شما حركو اخيامك دمك ايدفيك
ومن اجروحك اتشيد صواوينك
من عز المطر واتكشخ النكاط
غركت العرب من دم شرايينك
وشفتك من عطشنه وعظنه ضرس الموت
رحت بجودك وتتنخه جفينك
بس ماوصل حلكك والسهم لاكاك
مكبل ياعراق وشرعب ابعينك
يلصفنتك صنطه ويكف بيها البوم
وتبرد الضوه ابمكسر روازينك
جم شيطان مد خيطه ابفطر رجليك
وانت الماتشيلك حته رجلينك
شما مرك جدم الا اعله ظهرك داس
ياريل الهظم تعبت فراكينك
تجرم والرماح ابظهرك تلاكيك
يابخت العرب من هوسوا وينك
لاچف البكه وتتوجه حته اتكوم
ولا من هالجرب يفزعلك ايعينك
للشاعر الكبير كاظم ال جابر السماوي