الموضوع: نعي عن الموت /لسيد محمد الصافي جدا رائعة

نعي بصوت السيد محمد الصافي

باجر يسئلونك وتتحاكم .. وين قضيت العمر يابن آدم


ياابن آدم التفت وأسمع الصوت

لاتغرك ولد واموال وبيوت

أشكد تريد تعيش تاليها تموت

وتدري ملك الموت مايتفاهم
[flash1=http://im11.gulfup.com/2011-09-19/1316465150451.swf]WIDTH=0 HEIGHT=0[/flash1]
باجر يسئلونك وتتحاكم .. وين قضيت العمر يابن آدم

العمر يمشي وهاي ساعاته تنوب

وأنت يوميه بأمل باجر وأتوب

شنهو رأيك تحط لذنوبك ذنوب

ورأيد حمولك بعد تتراكم

باجر يسئلونك وتتحاكم .. وين قضيت العمر يابن آدم

الموت ماتعلم بياساعه يجيك

وحصتك تخلص بعد وشلون بيك

يصير قبرك بيتك وينسد عليك

وآه ياظلمه من يتلايم

باجر يسئلونك وتتحاكم .. وين قضيت العمر يابن آدم

القبر بيت الدود وبوحشته يضيج

لا ولد وياك .. لاخل .. لاصديج

يبقى لك بس العمل هو الرفيج

وايده بيدك للقيامه ملازم

باجر يسئلونك وتتحاكم .. وين قضيت العمر يابن آدم

تنسئل عن أربعه بيوم الحساب

وأنت ياأبن آدم اش عندك من جواب

بالحشر وقفتك يمّ رب الأرباب

صحبة وأنت وياها ماتتوالم

باجر يسئلونك وتتحاكم .. وين قضيت العمر يابن آدم

عن شبابك تنسئل أول سؤال

بيمن أبليته ياابن آدم تعال

جنت تمشي بطاعة الله والحلال

لو جنت تأخذ اعراض العالم

باجر يسئلونك وتتحاكم .. وين قضيت العمر يابن آدم

والسؤال الثاني عن مالك منين

بيا وسيله مجمّعه ووديته وين

قاسمت بالمال رب العالمين

لو إبليس وياه كنت تتقاسم

باجر يسئلونك وتتحاكم .. وين قضيت العمر يابن آدم

لون مالك منجمع من الحرام

أقرأ ياابن آدم على الرحمه السلام

الله مايحرم الكل قلبه ظلام

الله يحرم ناسنا تتراحم

باجر يسئلونك وتتحاكم .. وين قضيت العمر يابن آدم

لو حلال المال يالّمالك جثير

هم عليه تنسئل وقبالك يصير

لايتيم انطيت منه ولافقير

ولافعل الخير مالك ساهم

باجر يسئلونك وتتحاكم .. وين قضيت العمر يابن آدم

ياابن آدم ياابن آدم ثالث الأسئله يكون

بيمن أفنيت العمر وأنقضى شلون

على الظالم للمظلوم عون

لو ويا الظالم جنت تتسالم

والسؤال الرابع يقطع النياط

ويه أهل البيت عندك ارتباط

لو قلت ماعندي تهوى من الصراط

ورأسك يظل بالصخر يترادم

باجر يسئلونك وتتحاكم .. وين قضيت العمر يابن آدم

ولو جنت صك لولايتهم تحوز

عالصراط وشدته مأّمن تجوز

ماتطلب للنار بالجنه تفوز .. يالله

حيث يشفع لك نبينا الخاتم

باجر يسئلونك وتتحاكم .. وين قضيت العمر يابن آدم

وانا أقدم لك نصيحه وأرد أقول

كونك تريد النجاة ساعة الهول

على مصاب حسين واسيها البتول

ودوم خلك حاضر بهالمأتم

باجر يسئلونك وتتحاكم .. وين قضيت العمر يابن آدم

علما بان النعي مدته 11 دقيقه تقريبا
sayed_mohamed_alsafi-bagger.mp3
رحم الله من قرا الفاتحة لروح والدتي جزاكم الله الف خير