ريح ايلول--للشاعر الكبير كاظم ال جابر السماوي

[اياد علي]

كل عام وانتم بالف خير
اقدم لكم اليوم شاعرا كبيرا بقصيده رائعه وسو اوم بنشر كل قصيده لشاعر كبير وموفقين
--------------------------


ريح ايلول



ردت خيل ابو سفيان والرده

من الشام اجت وجيوشهه ابجده

ردت عالعراق وعاليحب احسين

وا لشيطان گاملها وفتل زنده

كلها اتحشمت وتصيح رد احسين

مهو طبع اليضدنه وطينته ابخده

ردت والسيوف اتغازل التاريخ

وسروج الذهب لظهورها الجلده

ردت تسحگ ابصدرالوكع عطشان

وارماح العرب تتناوش ابجلده

من كل صوب اجتنه ويزت بيها الغيظ

گصيره اثيابهه وبوجوه مسّوده

الجرح من يزحف ايضمه اليريد ايطيح

والراس اليطيح اتحظنه الف ورده

صفنة موت جانت والجسر تابوت

واليعثر يسمره اعليه ويسده

وريح الخوف يصفر باذن الامعزيات

ركضو والغدر سيف الذبح مده

صاح ابليس ثارت المن تركظون

خطف كل الزغار وعالجسر عده

والشط صار الف سياف بيها يكود

وكل سيف اعله ركبه وخوفهه اتحده

ركظة موت جانت والمسافه اسهام

جن طاح الحسين وصوبن جبده

مامات الشمر مادام اكو زوار

ويزيد الشام صار ايحزب ابجنده

حته الموت هوس والوكع محتار

وحلك الروج يبلع من وكع سده

جن شجرة نبك ويخضها ريح ايلول

تتطشر ورك والموت يتعده

لم وين الوكع ياصول منهم طاح

ينثر عالعراق الكل طفل ورده

[بصراوي مشاغب]

تشكر عزيزي اياد علي على المشاركة الرائعة

ومنور المنتدى بااحلى مشاركة واحلى طلة علينا

وياريت اخوي تتفضل لقسم الترحيب حتى نقوم بالواجب

لك خالص تقديري

[عازف اوتار الحب]

الف شكر اخوي علي على مشاركتج الرائعه

تقبل مني ارق التحايا

[اياد علي]

الف شكر لمروركم الرائع

[لƒ¦ بَنّتْ بَلاِدْي لƒ¦]

قصيده رائعه جداً ..
عاشت الايادي الكريم اخوي اياد علي على هذه المشاركه الجميله
بنتظار جديدك القادم ..
تقبل مروري مع فائق تحياتي وتقديري
ورمضان كريم عليكم يارب